Свет
„Фајзер“ ќе им дозволи на земјите во развој да го произведуваат неговиот лек против Ковид-19
Американската компанија за лекови „Фајзер“ склучи договор со кој дозволува нејзината експериментална таблета за лекување од Ковид-19 да се произведува и продава во 95 земји во развој.
Договорот со непрофитната организација „Медисинс патент пул“ поддржана од ОН може да го направи лекот достапен за 53% од светската популација. Но во него нема неколку земји што имаат големи жаришта на Ковид-19, меѓу кои е и Бразил.
Од компанијата велат дека пилулата го намалува ризикот од тешка болест кај ранливите возрасни лица.
Како што се наведува, договорот ќе им овозможи на локалните производители на лекови да ја произведуваат таблетата со цел да се олесни поголем пристап до светското население.
„Фајзер“ нема да наплаќа авторски права за продажба во земјите со пониски приходи и рече дека ќе се откаже од тантиемите во сите нации вклучени во договорот сѐ додека Светската здравствена организација го означува ковидот како алармантна јавноздравствена состојба.
Во почетокот на ноември „Фајзер“ соопшти дека според клиничките испитувања, нејзината пилула против Ковид-19, паксловид, го намалува ризикот од прием во болница или смрт за 89% кај возрасните пациенти со висок ризик.
Чарлс Гор, директор на непрофитната организација, во изјавата рече дека лиценцата е важна бидејќи овој орален лек е особено добро приспособен за земјите со низок и среден приход и може да игра клучна улога во спасувањето животи.
Повеќето од вклучените земји се во Африка или Азија. Сепак, нациите како Бразил, Кина, Русија, Аргентина и Тајланд, кои имаат големи жаришта, не се дел од договорот, наведува Би-би-си.
Некои експерти велат дека ова не е доволно за да се решат нееднаквостите во пристапот до третманите и вакцините за ковид-19.
„Фајзер“ и другите фармацевтски компании, исто така, се спротивставија на повиците за укинување на патентите за нивните вакцини против ковид.
Организацијата Лекари без граници во изјава за Асошиејтед прес порача дека е „обесхрабрена“ што со договорот таблетите на Фајзер против ковид-19 не се достапни насекаде во светот.
„Светот сега веќе знае дека пристапот до медицинските алатки против ковид-19 треба да се загарантирани за секого, секаде, доколку навистина сакаме да ја контролираме оваа пандемија“, рече советникот за правна политика на групата Јуанчионг Ху.
Во октомври, друг производител на лекови, Мерк, објави сличен договор со Медицинс патент пул за да им овозможи на производителите да произведуваат сопствена таблета против ковид-19, молнупиравир.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Откриена „вистинската причина“ зошто Мишел Обама нема да присуствува на инаугурацијата на Трамп
Поранешната прва дама Мишел Обама нема да присуствува на инаугурацијата на Доналд Трамп на 20 јануари, а откако почнаа гласините за развод со Барак, американските таблоиди излегоа со, како што велат, „вистинските причини“. Според изворите, Мишел е решена да остане доследна на своите верувања и да не учествува во настани кои не се во согласност со нејзините вредности.
Така, таа нема да присуствува на инаугурацијата на Трамп бидејќи тоа би било во спротивност со нејзините верувања.
Оваа одлука е во спротивност со неодамнешните напори на нејзиниот сопруг, поранешниот претседател Барак Обама, кој се обидува да покаже единство на различни начини. Барак неодамна беше виден на погребот на поранешниот претседател Џими Картер како срдечно разговара со Трамп, а моментот на нивниот близок разговор предизвика бројни реакции на социјалните мрежи.
Извор близок до Мишел изјави за „Пејџ Сикс“ дека поранешната прва дама нема потреба да биде присутна на инаугурацијата или да одржува површни односи со Трамп. „Мишел никогаш не била неискрена или површна. Секогаш внимавала каде се појавува и зошто. Нејзиното отсуство на инаугурацијата јасно кажува се што треба да се каже”, рекол изворот.
Поранешната прва дама е позната по своите отворени ставови, а нејзината одлука да не присуствува на овој настан натера многумина да се запрашаат – што вели ова за нејзиниот сопруг, кој се труди да одржи пристојни и срдечни односи со Трамп и покрај нивните политички разлики?
Трампови не присуствуваа на инаугурацијата на Џо Бајден во 2021 година, со што ја прекинаа традицијата поранешните претседатели и нивните сопружници да учествуваат на церемониите за инаугурација на нивните наследници, дури и кога припаѓаат на спротивната политичка партија.
Барак Обама е потврден како учесник на овогодинешната инаугурација, додека Мишел реши да не се оправдува за своето отсуство. Претходно, нејзиното отсуство од погребот на Картер беше образложено со „конфликт за распоред“, но во овој случај не беше наведена официјална причина.
Свет
Кинескиот потпретседател пристигнува на инаугурацијата на Трамп
Кинескиот потпретседател Хан Женг ќе присуствува на инаугурацијата на новоизбраниот американски претседател Доналд Трамп на 20 јануари, објавија кинеските државни новински агенции, додека Пекинг изрази подготвеност да ги подобри односите со новата американска администрација.
Хан доаѓа на покана на американската страна, објави кинеската национална телевизија.
„Подготвени сме да го зајакнеме дијалогот и комуникацијата со новата американска влада, правилно да управуваме со разликите, да ја прошириме заемно корисната соработка и заеднички да промовираме стабилен, здрав и одржлив развој на кинеско-американските односи“, соопшти кинеската централна телевизија (CCTV).
„Кина отсекогаш гледала и ги развивала кинеско-американските односи во согласност со принципите на меѓусебно почитување, мирен соживот и соработка меѓу двете страни.
Кина е подготвена да „најде правилен начин Кина и Соединетите Држави да се сложуваат во новата ера“, соопшти CCTV.
Трамп на 6 јануари рече дека тој и кинескиот претседател Си Џинпинг комуницираат преку претставници, изразувајќи оптимизам за нивната врска.
Регион
(Видео) Илјадници студенти протестираа во Подгорица
Неколку илјади демонстранти се собраа вчера во Подгорица барајќи оставка од лидерите на црногорската влада кои раководат со безбедносниот сектор, по вооружениот напад во Цетиње во кој загинаа 13 лица.
Podgorica koju volim(o). pic.twitter.com/vfLd0RW1vA
— Milan Jovanović (@imilanjovanovic) January 16, 2025
Протестот, втор по масакрот во Цетиње, го организира неформалната студентска група „Камо сутра“, а покрај барањата за оставки од министерот за внатрешни работи Данило Шарановиќ и вицепремиерот задолжен за безбедност Алекса Бечиќ, тие исто така бараат поажуриран пристап кон поседувањето оружје, реформа на полициските структури, враќање на граѓанското образование и подобрување на институционалниот пристап до грижа за менталното здравје.
— Kamo Śutra? (@KamoSjutra) January 16, 2025
Демонстрантите извикуваа „убијци“ и носеа транспаренти на кои пишуваше „Оставка е минимална одговорност“, „Нормален живот? и слично.
Протестите претходно беа поддржани од стотици универзитетски професори, културни и спортски работници и новинари.
Podgorica ✨️ pic.twitter.com/mNIFsAkV2M
— Kaća Ivanović 🇲🇪 (@Kaca__Ivanovic) January 16, 2025
Откако ги изнесоа своите барања пред Министерството за внатрешни работи, демонстрантите се упатија кон зградата на црногорската влада каде повикаа на 13-минутно молчење за да оддадат на 13-те жртви во трагедијата во Цетиње.
— Kamo Śutra? (@KamoSjutra) January 16, 2025
Ацо Мартиновиќ од Цетиње на 1 јануари уби 12 лица, меѓу кои две деца, а тешко повреди четири лица, од кои едното подоцна почина во болница.
(Видео) Илјадници студенти протестираа во Подгорица
Неколку илјади демонстранти се собраа вчера во Подгорица барајќи оставка од лидерите на црногорската влада кои раководат со безбедносниот сектор,...
Канцеларијата на Нетанјаху го потврди договорот за ослободување на заложниците
Кабинетот на израелскиот премиер Бенјамин Нетанјаху објави дека „постигнал договор за ослободување на заложниците“ кои се држат во Појасот Газа,...
Пронајдени пердуви и крв во моторите на авионот во кој загинаа 179 луѓе
Истражителите пронашле птичји пердуви и крв во двата мотори на авионот Jeju Air што се урна во Јужна Кореја на...
Израел сè уште нема да објави прекин на огнот во Газа поради условите што ги поствил Хамас
Израел нема да објави официјален крај на непријателствата во Појасот Газа додека Хамас не ги повлече условите наметнати во последен...
Даути поднесе оставка по интерпелацијата
Претседателката на Комисијата за социјална политика, демографија и млади, Илире Даути, на која ѝ беше изгласана недоверба, денеска поднесе оставка...
За повеќе oд три пати зголемен бројот на заболени од грип за една недела
За повеќе од три пати е забележано зголемување кај бројот на заболени од грип во споредба првата недела од јануари,...
Мицкоски: И Апелација докажа дека СДСМ е лажно клеветничка партија
Апелациониот суд како неоснована ја одби жалбата на СДСМ во случајот во кој партијата беше тужена од премиерот Христијан Мицкоски...
Во најдолгиот месец од годината 988 вработени во инспекторатите сè уште немаат плата, Деаноски го обвини Министерството за финансии
Вработените во сите инспекторати во државата сè уште чекаат плата иако измина законски предвидениот рок за исплата. За доцнењето на...
Владата да сакаше дијалог, денес немаше да сме на улица, рече Деаноски на третиот ден од протестите за повисоки плати на административците
Трет ден по ред вработените во неколку министерства и државни институции излегоа на получасовен протест за 30 отсто поголема плата...
Директор на комунално претпријатие обвинет за проневера во службата
По спроведена истражна постапка, јавен обвинител од Основното јавно обвинителство Скопје поднесе обвинителен акт против едно лице за кривично дело...
Дрин Ахмети во „ролс-ројс“, Мијалков во „ферари“, граѓаните во сиромаштија – ова беше режимот на ДУИ, велат од „Влен“
„Делиме исто место, но не и иста судбина. Од ова место минатата недела ги видовте застрашувачките и шокантни сцени како...
(Видео) По договорот за прекин на огнот во Газа, наголемо се шират зборовите на Трамп од пред еден месец: „Ќе има целосен пекол!“
И американскиот претседател во заминување, Џо Бајден, и новоизбраниот претседател, Доналд Трамп, ја преземаат заслугата за решавање на кризата во...
Утрово најстудено на Попова Шапка и во Маврови Анови
Утрово најстудено било на Попова Шапка и Маврови Анови каде што се измерени -7 степени, -5 било во Крушево, -4...
Путин игра на картата крај на војната: услови за Украина, кои би означиле траен крај на конфликтот
Русија ќе бара Украина драстично да ги намали воените врски со НАТО и да стане неутрална држава со ограничена армија...
(Видео) Израелскиот претседател Исак Херцог се огласи по договорот со Хамас: „Ова не е едноставна ситуација“
Израелскиот претседател Исак Херцог изјави вчера вечер дека постигнатиот договор со палестинскиот Хамас е „важен чекор“ и е неопходен за...
Трудо за одговорот на царините на Трамп: Ништо не е исклучено
Канада ќе ги разгледа сите можни опции, вклучително и контратарифи, доколку новиот американски претседател Доналд Трамп не се откаже од...
(Видео) Бајден одржа проштален говор, предупреди за создавање опасна олигархија
Американскиот претседател во заминување Џо Бајден во својот проштален говор предупреди за „опасна олигархија што се појавува во Америка“. Со...
Семејствата на заложниците се задоволни од договорот за прекин на огнот, но стравуваат од можноста да не биде целосно имплементиран
Семејствата на израелските заложници со радост и олеснување ја дочекаа веста за договорот помеѓу Израел и Хамас со кој ќе...
Договорот за прекин на огнот меѓу Израел и Хамас ќе стапи во сила во недела, објави катарскиот премиер
Катарскиот премиер Шеик Мохамед бин Абдулрахман Ал Тани одржа прес-конференција во Доха на која потврди дека е постигнат договор за...
(Видео) Договорот се слави на улиците во Тел Авив и Газа, Нетанјаху објави дека делот за заложниците треба да се финализира
Кабинетот на израелскиот премиер, Бенјамин Нетанјаху, објави дека сè уште има клаузули во договорот за прекин на огнот за заложниците...
