Американскиот политичар, дипломат и аналитичар Ричард Гренел изјави дека медиумите Радио Слободна Европа и Гласот на Америка, кои се финансирани од американските даночни обврзници, треба да се затворат, бидејќи според него, тие се екстремно левичарски и немаат потреба од финансирање од државата.

„Радио Слободна Европа и Гласот на Америка се медиуми кои ги финансираат американските даночни обврзници. Тие се медиуми во државна сопственост и полни се со екстремни левичарски активисти. Соработката со новинарите во овие медиуми трае децении. Тоа е нешто што треба да остане во минатото. Не ни требаат државно финансирани медиуми“, изјави Гренел.

Radio Free Europe and Voice of America are media outlets paid for by the American taxpayers.

It is state-owned media.

These outlets are filled with far left activists.

I’ve worked with these reporters for decades.

It’s a relic of the past. We don’t need government paid…

— Richard Grenell (@RichardGrenell) February 9, 2025

На овие зборови се надоврза и технолошкиот магнат Илон Маск, кој целосно ја поддржа позицијата на Гренел.

„Да, затворете ги. Европа е слободна сега (не сметајќи ја задушувачката бирократија). Здраво?? Никој веќе не ги слуша. Тие се само радикални левичари кои зборуваат сами со себе додека согоруваат милијарда долари годишно од џебовите на американските даночни обврзници“, напиша Маск на платформата „X“.

Yes, shut them down.

1. Europe is free now (not counting stifling bureaucracy). Hello??

2. Nobody listens to them anymore.

3. It’s just radical left crazy people talking to themselves while torching $1B/year of US taxpayer money. https://t.co/PnmN4erD91

— Elon Musk (@elonmusk) February 9, 2025

Партијата на премиерот Албин Курти е на пат да победи на парламентарните избори, но тој најверојатно нема да може самостојно да формира влада, покажуваат излезните анкети.

Првите излезни анкети што ги објави приштинската телевизија Клан Косова, спроведени од „Ипсос“, покажуваат дека на парламентарните избори во Косово најмногу гласови добило Движењето Самоопределување (ВВ) на Албин Курти – 38,2 отсто или 43 пратенички места.

Следува Демократската партија на Косово (ПДК) Мемли Красниќи со 22,4 отсто или 25 пратенички места и Демократската лига на Косово (ЛДК) на Лумир Абдиџику со 20,1 отсто или 23 пратенички места.

Изборниот праг од пет проценти го омина и Алијансата за иднината на Косово (ААК) на Рамуш Харадинај во коалиција со Социјалдемократската иницијатива со 7,6 отсто или 9 пратенички места.

Претставниците на српските и другите малцински заедници, исто така, ќе добијат по десет места, вкупно 20 во 120-члениот косовски парламент.

Анкетата ја спровеле повеќе од 100 анкетари во 400 гласачки центри, на примерок од 8.000 лица.

Слични резултати дадоа и анкетите спроведени од Газета експрес, ТВ7 и РТВ Дукаѓини.

Претходно, проекција за изборите објави и Коха, според која ВВ ќе освои 42,3%, ПДК 21,3%, ЛДК 20,4%, а ААК 6,3% од гласовите.

На денешните први редовни, а вкупно девети парламентарни избори во Косово од прогласувањето на независноста, се гласаше на 2.533 гласачки места, а право глас имаа 1.970.944 лица во самото Косово и 104.924 во дијаспората. Косовските граѓани во странство гласаа вчера во 30 дипломатски претставништва, лоцирани во 19 различни земји.

Централната изборна комисија соопшти дека по обработени 90 отсто од гласачките ливчиња, одѕивот е околу 40 отсто.

На изборите учествуваат 28 политички субјекти, од кои 20 политички партии, пет коалиции, две граѓански иницијативи и еден независен кандидат.

Украинскиот претседател Володимир Зеленски изјави дека е подготвен за преговори со Русија, но само ако западните партнери му обезбедат безбедносни гаранции. Во интервју за британската телевизија ИТВ Њуз, Зеленски посочи дека ако добие јасни гаранции дека САД и Европа ќе продолжат да ја поддржуваат Украина, тој ќе биде подготвен да се вклучи во било кој формат на преговори.

„Ако имам уверување дека Америка и Европа нема да нѐ напуштат, туку ќе продолжат да нѐ поддржуваат и ќе ни дадат безбедносни гаранции, би бил подготвен за секој формат на преговори“, изјави Зеленски.

Претседателот на Украина нагласи дека, според неговото мислење, војната може да заврши до 2025 година, но тоа ќе се случи само ако се зајакнат санкциите против Русија и ако Украина добие конкретни безбедносни гаранции.

„Не прифаќаме замрзнување на конфликтот, бидејќи тоа само ќе го одложи новиот бран на агресија“, изјави Зеленски, додавајќи дека ако Русија ја задржи контролата врз окупираните територии, тоа ќе се смета за неказнивост и ќе доведе до нова војна во иднина.

Тој ја истакна потребата од праведен мир, кој ќе се заснова на меѓународното право и ќе ги земе предвид интересите на Украина, а не само интересите на трети земји.

Зеленски исто така изрази уверување дека американскиот претседател Доналд Трамп сака да се стави крај на војната во Украина.

Од друга страна, портпаролот на Кремљ, Дмитриј Песков, не потврди и не демантираше дека имал телефонски разговор меѓу претседателите на Русија и САД, Владимир Путин и Доналд Трамп.