Свет
Франција мобилизира 100.000 полицајци, кои ќе го контролираат движењето поради коронавирусот

Франција ќе распореди 100.000 полицајци на фиксните контролни пунктови во целата земја за да го спроведе двонеделниот налог за спроведување на режимот за ограничено движење на претседателот Емануел Макрон, најновата драматична мерка преземена за контролирање на пандемијата на коронавирус, пренесува РТ.
Секој што ќе биде фатен како ги крши строгите ограничувања мора да може да ја оправда причината за своето движење или ќе се соочи со законски казни, вклучително и глоба до 135 евра, предупреди францускиот министер за внатрешни работи, Криштоф Кастанер.
„Некои исклучоци може да се толерираат“, додаде Кастанер, вклучувајќи патување помеѓу дома и работа, за купување, од здравствени причини, за помош на ранливите луѓе, за родители или за кратки патувања.
Од пешаците и од возачите ќе се бара да добијат дозволи за патување, кои ќе ѝ бидат покажувани на полицијата што управува со мрежата контролни пунктови во цела Франција. Министерот истакна дека полицијата ќе ги спроведe ограничувањата.
Претседателот Макрон ѝ прогласи војна на смртоносната појава во националното обраќање во понеделникот порачувајќи им на сите граѓани да останат во затворени простории за време на националното спроведување на режимот за ограничено движење, што почна денес.
Патувањето ќе биде дозволено само за основни обврски, како што се патувањата во аптека или самопослуга, а границите на Франција со соседните земји во шенген-зоната, што вклучува поголем дел од Европската Унија, исто така ќе се затворат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Неколкумина загинаа откако патнички воз излета од шините во југозападна Германија

Неколку лица загинаа, а многу други се повредени откако патнички воз излета од шините во југозападна Германија, јави ДПА, повикувајќи се на безбедносни извори.
Спасувачките тимови се на местото на настанот и го пребаруваат возот и околината во потрага по патници.
Свет
Тројца мажи завршија во болница поради топлотен удар во Кипар

Тројца мажи се хоспитализирани денеска во Лимасол и Никозија во Кипар поради топлотен удар, при што еден од нив е во критична состојба.
Во исто време, двајца постари мажи, на возраст од 78 и 89 години, се хоспитализирани во Никозија во сериозна, но стабилна состојба. Уште еден 88-годишен пациент бил примен со симптоми на топлинска исцрпеност и е надвор од животна опасност.
Се апелира населението, особено до ранливите категории, да избегнуваат директна изложеност на сонце, да бидат внимателни и да внесуваат доволно течности, поради екстремно високите температури што зафатија делови од островот.
Свет
Фон дер Лајен се сретна со Трамп во обид да се договорат околу царините

Претседателката на Европската комисија, Урсула фон дер Лајен попладнево во шкотското место Трнбери ќе се сретне со американскиот претседател Доналд Трамп, во обид да биде постигнат трговски договор во пресрет на истекот на крајниот рок – 1 август за воведување на царини од 30 отсто за извозот на европски производи во САД.
Најавувајќи ја средбата во објава на Икс, Фон дер Лајен наведе дека со Трамп ќе „разговараат за трансатлантските трговски односи и за тоа како тие може да се одржат силни“.
Американската администрација веќе воведе царина од 50 отсто за увозот на челик и алуминиум од ЕУ, од 25 проценти за автомобили и автомобилски делови, како и основен данок од 10 отсто за поголемиот дел европски производи, со кои е опфатен околу 70 проценти од вкупниот извоз на Унијата во САД.
Средбата се одржува во услови на зголемени надежи во ЕУ дека Европската комисија би можела да постигне договор со Вашингтон по примерот на оној постигнат претходно неделава меѓу САД и Јапонија за просечна царина од 15 отсто на извозот на јапонски стоки на американскиот пазар.
ЕУ се надева дека, исто така, ќе постигне договор со САД за царинска стапка од 15 проценти, која би ја вклучувала и просечната царина од 4,8 отсто што ја плаќаат европските извозници на американскиот пазар уште од пред враќањето на Трамп во Белата куќа во јануари годинава.
Средбата доаѓа откако во четвртокот Европската комисија усвои пакет контрамерки на увозот на американски стоки во ЕУ, како одговор на најавената царина од САД од 30 отсто.
Портпаролот на ЕК за економска безбедност, трговија и царини Олоф Гил во четвртокот изјави дека фокусот на ЕУ е на постигнување на договор со САД за царините, а доколку тоа не се случи усвоените контрамерки ќе стапат во сила на 7 август.