Свет
Украински беспилотни чамци нападнале руски брод во Црното Море

Руското Министерство за одбрана во средата објави видео за кое тврди дека го прикажува уништување на украински брод без екипаж (USV) кој се обидува да го нападне разузнавачкиот брод „Иван Курс“ од класата „проект 18280 Јуриј Иванов“ во Црното Море, на околу 90 милји североисточно од Босфор во Турција, пренесува „Ал Арабија“.
Видеото, објавено од официјалниот медиум на Министерството за одбрана, „Звездањуз“, ги прикажува последните секунди од, како што се вели, три украински УСВ кои се приближуваат кон „Иван Курс“, пред да бидат уништени.
Russian Defense Ministry announced that Ukraine attempted to attack the Ivan Khurs signals intelligence ship of the Russian Navy with 3 unmanned surface vessels (USVs) in the Black Sea this morning.
Moscow released footage allegedly showing the destruction of one of the USVs. pic.twitter.com/YfS7xWSGWw
— Status-6 (@Archer83Able) May 24, 2023
„Иван Курс“ е дел од руската Црноморска флота и ја обезбедува работата на гасоводите „Турски тек“ и „Син тек“ во ексклузивната економска зона на Турција.
И покрај руските тврдења, не е утврдено дали станува збор за украински или руски УСВ зашто беспилотниот чамец прикажан во видеото на руското Министерство за одбрана е многу слично – но со забележителни разлики во формата на трупот – со оние што Украина ги користеше во претходните напади на Црноморската флота кај Севастопол на Крим во септември.
Во тоа време беа објавени фотографии од безпилотните пловила од страна на украинската влада кои прикажаа невпечатливи чамци со џет-ски мотор и опремени како „самоубиствен дрон“ за детонација при удар.
Киев ги објави фотографиите како дел од напорите за собирање средства за такви чамци, кои чинат повеќе од 250.000 долари.
Инцидентот се чини дека ќе ги зголеми тензиите во Црното Море, каде Русија се согласи минатата недела, еден ден пред самонаметнатиот краен рок, да го продолжи договорот со кој Украина може безбедно да извезува жито од своите црноморски пристаништа.
Киев не го коментираше инцидентот
Руското министерство го посочи нападот како оправдување за Русија да ги прошири мерките за одбрана на своите гасоводи иако не беа споменати какви било импликации за безбедноста на бродовите со жито.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Висок функционер на Хамас: Трамп е одговорен за прекинот на огнот, го притисна Нетанјаху

Во интервју за Скај њуз, високиот функционер на Хамас, Басем Наим, му се заблагодари на американскиот претседател Доналд Трамп за неговата улога во посредувањето за мировен договор меѓу Хамас и Израел во Газа.
Наим рече дека прекинот на огнот „не би бил можен без Трамп“, истакнувајќи дека тој лично вршел притисок врз израелскиот премиер Бенјамин Нетанјаху. Тој додаде дека Хамас сега очекува американскиот претседател да продолжи да го врши тој притисок за да се осигури дека договорот ќе се спроведе.
„Без личното вклучување на претседателот Трамп во ова прашање, не мислам дека ќе имаше крај на војната. Затоа му се заблагодаруваме на претседателот Трамп за неговите лични напори и неговиот притисок врз Нетанјаху да го прекине овој масакр“, рече Наим.
„Се надеваме дека претседателот Трамп ќе продолжи лично да интервенира и да врши максимален притисок врз Нетанјаху да ги исполни своите обврски – прво, според постигнатиот договор, и второ, според меѓународното право како окупаторска сила. Без тоа, ова нема да се случи“, додаде тој.
Тој, исто така, предупреди за изјавите на Нетанјаху во медиумите во кои израелскиот премиер се заканува со враќање во војна „доколку едното или другото не се исполни“.
Наим нагласи дека Хамас не ја исклучува можноста за повлекување од формалното управување со Газа по војната, но дека ќе остане „на терен“. Во исто време, тој јасно стави до знаење дека поранешниот британски премиер Тони Блер „нема да биде добредојден“ во никаква повоена улога за Газа.
фото: принтскрин
Свет
Добитничката на Нобеловата награда за мир: Наградата му ја посветувам и на Трамп

Венецуелската опозициска лидерка Марија Корина Мачадо, која денес ја доби Нобеловата награда за мир за 2025 година за нејзината борба против диктатурата во нејзината земја, наградата делумно ја посвети и на американскиот претседател Доналд Трамп, кој повеќе пати повтори дека ја заслужува.
„О Боже… немам зборови“, рече Мачадо во телефонски повик до секретарот на телото што ја доделува наградата, Кристијан Берг Харпвикен.
Нобеловиот комитет ја објави нејзината реакција на социјалните мрежи.
„Ви благодарам многу, но се надевам дека разбирате дека ова е цело движење, ова е достигнување на целото општество. Јас сум само една личност. Секако не ја заслужувам“, додаде таа.
This recognition of the struggle of all Venezuelans is a boost to conclude our task: to conquer Freedom.
We are on the threshold of victory and today, more than ever, we count on President Trump, the people of the United States, the peoples of Latin America, and the democratic…
— María Corina Machado (@MariaCorinaYA) October 10, 2025
Подоцна, во објава на платформата Икс на англиски јазик, таа напиша: „Ја посветувам наградата на страдалниот народ на Венецуела и на претседателот Трамп за неговата решителна поддршка за нашата кауза!“
Трамп е жесток критичар на венецуелскиот претседател Мадуро, а Соединетите Американски Држави се една од многуте земји во светот кои не ја признаваат легитимноста на неговата влада.
Белата куќа претходно ја критикуваше одлуката на Норвешкиот Нобелов комитет да се фокусира на Венецуела само неколку дена откако Трамп објави напредок во разговорите за прекин на борбите во Газа меѓу Израел и Хамас.
„Претседателот Трамп ќе продолжи да склучува мировни договори, да ги прекинува војните и да спасува животи… Нобеловиот комитет докажа дека ја става политиката пред мирот“, напиша портпаролот на Белата куќа, Стивен Чунг, на платформата Икс.
фото: принтскрин
Свет
Меланија Трамп: Путин одговори на моето писмо, украинските деца се вратија кај семејствата

Првата дама на САД, Меланија Трамп, денес објави дека разговарала со рускиот претседател Владимир Путин за репатријација на децата зафатени во војната во Украина и дека некои од нив се вратени кај нивните семејства и дека наскоро ќе има уште.
„Работиме на тоа“, изјави Меланија Трамп во соопштение од Белата куќа.
Таа додаде дека Путин одговорил на нејзиното писмо и дека тие имаат отворен канал за комуникација.
Сопругата на претседателот Доналд Трамп го истакнала тешкиот живот на децата во Украина и Русија во лично писмо до Путин, соопштија претставници на Белата куќа.
Трамп лично му го предал писмото на Путин за време на разговорите на самитот во Алјаска во август, соопштија претставници на САД.
Меланија Трамп, родена во Словенија, не му се придружи на својот сопруг на патувањето.
Москва тврди дека „ги штити ранливите деца од војна“
Украина го нарече киднапирањето на десетици илјади деца однесени во Русија или на окупирана територија без согласност на нивните семејства или старатели воено злосторство кое ги исполнува дефиницијата за геноцид според договорот на ОН.
Москва претходно тврдеше дека ги штити ранливите деца од воените зони.
Канцеларијата за човекови права на ОН соопшти дека Русија предизвикала страдање на милиони украински деца и ги прекршила нивните права откако започнала инвазијата на Украина во 2022 година.
фото: принтскрин