Свет
Поранешен чувар во нацистички логор обвинет за соучество во 5.230 убиства
Поранешен чувар во нацистички концентрационен логор бил обвинет од германските обвинители за соучешништво во 5.230 убиства, пренесува „Ди велт“.
Обвинителството во Хамбург во четвртокот соопшти дека 92-годишниот осомничен, идентификуван во судските документи како Бруно Деј, е обвинет за помагање во злонамерното и сурово убивање на претежно еврејските затвореници преку својата работа како чувар на концентрацискиот логор „Штутхов“ во периодот од август 1944 до април 1945 година.
Обвинителите тврдат дека Деј, кој во тоа време имал 17-18 години, бил мало тркало во машинеријата за убивање во која илјадници луѓе беа застрелани, отруени или изгладнети до смрт кон крајот на Втората светска војна.
И покрај неговата старост, Деј ќе биде суден во Малолетничкиот суд во Хамбург бидејќи имал 17 години кога првпат се вработил во кампот „Штутхоф“, во близина на тогашниот Данциг, сега Гдањск во Полска.
„Ди велт“ пишува дека Деј им рекол на иследниците оти бил свесен за гасните комори во логорот и дека телата биле носени во крематориумите. Тој тврди тоа дека никогаш не бил нацист и дека завршил во главниот баталјон на смртта (SS-Totenkopfsturmbahn), кој го водел кампот, поради срцева болест.
Според извештајот, Деј потврдил дека имал стражарски должности во караулите и знаел за гасните комори во логорот каде што гледал дека се носат затворениците. Тој признал дека видел изгладенти лица и луѓе кои страдале, но инсистира дека тој не е виновен.
Германија брза да ги осуди сите преживеани вработени во концентрациските логори откако правната основа за гонење на поранешните нацисти се промени во 2011 година со историската осуда на поранешниот логорски стражар Џон Демјанјук.
Како што објави „Брејтбарт“, тој не беше осуден за злосторствата што ги извршил туку врз основа на тоафактот дека служел како забец во машинеријата за убиства на нацистите во кампот „Собибор“ во окупирана Полска.
Германските судови подоцна ги осудија и Оскар Гронинг, сметководител во Аушвиц, и Рајнхолд Хенинг, поранешен чувар на СС во истиот камп, за масовни убиства. Сепак, и двајцата мажи, кои беа на 94-годишна возраст, починаа пред да бидат затворени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.