Свет
Фаучи: Делта-сојот е виновен за новите бројки на заразени во Америка

Ентони Фаучи, водечкииот американски експерт за заразни болести, изјави дека делта-сојот на коронавирусот е виновен за повеќе од 80 проценти од новите случаи во САД.
„Одобрените вакцини се повеќе од 90 проценти ефикасни во спречување на хоспитализации и смртни случаи од коронавирус“, рече Фаучи, еден од членовите на тимот на Белата куќа за одговор на пандемијата Ковид 19, за време на дебатата во американскиот Сенат.
Според американските медиуми, сослушувањето го одбележа дискусијата на републиканскиот сенатор Ренд Пол, кој го обвини Фаучи за кажување невистини дека Националниот институт за здравство обезбедува финансиски средства за истражување во кинескиот институт за вирусологија во Вухан – првичниот епицентар на глобалната пандемија од Ковид-19.
Сенаторот од американската држава Кентаки, кој имаше неколку дискусии со Фаучи за време на истрагата поврзана со пандемијата, тврди дека истражувањето можело да има улога во развојот на коронавирусот во лабораторијата во Вухан.
„Ако биде фатен дека лаже во Конгресот – според американскиот кривичен закон, му се заканува казна затвор од пет години“, рече Пол.
Фаучи, кој беше претежно смирен во претходните дискусии, овој пат возврати поостро.
„Сенаторе Пол, никогаш не сум лажел во Конгресот. Не знаете што зборувате”, одговори Фаучи.
Потеклото на коронавирусот стана предмет на жесток партиски конфликт во САД. Републиканците охрабруваат истражување за тоа дали е развиено во лабораторија во кинескиот град Вухан.
Американскиот претседател, Џозеф Бајден, побара од неговите соработници да го испитаат потеклото на коронавирусот и да го известат за добиените резултати во рок од три месеци. Преовладува теоријата меѓу здравствените експерти дека вирусот потекнува од животни, односно лилјаци и дека преку нив стигнал до луѓето.
Делта-сојот на коронавирус е откриен во Индија на почетокот на 2021 година. Оттогаш, тој стана доминантна верзија во САД и другите земји. Досега е откриен во повеќе од 90 земји.
Според универзитетот Џонс Хопкинс во Вашингтон, повеќе од 34 милиони луѓе се разболеле во САД, а повеќе од 609 илјади починале.
Според Центрите за контрола и превенција на болести, повеќе од 161 милиони луѓе се целосно вакцинирани – или 48 проценти од населението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Пратеникот на Трамп за Блискиот Исток: Војната во Украина беше испровоцирана, тоа не мора да значи дека Русите ја испровоцираа

Американскиот специјален пратеник Стив Виткоф денеска изјави дека Русија не треба нужно да се обвинува за предизвикување војна во Украина, пишува „Политико“.
„Војната во Украина не требаше да се случи – таа беше испровоцирана. Тоа не мора да значи дека Русите ја испровоцираа“, рече Виткоф во емисијата „State of the Union“ на Си-ен-ен.
After Special Envoy @SteveWitkoff suggests Russia’s invasion of Ukraine was “provoked,” @JakeTapper plays a clip of Russian state TV saying Trump is echoing Putin’s rhetoric and that Trump’s attacks on Zelensky “are in total alignment with the way we see things.” pic.twitter.com/nWi5ggMxIK
— State of the Union (@CNNSOTU) February 23, 2025
Виткоф посочи дека желбата на Украина да се приклучи на НАТО ја поттикнала војната.
„Имаше секакви разговори за пристапување на Украина во НАТО… Тоа не мораше да се случи“, рече тој.
„Тоа всушност стана закана за Русите и сега треба да се справиме со тој факт, а тоа се реалните факти“.
Европа
Мерц: Америка веќе не се грижи за Европа

Претседателот на германската Христијанско-демократска унија (ЦДУ), Фридрих Мерц, рече дека негов главен политички приоритет е „да ја зајакне Европа што е можно побрзо за да стане независна од Соединетите држави во областа на одбраната“.
„Никогаш не мислев дека ќе треба да го кажам ова на телевизија, но по изјавите на Доналд Трамп минатата недела, јасно е: оваа американска влада не се грижи за Европа“, рече Мерц, мислејќи на коментарите на Трамп во кои тој сугерираше дека можеби ќе ја намали американската воена поддршка за европските сојузници.
Мерц ги осуди и постапките на Илон Маск, тврдејќи дека славниот милијардер се „мешал“ во германските избори, што ги споредил со пропагандни методи кои можеле да се слушнат „од Москва во минатото“.
Неговите изјави доаѓаат откако Маск минатиот месец јавно ја поддржа крајнодесничарската партија Алтернатива за Германија (АфД), што предизвика бројни контроверзии во германскиот политички простор.
Мерц, кој се обидува да ја позиционира ЦДУ како клучен играч во стабилизирањето на европската безбедносна политика, ја истакна потребата од зајакнување на европските одбранбени капацитети и намалување на зависноста од американската воена заштита. Овие изјави дополнително го истакнуваат се поголемиот јаз меѓу европските лидери и американската политика во ерата на политичкото влијание на Трамп.
Европа
Состојбата на папата и понатаму е критична

Здравствената состојба на папата Франциско, кој се бори со билатерална пневмонија, и понатаму е критична и „остануваме претпазливи во однос на прогнозите“ поради „сложеноста на неговата клиничка слика“, соопшти вечерва Ватикан.
Ватикан додаде дека папата нема дополнителни респираторни кризи, но дека има „лесна бубрежна инсуфициенција“. Тој сè уште прима терапија со кислород со висок проток.
„Комплексноста на клиничката слика и потребното чекање за да стапат на сила фармаколошките терапии бараат од нас да останеме внимателни во однос на прогнозата“, се наведува во најновиот здравствен билтен.
Во неделата наутро Ватикан објави дека Светиот Отец поминал „тивка“ ноќ одморајќи се.