Свет
(Фото) Уапсен маж за убиството на демократка од Конгресот во САД и нејзиниот сопруг

Полицијата во Минесота го уапси мажот кој во саботата ја застрела и уби демократската претставничка Мелиса Хортман и нејзиниот сопруг, Марк, објави Еј-би-си Њуз, повикувајќи се на Ројтерс. Еј-би-си Њуз објави дека мажот е уапсен во близина на неговата фарма во близина на Грин Ајл, Минесота.
Канцеларијата на шерифот во округот објави фотографија на социјалните мрежи на која се гледа апсењето на осомничениот стрелец, 57-годишниот Венс Лутер Белтер.
„Лицето на злото. По неуморна и решителна полициска работа, убиецот сега е во притвор. Благодарение на посветеноста на повеќе агенции кои работат заедно, со поддршка на заедницата, сме еден чекор поблиску до правдата“, се вели во соопштението на канцеларијата на шерифот.
Белтер е осомничен за убиство на конгресменка од Демократската партија од Минесота и нејзиниот сопруг во сомнително „политички мотивирано убиство“ во саботата, додека бил маскиран како полицаец. Тој, исто така, ранил уште една конгресменка и неговата сопруга.
ФБИ и локалната полиција оттогаш започнаа масовна потера по вооружениот напаѓач, кој избега пеш откако пукаше во полицијата и го напушти возилото во кое полицајците пронајдоа манифест и список на други пратеници и функционери.
Убиствата на конгресменката Хортман и нејзиниот сопруг предизвикаа негодување кај републиканските и демократските политичари низ целата земја, со повици за ублажување на острата политичка реторика.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Неколкумина загинаа откако патнички воз излета од шините во југозападна Германија

Неколку лица загинаа, а многу други се повредени откако патнички воз излета од шините во југозападна Германија, јави ДПА, повикувајќи се на безбедносни извори.
Спасувачките тимови се на местото на настанот и го пребаруваат возот и околината во потрага по патници.
Свет
Тројца мажи завршија во болница поради топлотен удар во Кипар

Тројца мажи се хоспитализирани денеска во Лимасол и Никозија во Кипар поради топлотен удар, при што еден од нив е во критична состојба.
Во исто време, двајца постари мажи, на возраст од 78 и 89 години, се хоспитализирани во Никозија во сериозна, но стабилна состојба. Уште еден 88-годишен пациент бил примен со симптоми на топлинска исцрпеност и е надвор од животна опасност.
Се апелира населението, особено до ранливите категории, да избегнуваат директна изложеност на сонце, да бидат внимателни и да внесуваат доволно течности, поради екстремно високите температури што зафатија делови од островот.
Свет
Фон дер Лајен се сретна со Трамп во обид да се договорат околу царините

Претседателката на Европската комисија, Урсула фон дер Лајен попладнево во шкотското место Трнбери ќе се сретне со американскиот претседател Доналд Трамп, во обид да биде постигнат трговски договор во пресрет на истекот на крајниот рок – 1 август за воведување на царини од 30 отсто за извозот на европски производи во САД.
Најавувајќи ја средбата во објава на Икс, Фон дер Лајен наведе дека со Трамп ќе „разговараат за трансатлантските трговски односи и за тоа како тие може да се одржат силни“.
Американската администрација веќе воведе царина од 50 отсто за увозот на челик и алуминиум од ЕУ, од 25 проценти за автомобили и автомобилски делови, како и основен данок од 10 отсто за поголемиот дел европски производи, со кои е опфатен околу 70 проценти од вкупниот извоз на Унијата во САД.
Средбата се одржува во услови на зголемени надежи во ЕУ дека Европската комисија би можела да постигне договор со Вашингтон по примерот на оној постигнат претходно неделава меѓу САД и Јапонија за просечна царина од 15 отсто на извозот на јапонски стоки на американскиот пазар.
ЕУ се надева дека, исто така, ќе постигне договор со САД за царинска стапка од 15 проценти, која би ја вклучувала и просечната царина од 4,8 отсто што ја плаќаат европските извозници на американскиот пазар уште од пред враќањето на Трамп во Белата куќа во јануари годинава.
Средбата доаѓа откако во четвртокот Европската комисија усвои пакет контрамерки на увозот на американски стоки во ЕУ, како одговор на најавената царина од САД од 30 отсто.
Портпаролот на ЕК за економска безбедност, трговија и царини Олоф Гил во четвртокот изјави дека фокусот на ЕУ е на постигнување на договор со САД за царините, а доколку тоа не се случи усвоените контрамерки ќе стапат во сила на 7 август.