Свет
Фрицл, кој 24 години ја силувал сопствената ќерка, останува во психијатриската болница

Австрискиот суд денеска објави дека ја поништил одлуката на понискиот суд за префрлање на 88-годишниот инцестуозен силувач Јозеф Фрицл во редовен затвор од психијатриското одделение, но случајот го вратил на тој суд за нова одлука.
Фрицл, кој го смени презимето во Мајрхоф, ја силувал својата ќерка и ја држел во заробеништво 24 години, а силувањата резултирале со раѓање на седум деца. Случајот го привлече светското внимание кога излезе на виделина во 2008 година.
Осуден за инцест, силување, ропство, принуда и убиство на новороден син
Тој е во затвор за ментално растроени затвореници откако во 2009 година беше осуден за инцест, силување, ропство, принуда и убиство од небрежност на новородениот син во зандана што тајно ја изградил под неговиот дом.
Фрицл се пријавил да биде префрлен во редовен затвор, тврдејќи дека како постар и слаб човек повеќе не претставувал закана.
Судот во градот Кремс ан дер Донау го нареди трансферот во јануари, но обвинителите поднесоа жалба за поништување на одлуката пред Вишиот регионален суд во Виена.
„За разлика од првостепениот суд, Вишиот земски суд во Виена заклучи дека фактите потребни за вакво условно ослободување сè уште не се целосно утврдени“, се вели во соопштението за печатот на виенскиот суд.
Се додава дека ја поништиле одлуката на понискиот суд и му наредиле да утврди повеќе факти пред да донесе нова одлука.
Од обичниот затвор, Фрицл би можел да поднесе барање за целосно ослободување од затвор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Инциденти по протестот во Белград: Петпати фрлија солзавец, но луѓето бришат солзи и не се откажуваат, летаат јајца и шишиња по полицијата

Голема толпа народ не се повлекува од улиците на Белград иако студентскиот протест, преку кој испратија порака за предвремени парламентарни избори, заврши. Полициски кордони има насекаде и се обидуваат да ја потиснат масата луѓе. Граѓаните на многу места фрлаат со шишиња, лименки, камења и јајца по полицијата, се жалат дека се чувствува солзавец во воздухот, но велат дека нема да се откажат.
„Бевме пред кордонот полиција, во првиот ред. Петпати фрлија солзавец, но луѓето бришат солзи и не се откажуваат. Доста е страв, нема понатаму. Ова е нивен крај, не наш. Остануваме до крај“, вели за српската телевизија „Н1“ студентка која на протестот е со мајка си и не сака да си замине.
„Спуштете ги штитовите“ извикуваат граѓаните и не сакат да отстапат. Ставаат маски на лицата и пренесуваат повик „да не се откажуваме, се додека сме мирни, ништо не можат“.
Студентскиот протест на кој беа пренесени пораките за предвремени избори заврши мирно, а инцидентите почнаа во моментот кога студентите ги соблекоа елеците.
Регион
(Видео) Студентите на протестот во Белград ќе развеат знаме „какво што не се очекува“

Студентскиот протест во Белград почна со огромен број луѓе кои се уште се слеваат кон плоштадот Славија. Студентите за вечерва најавија дека ќе развеат знаме „какво што досега не е видено“. Откога почна протестот тие на социјалните мрежи објавија кусо видео од последните подготовки за изнесување големо знаме на улица со најава дека „тоа ќе биде знаме кое не сте го очекувале“.
Biće to zastava koju niste ocekivali pic.twitter.com/qeFNGlGmHD
— Žaklina Tatalović (@zaklina_prva) June 28, 2025
Протестот е предвидено да заврши во 21 часот кога истекува рокот кој студентите го дадоа на власта за распуштање на Народното собрание распишување предвремени парламентарни избори како и растурање на протестот во Пионерскиот парк каде некои студенти на контрапротест три месеци кампуваат и бараат продолжување на универзитетската година. За се што ќе се случува по 21 часот, студентите кажаа дека не се надлежни, а претседателот на Србија, Александар Вучиќ, попладнево рече дека очекува насилство, токму во периодот од 21 до 22 часот.
Регион
Плоштадот Славија во Белград се преполни, реки луѓе доаѓаат од сите страни на видовденски протест

Под слоганот „Се гледаме на „Видовден“ попладнево плоштадот Славија во Белград, Србија се преполни луѓе. Српските медиуми јавуваат дека реки народ се уште доаѓаат кон плоштадот од сите страни на државата.
Студентите, поддржани од огромен број граѓани имаат две барања од властите. Првото барање е распуштање на Народното собрание и распишување предвремени парламентарни избори до 21 часот денес, а второто барање е да прекине протестот на некои од студентите кои бараат продолжување на универзитетската година и три месеци кампуваат во Пионерскиот парк во центарот на Белград.
Студентите кои го организираат протестот најавија дека тој ќе трае три часа, треба да заврши во 21 часот и се огласија за ненадлежни за се што ќе се случува по 21 часот.
Претседателот на Србија, Александар Вучиќ, денес изјави дека очекува насилство на протестот кое ќе почне меѓу 21 и 22 часот.