Тлото во Грција не мирува веќе 10 дена, а стравот и агонијата кај жителите на Санторини се зголемуваат бидејќи сеизмичката активност не стивнува. За оваа ситуација се огласи истражувачот Костас Папазахос кој за грчките медиуми зборуваше за последиците што може да ги има земјотресот на грчкиот остров.

„Ова е еден од најтешките периоди во овој грчки регион. Тоа не мора да значи дека ќе има силен земјотрес, само е можно да се ослободи топлинска енергија и да имаме помали земјотреси во Санторини кои траат долго време“, објаснува експертот.

„Од сè што слушнавме во последните денови, има работи што мора да ги знаеме и работи кои не би можеле да ги знаеме. Прво, во светот постои сериозна научна технологија која би го проценила ризикот од земјотреси. Има некои индикации“, објаснува.

Тој вели дека земјотрес со јачина од 6 степени според Рихтеровата скала, или посилен, би бил катастрофален за грчкиот остров.

„Секако, доколку се случи земјотрес од оваа јачина, ќе има штети во радиус од 225 километри“, објаснува Костас.

Костас посочува дека е малку веројатно дека би се случило цунами во Грција, но не и невозможно. Секако, земјотресот може да предизвика големи штети на зградите, главно постарите.

„Многу е тешко да се дефинира кога може да се појави таков проблем, може да трае неколку дена, недели… Има случаи кои траат една недела, а некои и неколку месеци. За жал, ова е непредвидливо“, вели тој.

Што се однесува до вулканската активност, тој вели дека се работи за две сосема различни појави кои се случиле во блиски временски периоди. Вулканот со месеци доживува деформација во рамките на Калдерата, што доведува до мали земјотреси или ниска сеизмичност.

„Тоа е вредно за внимание, поради што Цивилната заштита излезе со соопштение за благa сеизмичност. Оваа интензивна сеизмичност сега е втора појава, поради што Санторини е нападнат ‘од две страни’“, вели Костас.

Земјотрес со јачина од 5,2 степени според Рихтеровата скала е регистриран во понеделник, 3 февруари 2025 година во 10:29 часот во Грција.

Според достапните податоци, епицентарот на земјотресот бил лоциран во близина на Додеканезите.

Хипоцентарот на земјотресот, според податоците на Европско-медитеранскиот сеизмолошки центар, се наоѓа на длабочина од приближно 10,1 километар под површината на земјата.

Засега нема извештаи за материјална штета или повредени, а надлежните служби ја следат состојбата.

Серија силни земјотреси во последните 24 часа се регистрирани во областа Санторини.

Властите на Камбоџа уапсија 1.311 лица во јануари за шверц на дрога, соопшти полициската служба за борба против наркотици (АДС).

Се додава дека во истиот период, припадниците на службата решиле 539 случаи на трговија со дрога, објави новинската агенција ВНА.

Истовремено, од осомничените се запленети над 423 килограми наркотици меѓу кои кетамин, кристал метамфетамин, екстази, хероин и кокаин.