Свет
(Фото) Mајките на загинатите војници шокирани од подарокот од партија на Путин за 8-ми март

Претставници на „Единствена Русија“, централнодесничарската партија на Путин, во градот Полјарне Зори во областа Мурманск им го честитаа Денот на жената на мајките на загинатите војници во војната со Украина, подарувајќи им цвеќе и мелници за месо, пренесува независниот портал „Медуза“.
Како што објави локалниот огранок на владејачката партија на својот профил на ВКонтакте, регионот ја започна кампањата „Цвеќе за мајките на хероите“, која се одржува на иницијатива на „Женското движење на Единствена Русија“.
Russia: Mothers and spouses of Russian fascists killed in the meat grinder in Ukraine awarded literal meat grinders.
$150 Luxper MG-2000S Meat Grinder pic.twitter.com/cLqUiS7m9M— Igor Sushko (@igorsushko) March 7, 2025
Во градот Полјарне Зори, на жените им беа врачени подароци од секретарката на локалниот партиски огранок, Ана Махунова, и од лидерот на градот, Максим Ченгаев.
Активистката Виолета Грудина истакна дека по бесот на социјалните мрежи поради несоодветноста на подарокот, партијата ги затвори коментарите на објавата. Наскоро, огранокот на Обединета Русија во регионот Мурманск објави видео со една од мајките, во кое таа им се заблагодарува за мелницата за месо, „која, во принцип, и треба“.
Ченгаев рече дека како дел од кампањата се „најавени низа подароци за апарати за домаќинство“.
I thought this was a joke.
But no.
Mothers of Russian soldiers killed in Ukraine were awarded meat grinders to celebrate women’s day in Murmansk oblast. pic.twitter.com/fL57CUeus7
— Natalia Antonova 🇺🇸🇺🇦 (@NataliaAntonova) March 6, 2025
Во стандардниот сет немало мелница за месо, но сопругата го побарала и, се разбира, не можеле да ја одбијат. Со голема почит и разбирање даваме индивидуална поддршка и помош на сите семејства на учесниците во СВО – рече тој.
Од партијата на Путин тврдат дека сега „се обидуваат да ја свртат честитката наопаку“ и повикаа „да не поддржуваат нехумани и провокативни толкувања“.
Повеќе од 95.000 луѓе кои се бореа за руската армија загинаа додека војната во Украина влегува во својата четврта година, објави Би-би-си минатиот месец. Оваа бројка не ги вклучува оние кои загинале служејќи во милицијата на самопрогласените републики во Донбас, а се проценува дека е меѓу 21.000 и 23.500. Би-Би-Си Русија, независната медиумска група Медијазона и волонтерите броат смртни случаи од февруари 2022 година.
Списокот ги вклучува имињата на починатите, кои Би-Би-Си вели дека ги потврдиле користејќи информации од официјални извештаи, весници, социјални мрежи и нови споменици и гробови. Се верува дека реалниот број на загинати е многу поголем.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
„Од 15 до 9 до 15 до 10 очекувајте почеток на насилство“, рече српскиот претседател Вучиќ во пресрет на протестот на студентите

Претседателот на Србија Александар Вучиќ очекува насилство на вечерашниот протест на студентите во Белград, објавуваат српските медиуми. По свеченоста на која доделуваше ордени за Видовден, претседателот Вучиќ кажа дека граѓаните не треба да се грижат за она што ќе се случува вечерва.
„Денес е убав ден, денес е голем ден, денес е празник, денес е Видовден. Ќе видите, ведро е, што е тоа мал број на луѓе на литературното попладне, или вечер, весели луѓе кои го слават празникот, кои го слават Видовден, весели луѓе бидејќи знаат дека Србија победила. А вечер ќе видите бесни луѓе, некои кои на крајот ќе завршат во насилство затоа што не си оставиле друг избор“, рече Вучиќ и додаде: “Немам страв за конечниот исход, Јас уште еднаш ја користам оваа прилика, ги молам како татко да не го прават тоа. Секогаш е подобро да се повлечете во некој момент отколку да направите некаква лудост поради која ќе се каете цел живот. Но, тука завршувам. Немам баш никаков страв за тоа каков е конечниот исход. Само сакам да ја сочувам целата ситуација, пред се младите луѓе и овие постари“, рече претсетдателот Вучиќ.
Зборувајќи за најавениот протест на студентите кажа и точно кога очекува да почне насилството.
„Од 15 до 9 до 15 до 10 очекувајте почеток на насилство“, рече претседателот Вучиќ.
Почетокот на протестот на студентите во Белград е најавен за вечерва во 18 часот. Ќе трае три часа, а студентите се оградија од сите настани што ќе се случуваат по 21 часот.
Свет
Голем видовденски протест вечерва во Белград, студентите се огласија за ненадлежни за она што ќе се случува по 21 часот

Денес, кога Србија празнуива Видовден, студентите кои седум месеци протестираат, најавија голем протест во Белград. Собирот ќе почне во 18 часот и ќе трае три часа, а најголема енигма е што ќе се случува потоа, бидејќи студентите порачаа дека не се надлежни за ништо по 21 часот, објави Нова.рс.
Студентите пред неколку дена објавија дека ако Владата не ги исполни нивните два барања, најавена е и граѓанска непослушност.
Првото барање е распуштање на Народното собрание, со цел да се распишат предвремени парламентарни избори до 21 часот денес, а второто барање е Владата да апелира до Министерството за внатрешни работи до 21:00 часот на 28 јуни, во согласност со член 18 од Законот за јавни собири, кој се однесува на чл. 8 од истиот Закон, да се прекине наводно пријавениот собир во Пионирскиот парк и плоштадот Никола Пашиќ.
Свет
Трамп повторно би го бомбардирал Иран ако извештаите покажат загрижувачки заклучоци за збогатување на ураниум

Претседателот на САД, Доналд Трамп, денес изјави дека апсолутно ќе го преиспита бомбардирањето на нуклеарните објекти на Иран доколку смета дека е потребно, пишува „Си-ен-ен“
„Секако, без сомнение, апсолутно“, им рече Трамп на новинарите во брифингот во Белата куќа, кога директно беше прашан дали би размислил за бомбардирање на земјата доколку идните разузнавачки извештаи покажат загрижувачки заклучоци за збогатувањето на ураниум на Иран.
Трамп рече дека не верува дека Иран би можел „повторно да влезе во нуклеарната програма во скоро време“ по нападите на САД врз неговите нуклеарни објекти минатата недела.
Администрацијата продолжи да изразува доверба во успехот на тие напади, но не понуди никакви разузнавачки податоци за да го поткрепи тврдењето на Трамп дека нуклеарната програма на Иран е, според неговите зборови, уништена.
„Може ли да ви кажам – тие се исцрпени. И Израел е исто така исцрпен. Разговарав со едната и со другата земја, и двете сакаа тоа да се реши – и двете – и ние направивме одлична работа. Но, тие се исцрпени. Последното нешто за кое размислуваат во моментов е нуклеарното оружје. Знаете за што размислуваат? Тие размислуваат за утре, за тоа како да преживеат“, рече американскиот претседател.