Свет
Утре избори во Турција: Домаќинките за Ердоган, младите за Киличдароглу
![](https://makfax.com.mk/wp-content/uploads/2023/05/turcija-izbori.jpg)
Повеќе од 64 милиони регистрирани гласачи имаат право да гласаат на „најважните избори во светот во 2023 година“, како што светските медиуми ги опишаа утрешните избори во Турција.
Од тие 64 милиони гласачи, 11 милиони се домаќинки, пишуваат дел од турските медиуми, потенцирајќи дека последните анкети покажале оти оваа група избирачи може да се покаже како клучна за победа.
Повеќе од 5 милиони, пак, се нови гласачи кои ќе гласаат првпат. Нивното учество на изборите, исто така, се очекува да биде важен фактор во тесната трка меѓу Ердоган и Киличдароглу. 78% од гласачите на возраст од 18 до 24 години изразиле намера да гласаат. „Според анкетите во април, мнозинството млади луѓе го претпочитаат Киричдароглу“, пишуваат медиумите.
Партијата на Ердоган вети дека домаќинките ќе земаат пензија исто како да биле вработени.
„Државата ќе надомести една третина од пензиските обврски“, пишува во програмата и се додава дека домаќинките ќе бидат третирани исто како и тешките работници.
Идентично и Киличдароглу рече дека ќе воведе осигурување за поддршка на семејството, кое ќе обезбеди социјална помош за семејствата кои немаат приход или заработуваат помалку од минималната плата.
Гласачките места ќе се отворат во 8 часот по локално време и се затвораат во 17 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Путин: Москва мора да започне со производство на ракети со среден и краток дострел
![](https://makfax.com.mk/wp-content/uploads/2024/05/putin4.jpg)
Москва мора да започне со производство на ракети со среден и краток дострел за да може да одговори на акциите на Вашингтон, изјави денеска рускиот претседател Владимир Путин на оперативниот состанок со членовите на Советот за безбедност на Русија.
„Во 2019 година објавивме дека нема да ги произведуваме овие ракети и дека нема да ги распоредиме додека САД не ги распоредат овие системи во некој регион во светот“, потсети Путин, пренесува РИА Новости.
Денес, како што оцени, се знае дека САД не само што ги произведуваат овие системи, туку и ги пренесуваат во Европа – на воени вежби во Данска.
Свет
„Тешко е да се расправаш со лажго“: се огласи тимот на Бајден
![](https://makfax.com.mk/wp-content/uploads/2019/07/bajden-tramp.jpg)
Американскиот претседател Џо Бајден не се откажува од трката за реизбор, изјави денеска неговиот претставник од кампањата по дебатата против републиканскиот кандидат Доналд Трамп, од која некои демократи не беа задоволни.
„Се разбира дека нема да се откаже“, рече портпаролот на кампањата на Бајден, Сет Шустер, пренесува „Хил“.
По дебатата и Бајден потврди дека нема да се откаже од трката за нов четиригодишен мандат.
„Тешко е да се расправате со лажго. „Њујорк тајмс“ истакна дека тој лажел 26 пати“, рече тој, мислејќи на поранешниот претседател Трамп.
По настапот во дебатата во четвртокот вечерта со Трамп, Бајден беше широко критикуван од демократите, а некои признаа дека тоа ќе ги поттикне дискусиите за тоа дали претседателот треба да биде сменет пред националната конвенција во август, каде демократите формално ќе го номинираат својот кандидат.
Регион
Земјотрес го погоди Крит
![](https://makfax.com.mk/wp-content/uploads/2023/08/zemjotres2.jpg)
Земјотрес со јачина од 3,8 степени според Рихтеровата скала го погоди Крит.
Земјотресот бил на длабочина од пет километри, а епицентарот на 73 километри од Ираклион.
Засега нема информации за жртви и материјална штета.