Свет
Успех во Израел: Тел Авив го затвори последното ковид-одделение
Кампањата за вакцинација во Израел веќе се покажа како успешна. Друг доказ дека пандемијата во Израел е при крај е болницата „Ичилов“ во Тел Авив, која го затвори својот ковид-одделение, објави Кликс.ба.
Болницата Ичилов во понеделникот објави дека го затворила последното активно одделение за лекување на пациенти со коронавирус, по падот на бројот на заразени во Израел. Последните пациенти со ковид кои беа хоспитализирани во болницата Ичилов, главниот болнички комплекс што му служи на Тел Авив и на неговото градско подрачје, закрепнуваат.
Klinik in Tel Aviv schließt letzte Corona-Station @BILD https://t.co/qmPOwpBmKJ
— Kieffer Jean-Marie (@menkieffer) March 15, 2021
„Околу 600 пациенти во моментов се заразени со вирусот корона. Минатата година во ова време имавме стотици пациенти, утрово само десетина. Се враќаме на нормалните пациенти, кои немаат коронавирус“, рече еден лекар.
Кампањата за вакцинација во Израел е најдобра во светот, а 60% од популацијата беше имунизирана, што овозможи враќање на животот во пред-пандемиската норма.
Поголемиот дел од постарата израелска популација веќе е вакцинирана, а милиони луѓе веќе се под заштита на првата доза на вакцината. Новите инфекции се намалени на три проценти од испитаните, болниците се празнат, а претпазливите епидемиолози се оптимисти.
Светските медиуми сè повеќе ја пренесуваат атмосферата од улиците на израелските градови преполни со луѓе, а сликите од Израел даваат надеж дека животот во остатокот од светот наскоро ќе започне да се нормализира, пишува Кликс.ба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.
Свет
Мигранти плаќале 18.000 евра за превоз преку Ла Манш, биле сексуално експлоатирани
Виетнамска криминална мрежа беше пресечена со акција на полициите на Франција и Англија, со поддршка на Европол.
Оваа група шверцувала мигранти преку Ла Манш и организирала нивна сексуална и трудова експлоатација како и перење пари.
Главниот организатор, идентификуван како десна рака на водачот на оваа банда, го организирал шверцот, додека друг нивни соучесник бил задолжен за собирање пари и организирање на транспортот на мигрантите, кои плаќале од 15.000 до 18.000 евра за превоз преку каналот , соопшти Европол.
На пат од Полска за Франција, некои од мигрантите шверцувале метамфетамин во парискиот регион, снабдувајќи ги азиските групи за шверц на дрога со седиште во областа во замена за намалена цена на патувањето.
Уапсени се 16 членови на оваа група и одземени се разновидна луксузна стока, 100.000 евра во кеш и уште 298.000 евра на банкарски сметки.
Свет
(Видео) Израелски министер доживеа сообраќајка: автомобилот превртен
Автомобилот на министерот за национална безбедност на Израел, Итамар Бен Гвир се превртел при сообраќајна несреќа.
Полицијата соопшти дека во судирот учествувале две возила и дека три лица се пренесени во болница откако биле полесно повредени, додека службениот автомобил на министерот завршил на неговиот покрив.
השר בן גביר היה מעורב בתאונת דרכים סמוך לזירת הפיגוע ברמלה, מצבו קל
(אורלי אלקלעי) @OferHalfonKan pic.twitter.com/iDT6Aq0OIo
— כאן חדשות (@kann_news) April 26, 2024
Од кабинетот на Бен Гвир велат дека министерот е во добра состојба и свесен, но е префрлен на понатамошно лекување во блискиот медицински центар Шамир.
Сликите од местото на настанот покажуваат дека неговото службено возило се превртело, додека друг автомобил бил згмечен напред.
Полицијата соопшти дека ги истражува причините за несреќата.