Европа
Фон дер Лајен: Време е ЕУ да размисли за задолжителна вакцинација

Време е ЕУ „да размисли за задолжителна вакцинација“ против Ковид, изјави денеска шефицата на Европската комисија, Урсула фон дер Лајен, нагласувајќи дека за таа мерка ќе одлучат владите на земјите членки.
„Мојот личен став е дека е разбирливо и соодветно да ја водам оваа дискусија сега” – рече таа на прес-конференцијата, нагласувајќи дека една третина од 450 милиони жители на ЕУ се сè уште невакцинирани.
„Како можеме да поттикнеме и потенцијално да размислуваме за задолжителна вакцинација во рамките на Европската Унија? За ова треба да се разговара. Ова бара заеднички пристап. Но, мислам дека тоа е дискусија што ќе треба да ја водиме” – изјави Лајен.
Таа вели дека целосната вакцинација и бустерите им ја даваат на граѓаните најсилната заштита до сега од коронавирусот во ситуација на двојна опасност, четврти бран на пандемијата и појава на нов вид коронавирус.
„СЗО вели дека новиот вид омикрон е многу ризичен. Сè уште не знаеме доволно за тој вид, но знаеме толку многу што можеме да бидеме загрижени. Очекуваме за две до три недели да добиеме доволно информации за новиот сој, а дотогаш ќе имаме трка со времето што треба да ја користиме за вакцини и бустери”, вели Лајен.
Претседателката на ЕК најави дека ЕУ до крајот на март ќе добие дополнителни 360 милиони дози вакцини од компаниите „Фајзер“ и „Модерна“, што, според неа, е доволно за бустер-доза на сите вакцинирани Европејци.
Истовремено, во договор со двете компании, се работи на забрзана испорака на вакцини за деца, кои треба да бидат достапни во ЕУ од 13 декември.
Во случај постоечките вакцини да немаат доволна заштита кога станува збор за новиот вид, Урсула фон дер Лајен наведува дека на научниците им требаат околу 100 дена за да ги прилагодат вакцините на новата мутација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Експлозии и пукање во Минхен: едно лице загина, друго повредено

Голема полициска и противпожарна операција е во тек од раните утрински часови во северен Минхен откако се слушнале експлозии и пукотници. На местото на настанот биле распоредени специјални сили и одреди за деактивирање бомби, а бил видлив и густ облак од чад, објавува „Билд“.
За време на интервенцијата, пронајдено е тело на маж, а според неофицијални информации, се сомнева дека тој поставил експлозивни направи во куќата на своите родители, ја запалил, а потоа си го одзел животот.
Die Toni-Pfülf-Schule bleibt für die Dauer des Einsatzes geschlossen. https://t.co/qpYQtATM4O
— Polizei München (@PolizeiMuenchen) October 1, 2025
Дополнително, пронајдено е уште најмалку едно лице со прострелни рани. На местото на настанот бил видлив целосно изгорен автобус.
Инцидентот се случил на улицата Лерхенауер, а полицијата го оградила поширокото подрачје. Властите апелирале до граѓаните и учесниците во сообраќајот да го избегнуваат тој дел од градот.
фото: принтскрин
Европа
(Видео) Гори една од најголемите рафинерии во Русија

Украински извори на социјалните медиуми објавија снимки од пожар во една од најголемите руски рафинерии во Јарослав. Изворите тврдат дека рафинеријата била погодена во напад со беспилотни летала, а гувернерот тврди дека станува збор за техничка неисправност.
🔥🛢️Russia’s fifth largest oil refinery is on fire this morning. Yaroslavl Oil Refinery with the total capacity of 15.7mln tons of oil per year was targeted. 700km from the frontline. pic.twitter.com/W1nhQEPo75
— Special Kherson Cat 🐈🇺🇦 (@bayraktar_1love) October 1, 2025
Рафинеријата во Јарослав, позната како „Славнефт-ЈАНОС“, има капацитет да преработува речиси 15 милиони тони нафта годишно, според нејзината официјална веб-страница и бројките од индустријата. Ова ја прави една од најголемите рафинерии во Русија.
Украински извори тврдат дека била погодена единицата ВТ-6, која преработува масло за греење, со пријавен годишен капацитет од над 6,2 милиони тони.
/2. Fire on the territory of the Yaroslavl Oil Refinery pic.twitter.com/q2LapHjKGf
— Special Kherson Cat 🐈🇺🇦 (@bayraktar_1love) October 1, 2025
Рафинеријата е на речиси 250 километри североисточно од Москва и на околу 700 километри од украинската граница.
Russian refineries continue to explode at an unprecedented rate.
Now, in Yaroslavl, North of Moscow, 800km from Ukraine. pic.twitter.com/QX1YhjWJnA
— SPRAVDI — Stratcom Centre (@StratcomCentre) October 1, 2025
Во последните недели Украина ги засили нападите врз руските рафинерии за нафта и инфраструктурата со употреба на беспилотни летала, кои веќе имаа значително влијание врз снабдувањето со гориво на Русија. „Ројтерс“ објави дека нападите го намалија производството оставајќи многу независни бензински пумпи без снабдување со гориво во неколку региони.
фото: принтскрин
Европа
Дрон во близина на аеродром во Норвешка: „Беше толку блиску што беше видлив од контролната кула“

Норвешката полиција реагира синоќа по пријавите за дрон што летал толку блиску до аеродромот „Бронејсунд“ околу 21.50 часот што можел да се види од контролната кула, објави NRK.
И покрај тоа што отишле на местото на настанот, полицијата не можела да го пронајде лицето што го управувало леталото. Првиот извештај за дронот бил примен во 20.17 часот.
„Ја прекинавме потрагата со полициските ресурси што ги имавме на местото на настанот. Забележавме дрон во воздухот, но не можевме да го лоцираме пилотот поврзан со дронот. Па по извесно време од пребарувањето, завршивме на местото на настанот“, изјави Мортен Серенсен од полициската управа „Нордланд“ за NRK.
Ова не е прв ваков инцидент во областа. Во неделата на истиот аеродром беше пријавено дека се забележани дронови, што предизвика пренасочување авион од „Видеро“ бидејќи дронот бил во зона на забрането летање.
Портпаролката на норвешкиот оператор на аеродроми „Авинор“, Каролина Персен, потврди дека последниот авион слета како што беше планирано вчера. Таа додаде дека аеродромот бил затворен преку ноќ и дека ќе биде повторно отворен како и обично в среда наутро.
фото: принтскрин