Свет
Уште една чудна смрт во руската војска: пронајден мртов рускиот комесар задолжен за мобилизацијата на Путин

Роман Малик (49), воениот комесар за градот Партизанск на рускиот Далечен Исток, кој беше одговорен за мобилизација и регрутирање во регионот, почина вечерта на 14 октомври. Неговата смрт ја пријави градската управа преку руската социјална мрежа „Вконтакте“, пренесе „Медуза.ио“.
„Срцето на силниот и храбар човек, кој помина низ многу жаришта, но никогаш не се скрши под товарот на тешките воени настани и многу загуби, застана“, се вели во соопштението во кое смртта на Малик е опишана како трагична.
A military commissar in charge of enlistment for Putin’s chaotic mobilisation campaign, Lt-Col Roman Malyk, 49, has been found dead in suspicious circumstances prompting murder investigation. His body was discovered near the fence of his home in the Primorsky region of Russia. pic.twitter.com/MzFy54TTe7
— Kiztv7NewsRoom (@kiztv7) October 16, 2022
Локалниот весник „Времја перемен“ пишува дека телото на комесарот „со знаци на самоубиство“ било пронајдено „на оградата“, а каналот „Меш“ на „Телеграм“ наведува дека телото на Малик е пронајдено „во близина на оградата“. Полицијата ја истражува можноста и за самоубиство и за убиство. Блиските на Малик не веруваат дека се работи за самоубиство, истакнува „Медуза“.
Хонорарен репортер, чие корисничко име на „Твитер“ е „Фифти шејдс оф веј“, напиша дека „потполковник Роман Малик бил главниот воен службеник задолжен за мобилизацијата на Путин“.
Lt. Col. Roman Malyk was a top military official in charge of Putin’s mobilization.
Malyk’s body was reportedly found hanging in an apparent suicide near his home. pic.twitter.com/7IVTRxKzs0
— Fifty Shades of Whey (@davenewworld_2) October 16, 2022
„Телото на Малик наводно било пронајдено обесено во очигледен случај на самоубиство во близина на неговиот дом“, рече тој.
А телевизијата „Некста“ на „Твитер“ објави дека телото на комесарот е пронајдено во приморскиот крај.
„Познато е дека Малик се борел во Чеченија и речиси не се жалел на своето здравје“, рече Некста.
In #Primorsky Krai, the body of Partizansk military commissar Roman Malyk was found. The investigation is considering suicide or murder.
It is known that Malyk had fought in #Chechnya and had not complained about his health recently. pic.twitter.com/lzc9bukHVD
— NEXTA (@nexta_tv) October 15, 2022
Руската мобилизација почна на 21 септември. Властите најавија дека планираат да повикаат 300.000 резервисти, а „Медуза“ објави дека Москва, всушност, планира да повика 1,2 милион луѓе, што Кремљ го негира.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Руски научници развија ново соединение за борба против ракот

Експерти од Државниот универзитет во Мари и Федералниот истражувачки центар „Уфа“ при Руската академија на науките развија ново хемиско соединение што би можело да стане основа за создавање иновативни лекови против тумори, објави Министерството за наука и образование на Русија.
Ова соединение дејствува селективно на туморските клетки, речиси без да ги оштети здравите клетки, а неговата молекуларна структура комбинира фенотијазинска и трифенилфосфониумска група.
Благодарение на оваа комбинација соединението ја таргетира слабата точка на туморските клетки – митохондриите и ја нарушува нивната работа, објавува „РИА новости“.
„Резултатите од истражувањето покажаа дека новото соединение ефикасно го потиснува растот на разни малигни клетки, вклучувајќи рак на црниот дроб, аденокарцином на белите дробови, колоректален карцином и леукемија. Активноста се манифестира дури и при ниски концентрации, што го прави соединението особено ветувачко за развој на лекови“, рече Константин Белослудцев, доктор по биолошки науки и проректор за иновации на Државниот универзитет во Мари, објавува „Танјуг“.
Како дополнителна предност, Белослудцев ја истакна едноставноста на синтезата на соединението, што овозможува негово производство во доволни количини за претклинички и клинички испитувања. Овие студии се спроведени во рамките на програмата „Приоритет 2030“, пренесува медиумот.
Свет
Стаб: Се надевам дека кај Трамп набргу ќе го снема трпението за Путин

Финскиот претседател Александар Стаб денес изјави дека се надева дека трпението на американскиот претседател Доналд Трамп со рускиот претседател Владимир Путин наскоро ќе исчезне и додаде дека европските земји ќе продолжат да се залагаат за траен мир во Украина.
Според него, единствениот начин да се принуди Путин да ја заврши војната во Украина е преку неговите сојузници, со проценка дека оние кои можат да го убедат рускиот претседател да постигне примирје се на Истокот, објавува „ Ile“.
Финскиот претседател, исто така, рече дека го предупредил Трамп дека Путин користи „типични руски тактики на одложување“ за да избегне средба со украинскиот претседател Володимир Зеленски.
Фото: принтскрин
Свет
Мерц: Германија нема да ја признае палестинската држава на Генералното собрание на ОН

Германскиот канцелар Фридрих Мерц денес изјави дека Германија нема да се придружи на иницијативата на западните сојузници за признавање на палестинската држава на Генералното собрание на Обединетите нации следниот месец.
Мерц го објави ова на заедничка прес-конференција со канадскиот премиер Марк Карни, кој минатиот месец изјави дека Канада планира да ја признае државата Палестина на Генералното собрание по слични најави од Франција и Велика Британија, пренесува „Ројтерс“.
„Ставот на федералната влада е јасен во врска со евентуалното признавање на државата Палестина. Канада го знае тоа. Ние нема да се придружиме на оваа иницијатива. Не гледаме дека условите се исполнети“, рече Мерц.
Фото: принтскрин