Свет
Француски градоначалник принуден да избега гол од дома по напад од бесен мештанин
Француски градоначалник морал да бега за да си го спаси животот откако еден незадоволен мештанин го принудил да се соблече гол заканувајќи му се со пиштол во неговиот дом, пренесува РТ.
Бизарната конфронтација почнала како навидум обична средба помеѓу Паскал Хуброн, 53-годишниот градоначалник на Биорел, во северниот дел на Франција во Нормандија, и еден од локалните жители во вторникот утрото.
Хуброн организирал работни состаноци дома затоа што Градското собрание е затворено поради пандемијата на Ковид-19. За време на состанокот, напаѓачот извадил огнено оружје – што подоцна се покажало како воздушен пиштол – и му се заканил на Хуброн.
„Го насочи пиштолот кон мене, ме спречуваше да ја напуштам куќата. Ме принуди да се соблечам и ме фотографираше“, изјави градоначалникот за радио „Франс блу“.
И покрај тоа што напаѓачот бил вооружен, градоначалникот на крај успеал да избега од својот дом.
„Истрчав гол, викајќи за помош, до соседот кој ме сокри во својата гаража“, вели Хуброн.
Осомничениот, во меѓувреме, ѝ се предал на полицијата и бил приведен, а за случајот е отворена истрага. Хуброн за локалните медиуми изјави дека напаѓачот е незадоволен мештанин кого го познава веќе 15 години.
„Тој предложи проект за урбанистичко планирање, кој не беше спроведен поради силно спротивставување од други граѓани“, објасни Хуброн, додавајќи дека осомничениот првично пристигнал во неговиот дом за да разговара за нов проект.
Што се однесува до разголената фотографија, Хуброн посочи дека човекот сакал да ја објави на социјалните мрежи. Хуброн вели дека е шокиран од инцидентот.
„Добив закани со смрт, но не е исто како да имате оружје вперено во вас. Не ме избраа за тоа! Бев доволно љубезен и примив граѓанин во својата куќа и гледајте што се случи “, рече Хуброн.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Рјабков: Русија нема доверба во НАТО
Геополитичките проекти со НАТО сега се невозможни, Москва нема доверба во Алијансата и кај нас предизвикува политичка и емотивна одбивност, изјави денеска рускиот заменик министер за надворешни работи Сергеј Рјабков.
„Геополитички дизајн од секаков вид со НАТО е невозможен. НАТО не е пандан способен за преговори, тоа е групација во која не само што немаме ни најмала доверба, туку ни предизвикува политички и, дури би рекол, емотивна одбивност“, рече Рјабков во интервју за ТАСС.
Тој посочи дека Русија ќе работи со оние „кои се подготвени да преговараат на еднаква основа“.
„Големиот евроазиски простор, концептите на евроазиската безбедност, се она што доаѓа во центарот на вниманието на архитектонските проекти во однос на политиката и геополитиката. Според нас, тоа е она на што пред се треба да се фокусираме“, посочи Рјабков.
Свет
Ирански командант: Три европски земји ќе одговараат за помошта кон Израел
Командантот на силите Кудс, Есмаил Кани изјави дека трите европски земји кои ги распоредија своите воени авиони за да го одбранат Израел од одмаздничката операција организирана од Иран ќе одговараат.
– Франција, Германија и Велика Британија не треба да мислат дека распоредувањето на авионите таа ноќ е крај на проблемот. Да, таа ноќ заврши, но ќе одговорат во догледно време – изјави бригадниот генерал Есмаил Кани.
Според него, Соединетите Американски Држави и целата западна воена алијанса на НАТО придонеле со сите свои воени капацитети за одбрана на Израел од иранската операција „Вистинско ветување“, пренесува иранската агенција „Тасним“.
– Седум или осум поморски групи се распоредени во Црното Море за да се спречи (иранската) операција – рече тој, додавајќи дека во таа операција се вклучени и повеќе од 200 авиони.
Кани оцени дека Иран ја покажа својата сила, непоколебливост и моќ на целиот свет при нападот на територијата на Израел.
– Победата на операцијата „Вистинско ветување“ не е ограничена само на бројот на ракети и беспилотни летала кои стигнаа до окупираните територии – рече Кани и ги повика земјите од регионот да учат од, како што наведе, „неспособноста на САД да го заштитат израелскиот режим за време на иранската операција“ и да не се потпираат на Вашингтон.
На 13 април Техеран истрела повеќе од 300 беспилотни летала и проектили кон Израел, како одговор на нападот врз иранскиот конзулат во сирискиот главен град Дамаск на 1 април, кога беа убиени седум членови на Иранската револуционерна гарда.
Иран тврди дека нападот „Вистинско ветување“ предизвикал голема штета на израелските воени бази.
Регион
Изгласана новата влада на Хрватска: Пленковиќ по трет пат стана премиер
Пратениците во хрватскиот Сабор вечерва гласаа за доверба на новата влада на премиерот Андреј Пленковиќ. За доверба на Владата гласаа 79 пратеници, против беа 61 пратеник, а еден беше воздржан.
Претседателот и членовите на Владата потоа дадоа заклетва пред пратениците, со што Андреј Пленковиќ го започна третиот последователен мандат како премиер.
Во Собранието денеска беше претставена четиригодишната програма на новата Влада, која се заснова на „успешна, витална, праведна, одржлива и суверена Хрватска“.
Во новиот мандат, владата на Пленковиќ најавува просечна нето плата од 1.600 евра, минимална бруто плата од 1.250 евра, како и отворање на 125.000 нови работни места.
До крајот на мандатот на новата влада, пензиите треба да се зголемат за најмалку 30 отсто, со што просечната пензија би изнесувала најмалку 750 евра.
Новата влада наместо досегашните 16 ќе има 18 министерства и седум потпретседатели.