Свет
УНЕСКО: Поради затворањето на училиштата, на децата им се заканува генерациска катастрофа
УНЕСКО предупредува дека во светот во 2020 година бројот на ученици што не успеале да стекнат некои основни вештини, како што е читањето, што се очекува за нивната возраст, е зголемен 20 проценти. Причината е делумното затворање на училиштата поради пандемијата на коронавирусот.
Бројот на деца со тешкотии во читањето минатата година се зголемил повеќе од 20 проценти, со што е поништен големиот напредок постигнат во последните две децении, се вели во извештајот на институцијата ООН, кој предупредува на генерациска катастрофа како резултат на пандемијата.
Овој клучен индикатор секоја година ги оценува вештините за читање на учениците што полагаат за оценки CE1 и CE2 во франкофонските земји или 2 и 3 во англосаксонските земји. Тоа е основно знаење, што, ако не е солидно, може да го забави учењето на ученикот на долг рок.
УНЕСКО стравува дека целата деценија може да биде нарушена од пандемиската криза и повикува на вонредни напори за одржување на наставата.
„Кризата покажа до кој степен образованието е глобално јавно добро што мора да се заштити“, рече Одри Азулај, генерален директор на УНЕСКО, која пред состанокот на министрите за образование од целиот свет, кој треба да се одржи в понеделник, ја повика меѓународната заедница да се вклучат во ова прашање.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Купишта отпад плива низ улиците на Флорида, забележани се обилни врнежи
Новинарот Макс Чеснес објави фотографија од центарот на Гулфпорт, Флорида.
We’re on Shore Boulevard in downtown Gulfport. Piles of debris from Hurricane Helene just days ago are now soaked in the floodwaters of Hurricane #Milton pic.twitter.com/BJJd0TKG1s
— Max Chesnes (@MaxChesnes) October 10, 2024
Тој наведува дека купиштата отпадоци и искршени делови по неодамнешниот премин на ураганот Хелен сега се потопени во поплавите што ги донесе ураганот Милтон.
Обилни врнежи беа забележани низ Флорида со пристигнувањето на ураганот Милтон.
Речиси 2,8 милиони домови и бизниси низ Флорида се без струја, според PowerOutage.us.
Свет
САД веруваат дека лидерот на Хамас Јахја Синвар е жив и се крие во тунел во Газа
САД веруваат дека лидерот на Хамас Јахја Синвар е жив и веројатно се крие во подземен тунел во Појасот Газа со заложници во близина, изјави денеска Бред Мекгурк, специјален советник на Белата куќа за Блискиот Исток и Северна Африка.
„Јахја Синвар останува тој што одлучува. Веруваме дека тој е жив и е во тунел под Газа, веројатно со заложници во близина“, рече Мекгурк за време на разговорот со американските рабини, пренесува Тајмс оф Израел.
Ова се најдеталните информации за статусот на Синвар од висок американски функционер за неколку недели, ако не и месеци, пишува израелскиот дневен весник.
Во текот на изминатите неколку дена, медиумите објавија дека Синвар, откако беше недостапен повеќе од еден месец, повторно воспостави контакт со претставници на Хамас надвор од Појасот Газа.
Мекгурк рече дека американската влада верува дека војната во Појасот Газа може веднаш да заврши доколку Синвар се согласи да ги ослободи преостанатите израелски заложници кои ги држи Хамас.
Свет
УНИЦЕФ: Секоја осма жена во светот била жртва на сексуална злоупотреба пред да наполни 18 години
Повеќе од 370 милиони девојчиња и жени ширум светот биле жртви на силување или сексуална злоупотреба во текот на нивното детство или адолесценција, според извештајот на УНИЦЕФ.
Тоа значи дека секоја осма девојка или жена била жртва на силување или сексуален напад пред да наполни 18 години, се вели во соопштението на Детскиот фонд на ОН.
Ако на овие напади се додадат и нападите во кои нема контакт, како што се вербалните напади на Интернет, бројот на погодени девојки и жени во светот е 650 милиони или секоја петта.
Директорката на УНИЦЕФ, Кетрин Расел, рече дека „сексуалното насилство врз децата е неподнослив напад врз колективната свест“.
Овие напади и силувања „предизвикуваат длабока и трајна траума и често се нанесуваат од доверлива личност, во средини каде што детето треба да се чувствува безбедно“, додава Расел.
Податоците за сексуалното насилство врз децата беа објавени во пресрет на 11 октомври, Меѓународниот ден на девојчето, прогласен од ОН.