Европа
Фотографиите на Пригожин со перики се автентични, заклучи Гардијан

Кога руските безбедносни служби ја пребарале вилата на рускиот водач на Вагнер, Евгениј Пригожин во Санкт Петербург, нашле интересни предмети. Меѓу нив имаше плакар полн со перики и фотографии од маскиран Пригожин со нив на главата. Руските власти велат дека фотографиите биле во личниот албум на шефот на групата Вагнер.
На фотографиите можеме да го видиме Пригожин со лажна брада пред знамето на Либиската национална армија, со традиционален шал од Блискиот Исток околу вратот и кафеава перика на главата итн.
Holy shit! The Prigozhin photos are the funniest thing I have ever seen. 2023 gets wilder and wilder! pic.twitter.com/xe2h626fK7
— Oliver Alexander (@OAlexanderDK) July 5, 2023
По објавувањето на овие снимки, на социјалните мрежи се појавија коментари дека можеби станува збор за лажни фотографии. Сепак, прелиминарната проценка покажува дека фотографиите кои кружат на интернет се направени од дигитален уред како паметен телефон, поради видливата пикселација на боите на виножитото, пишува Гардијан.
Имено, нивото на зрнести детали како што се брчките на челото и лицето изгледа дека е конзистентно на сите фотографии. Дополнително, една од периките на фотографиите многу наликува на онаа пронајдена (и фотографирана) во неговиот плакар. Лошото осветлување, чудните и неконзистентни агли за селфи, исто така, укажуваат дека се работи за автентични снимки, иако е тешко да се биде 100% сигурен, заклучува Гардијан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Зеленски пристигнува на погребот на папата

Украинскиот претседател Володимир Зеленски ќе присуствува на погребот на папата Франциско, пренесе АФП повикувајќи се на извор од украинскиот претседателски кабинет.
Според истиот извор, канцеларијата на Зеленски ја подготвува неговата посета на Рим за Зеленски лично да се прости од поглаварот на Католичката црква.
Како што претходно беше најавено, погребот на папата Франциско ќе се изврши в сабота, 26 април, во 10 часот по локално време. Досега Трамп и Макрон потврдија дека ќе бидат на погребот, но се очекува да присуствуваат многубројни светски лидери и стотици илјади верници.
Европа
Украина: Русите го зголемуваат военото присуство во Мариупол

Руските сили продолжуваат да го зголемуваат своето воено присуство во привремено окупираниот град Мариупол. Како што соопшти денеска на „Телеграм“ градскиот совет на Мариупол, во градот веќе се формирани две воени бази.
„Руските окупатори го прошируваат своето воено присуство во Мариупол“, се вели во соопштението.
Според Центарот за проучување на окупацијата, во текот на март и април 2025 година се појавиле две нови воени бази: една во областа Калмиус на северозапад од градот и логистичка база во областа Ливобережњи, во станбената зона Шхидни. Втората база, како што се наведува, главно се користи за сместување персонал и воена опрема.
„На овој начин руските окупатори постепено го зголемуваат своето присуство во Мариупол. Центарот за проучување на окупацијата нагласува дека ова е план за трансформирање на градот во главна и полноправна логистичка и воена база не само за стоки туку и за опрема и персонал, со широка мрежа на паркинзи, бази за поправка и точки на трајно и привремено распоредување персонал. Ова е олеснето и со развојот на железничките и пристанишните врски што ги спроведуваат окупаторските власти“, се вели во соопштението на градскиот совет на Мариупол.
Европа
Знамиња со кукасти крстови се појавија во Стокхолм на роденденот на Хитлер, полицијата почна истрага

Три нацистички знамиња со кукасти крстови беа поставени на влезот на автопат во областа Есингеледен во Стокхолм, главниот град на Шведска, на 20 април, на роденденот на Адолф Хитлер.
Портпаролот на полицијата во Стокхолм, Матс Ериксон, изјави дека започнале истрага за злосторство од омраза.
Ериксон нагласи дека не е соодветно да се случуваат такви работи во Шведска. Тој посочи дека на влезовите на автопатите често се појавуваат транспаренти со политички пораки.
„Конкретно активистите споделуваат политички пораки бидејќи тука има густ сообраќај. Не е убаво да се споделуваат такви пораки“, рече Ериксон.
Тој додаде дека нацистичкото знаме најверојатно било поставено за да го одбележи роденденот на нацистичкиот диктатор Адолф Хитлер, кој е роден на 20 април.