Свет
Фармацевт од САД осуден на три години затвор, намерно уништувал вакцини
Фармацевт од САД е осуден на тригодишна затворска казна, откако признал дека ги уништувал вакцините на „Модерна“.
Стивен Р. Бранденбург (46) намерно ги отстранил шишенцата со вакцини од фрижидерот, иако знаел дека мора да стојат на точно одредена температура пред користењето, покажуваат судските списи.
Фармацевтот мора да плати 83.300 долари отштета на болницата во Висконсин, каде бил вработен.
Тој ги извадил шишенцата со вакцини во текот на две ноќни смени во јануари. Ги оставил неколку часа надвор од фрижидерот, пред да ги врати. Тие шишенца се користени за вакцинирање следниот ден.
Вкупно 57 лица примиле вакцини од шишенцата кои Бранденбург ги извадил од фрижидерот, стои во соопштението на Министерството за правосудство.
„Намерен обид да се уништат дозите вакцини во текот на националната јавноздравствена криза е сериозно злосторство“, порача Брајан Бојнтон, заменик-државен обвинител при цивилниот оддел на Министерството за правосудство.
Бранденбург бил скептичен кон вакцините, а посебно кон оние на „Модерна“.
Преку 124 милиони дози на „Модерна“ се вбризгани во САД. Вакцинирањето со две дози е околу 90 отсто делотвроно против симптоматски Ковид-19 и 95 отсто против тежок облик на болеста.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Господине Трамп, најдете си живот – Бајден лут поради коментарите на експретседателот за ураганот на Флорида
Американскиот претседател, Џо Бајден, одржа брифинг за новинарите за ураганот Милтон.
Тој рече дека обновата на погодената област ќе чини неколку милијарди долари и ќе трае долго.
Американскиот претседател се осврна и на коментарите на експретседателот на САД, Доналд Трамп, кој рече дека погодените од ураганот ќе добијат само 750 долари помош, нарекувајќи ги „бизарни“.
Запрашан дали разговарал со Трамп, Бајден одговори: „Се шегуваш?“, а потоа му понуди совет на републиканскиот претседателски кандидат.
„Господине Трамп, најдете си живот за себе. Помогнете им на овие луѓе“, изјави Бајден од Вашингтон.
Свет
Расте бројот на мртви од ураганот на Флорида
Бројот на загинати во ураганот на Флорида, САД, се искачи на 11 лица, јавува „Ен-би-си њуз“.
Последната жртва е возач на автомобил врз којшто паднало дрво во округот Цитрус.
Претходно, два смртни случаи беа пријавени во округот Пинелас, три во округот Волузија и пет во округот Сент Луси, од кои четири беа предизвикани од торнада.
Регион
Вучиќ го пречека Ердоган на аеродромот: „Добредојдовте во Србија, драг пријателe“
Претседателот на Србија, Александар Вучиќ, вечерва на аеродромот Никола Тесла го пречека претседателот на Турција, Реџеп Таип Ердоган.
Според програмата на посетата, в петок во 11 часот ќе се одржи церемонија на пречек пред палатата „Србија“, по што ќе следи средба на двајцата претседатели, јавуваат српските медиуми.
Потоа ќе се одржи четвртата седница на Високиот совет за соработка меѓу Република Србија и Република Турција, предводена од двајцата претседатели.
„Добредојдевте во Србија драг пријателe. Вашата возвратна посета е уште една можност за дополнително зајакнување на нашите пријателски односи и соработка. Верувам дека за време на вашиот престој во Белград ќе работиме заедно на подобрување на економските, културните и политичките врски меѓу нашите земји“, му порача претседателот Вучиќ на турскиот колега по пристигнувањето во Белград.
View this post on Instagram
Вучиќ и Ердоган ќе присуствуваат и на бизнис форум.