Свет
ФСБ уапси украински терористи, спречила атентат врз директорот на нуклеарката во Запорожје
Руската Федералната служба за безбедност (ФСБ) соопшти денеска дека уапсила украинска диверзантско-терористичка група во областа Запорожје која подготвувала терористички напад врз еден од директорите на нуклеарната централа Запорожје, пренесува РТ Балкан.
Во акцијата, „одземена е експлозивна направа која требало да биде употребена, како и малокалибарско автоматско оружје, муниција и експлозиви“, се наведува во соопштението на ФСБ.
Според руското разузнавање, украинските специјални служби го подготвиле нападот директно – преку вработените во Главната разузнавачка управа при украинското Министерство за одбрана на Украина, Александар Умањски и Андреј Никуљин и агентката Викторија Будникова, и преку посредникот Јулија Ткачук, која моментално е во Финска, новата членка на НАТО.
Диверзантите собирале информации за локацијата на руските воени објекти, за претставници на руските безбедносни сили и војската, како и за локалното проруско население, велат од ФСБ.
Во моментов се проверува дали членовите на групата биле вклучени во претходни саботажи и терористички напади. Отворена е кривична постапка и се утврдуваат сите околности на кривичното дело, како и други инволвирани лица, информираат од службата.
Нуклеарната централа во Запорожје, најголемата нуклеарна централа во Европа по број на единици и инсталирана моќност, се наоѓа на левиот брег на реката Дњепар.
Од март минатата година, нуркеарната централа во која работи украиски персонал ја чуваат припадници на руската армија.
Според руското Министерство за надворешни работи, тоа е неопходно за да се спречи истекување на нуклеарни и радиоактивни материјали.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.