Свет
Украински дезертери плаќаат по 15.000 долари за бегство од војната во Украина

Украинските дезертери плаќаат дури по 15.000 долари за да избегаат преку граница. Тие масовно бегаат во Молдавија, една од најсиромашните европски земји.
Меѓу нив е и младиот моден фотограф од Киев, Вова Клевер, кој вели дека никогаш не се гледал себеси во оваа војна.
„Насилството не е мое оружје“, тврди тој.
Многу бргу по руската инвазија, Украина им забрани на сите работоспособни мажи на возраст од 18 до 60 години да ја напуштат земјата.
Клевер тајно побегнал во Лондон, со помош на шверцери низ Унгарија, за пет илјади долари. Но, како што пренесува „Јутарњи лист“, неговата грешка била што за тоа му напишал на својот пријател, кој потоа го објавил нивниот разговор на социјалните мрежи. Преписката набргу стана вирална и го предизвика гневот на Украинците на интернет.
„Ти си мртовец што оди. Ќе те најдам на кој било агол на светот“, гласи една од многуте заканувачки пораки на „Твитер“.
Борбата или бегството на безбедно од Украина, разурната од војната, стана морална дилема за многу мажи во Украина. Според регионалните власти, досега илјадници мажи ја напуштиле земјата за да избегнат да одат во војна.
Шверцерите во Молдавија, а можеби и во други европски земји, како Полска и Унгарија, водат профитабилен бизнис. Некои Украинци платиле до 15.000 долари за тајни ноќни прекугранични возења, велат молдавските власти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
„Ерусалим пост“: Трамп ќе му даде на Иран последна шанса

Американскиот претседател, Доналд Трамп, планира да му упати на Иран последна шанса за договор, објави „Ерусалим пост“, повикувајќи се на американски и европски претставници.
Според неофицијални информации, новата понуда би можела да биде уште поповолна од онаа од пред недела и половина, но сепак би се базирала на американското барање за нулта толеранција за збогатување ураниум.
Според истиот извор, Иран се обидел да посредува со американската администрација преку Оман и Катар со цел да ги запре израелските напади и да ги обнови преговорите за нуклеарната програма. Саудиска Арабија наводно дејствува преку посебен канал со иста цел – постигнување прекин на огнот.
Свет
Претседателот на Иран: Не сакаме ширење на војната

Иранскиот претседател Масуд Пезешкијан изјави дека Иран не сака да ја прошири војната со Израел, но ќе одговори пропорционално на секој напад, пренесува државната иранска новинска агенција.
Пезешкијан ова го рекол за време на телефонскиот разговор со турскиот претседател Реџеп Таип Ердоган.
„Иранските научни, воени и цивилни објекти беа под израелска агресија, при што беа убиени цивили, научници и воени водачи“, рече Пезешкијан.
„Иран не ја започна оваа војна, но ќе одговори според нивото на напад“, изјави.
Тој додаде дека учеството на Иран во нуклеарните преговори со САД зависи исклучиво од прекинот на нападите на ционистичкиот режим врз земјите во регионот.
Турскиот претседател Ердоган, според турската државна агенција, му рекол на Пезешкијан дека Турција е подготвена да игра улога на посредник за да помогне во деескалацијата на конфликтот и да го поддржи враќањето на преговорите за нуклеарната програма.
Свет
Нетанјаху не ја исклучува можноста за aтентат на иранскиот ајатолах, уверен е дека тоа нема да го ескалира конфликтот

Израелскиот премиер Бенјамин Нетанјаху во интервју за „Еј-би-си Њуз“ изјави дека не ја исклучува можноста за атентат на иранскиот врховен лидер ајатолахот Али Хаменеи, тврдејќи дека таквиот потег нема да го ескалира конфликтот, туку ќе му стави крај.
Прашан директно дали Израел ќе го гаѓа врховниот водач, Нетанјаху одговори: „Го правиме она што треба да го направиме. Веќе ги гаѓавме нивните врвни нуклеарни научници. Имаме уште работа на други локации“, додаде тој.
Нетанјаху, исто така, рече дека нападите на Израел врз Иран се насочени кон, како што рече, заштита на човештвото од иранската нуклеарна закана.
„Денеска цел е Тел Авив, утре би можел да биде Њујорк“, рече Нетанјаху. Ја разбирам политиката „Америка прва“, но не ја разбирам „Америка мртва“.
Претходно Ројтерс објави дека актуелниот американски претседател Доналд Трамп го одбил предлогот на Израел за убиство на ајатолахот Хамнеи, повикувајќи се на двајца високи американски функционери. Според нивните тврдења, предлогот бил претставен во последните неколку дена, но Трамп ставил вето на планот.
Нетанјаху ги негираше тие тврдења во интервју за Фокс њуз: „Има многу лажни извештаи за разговори кои никогаш не се случиле и нема да навлегувам во тоа. Но, можам да кажам дека ќе го направиме она што треба да го направиме. И мислам дека САД знаат што е добро за нив“.
Тој додаде дека израелските напади ќе престанат само кога ќе бидат отстранети сите ирански нуклеарни капацитети.
Ајатолахот Али Хаменеи, кој има 85 години, е врховен лидер на Иран од 1989 година и е најмоќната политичка и верска фигура во земјата. Нејзиниот авторитет ги надминува сите други институции, вклучително и претседателот и парламентот, и има клучна улога во обликувањето на надворешната политика и нуклеарната програма на Иран.