Мачка која влезе во авион на „Рајанер“ непосредно пред да полета на аеродромот во Рим предизвика вистинска врева, објавија денеска медиумите.

Екипажот слушнал мјаукање додека патниците се подготвувале да се качат во авионот, пишува британски „Сан“.

Cat causes chaos by boarding #plane just before take-off sparking two DAYS of delays.#UAE_BARQ_EN pic.twitter.com/jVOZuBFnJJ

— UAE BARQ (@UAE_BARQ_EN) February 9, 2025

Мачката најпрвин била во отворот низ кој минуваат електричните водови, а потоа се вовлекла во делот од авионот со каблите, поради што Боингот 737 не можел да се движи.

Инженерите извадиле панели од товарниот дел на авионот, оставајќи ја вратата отворена за да излезе, а мачката на крајот била снимена како внимателно се спушта по скалите на авионот.

Еден член на екипажот рекол дека мачката во овој случај била слеп патник и можела да предизвика големи проблеми на 30.000 стапки.

Авионот бил приземјен два дена пред да полета за Германија.

Американскиот претседател Доналд Трамп изјави дека Палестинците нема да имаат право да се вратат според неговиот план ако ги иселат од Газа.

Во интервју за Фокс њуз, чиј дел беше објавен денеска, на новинарско прашање дали Палестинците ќе имаат право да се вратат на териториите уништени од војната, Трамп одговори: „Не, нема, бидејќи ќе имаат многу подобро место за живеење“, рече тој.

„Со други зборови, зборувам за тоа да им изградам нивно постојано место, бидејќи ако треба да се вратат сега, ќе поминат години пред да можат да живеат таму, вие не можете да живеете таму“, додаде Трамп.

Кога Трамп минатата недела го прими израелскиот премиер Бенјамин Нетанјаху во Вашингтон, рече дека САД ќе ја преземат контролата врз Појасот Газа и дека ќе се ослободат од уништените згради со цел економски да ја развијат територијата. И според него, палестинското население треба да биде раселено. Неговите зборови беа осудени од многу земји во светот. Сега тој повтори дека Палестинците од Газа можат да одат да живеат во Јордан или Египет и покрај противењето на тие земји и многу други, како и на самите Палестинци, пренесуваат светските медиуми.

Во интервјуто, кое интегрално се очекува да биде објавено вечерва, американскиот претседател рече дека САД ќе градат „прекрасни заедници“ за околу два милиони жители на Газа.

„Ќе можат да имаат пет, шест или две. Но, ќе изградиме безбедни заедници, малку подалеку од местото каде што се, каде е целата оваа опасност“, додаде Трамп.

„Посветен сум на купување и поседување на Газа. Кога станува збор за тоа ние да го обновиме, би можеле да дозволиме и другите земји на Блискиот Исток да изградат делови од него. Други луѓе би можеле да го направат тоа под наше покровителство. Но, ние сме посветени да бидеме сопственици, да го преземеме и да се погрижиме Хамас да не се врати“, рече Трамп без да објасни од кого ќе ја купи Газа и како САД ќе бидат сопственик на таа територија, пишува Би-Би-Си.

Тој вети дека „ќе се грижи за Палестинците“.

„Тие не сакаат да се вратат во Газа, тие се враќаат само затоа што немаат алтернатива“, рече тој.

Руско-американските односи се на работ на прекин, изјави рускиот заменик-министер за надворешни работи Сергеј Рјабков на прес-конференција, пренесува ТАСС.

„Од наша страна неколку пати беше кажано дека односите меѓу Руската Федерација и САД се пред распад“, рече заменик министерот.

Рјабков нагласи дека администрацијата на претходниот американски претседател Џозеф Бајден „се потпира на хибридната војна, ја воведе во своите документи и им ја наметна на сојузниците во различни блок конфигурации идејата за можноста за нанесување стратешки пораз на Русија“.

Како резултат на тоа, „конфронтирачкиот карактер на односите меѓу Руската Федерација и САД се интензивираше и денес доби „многу, многу акутен карактер“, додаде тој.

Претходно Рјабков нагласи дека САД треба да го направат првиот чекор кон нормализирање на односите со Руската Федерација и дека Москва е отворена за дијалог во режимот на „тешките преговори“.