Свет
Хамас и Израел седнаа на преговарачка маса во Доха

Во Доха, главниот град на Катар, денеска започна нова рунда индиректни преговори помеѓу Хамас и Израел, со цел да се постигне прекин на огнот и да се стави крај на војната во Појасот Газа.
Преговорите започнаа без поставени предуслови од ниту една страна, соопшти Тахер ел Нуну, висок функционер на Хамас, кој нагласи дека разговорите ќе ги опфатат сите клучни прашања – од целосно прекинување на војната, преку повлекување на израелските сили од Газа, до договор за размена на затвореници.
„Ова е отворен процес и ние ќе ги претставиме нашите ставови по сите точки,“ изјави Ел Нуну.
Станува збор за прва сериозна дипломатска иницијатива по продолжувањето на израелската офанзива на 18 март, која следеше по двомесечното примирје на почетокот на годинава. Тогаш беше овозможена ограничена размена на заложници и затвореници, но оттогаш разговорите беа во застој, со меѓусебни обвинувања за опструкции.
Израелскиот премиер Бенјамин Нетанјаху претходно неделава потврди дека испратил делегација во Доха. Во меѓувреме, израелската армија ја прошири офанзивата во Газа, што го вклучи и почетокот на нова операција под називот „Кочиите на Гидеон“.
Израелскиот министер за одбрана, Јоав Галант, изјави дека токму оваа засилена воена акција го натерала Хамас да се врати на преговарачката маса. „Операцијата во Газа се спроведува со голема сила и Хамас, и покрај тврдоглавиот став досега, сега прифати нова рунда разговори,“ рече Галант.
Преговорите се одвиваат под силен меѓународен притисок, а судбината на израелските заложници и палестинските цивили во Газа останува еден од клучните хуманитарни предизвици.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Осомничениот во случајот со Медлин Мек Кен: „Вратете ми го животот!“

Кристијан Брукнер, осомничен во истрагата за исчезнувањето на Медлин Мек Кен, за првпат јавно проговори по излегувањето од затвор. Во интервју за „Скај њуз“ рече дека е жртва на „лов на вештерки“ и побара да му се врати нормалниот живот.
„Не се чувствувам слободен. Носам нараквица и под 24-часовен надзор сум. Сакам ова да престане и некој да преземе одговорност,“ изјави Брукнер.
Тој се обиде да влезе во канцеларијата на германскиот обвинител Ханс Кристијан Волтерс, кој претходно јавно тврдеше дека има докази дека Брукнер ја киднапирал и убил Медлин, иако призна дека тие не се доволни за подигнување обвинение.
Брукнер (49) неодамна беше ослободен по издржана казна за друго кривично дело. Германските медиуми јавуваат дека по неговото ослободување бил сместен во привремено живеалиште, но по јавниот притисок и протестите на граѓаните, бил преместен од градот Нојминстер.
На директно прашање дали има врска со исчезнувањето на британското девојче, Брукнер одговори дека по совет на адвокатите нема да зборува на таа тема.
Тригодишното девојче исчезна од апартмански комплекс во Праја да Луз во Португалија на 3 мај 2007 година, што предизвика истрага низ цела Европа и стана еден од најпознатите случаи на исчезнати лица. Нејзините родители вечерале со пријателите во блискиот ресторан додека таа и нејзините помали браќа и сестри близнаци спиеле во станот. Нејзината мајка Кејт открила дека Медлин ја нема околу 22 часот по локално време.
Случајот останува нерешен, но германските обвинители велат дека имаат докази кои сугерираат дека Брикнер можеби бил во областа кога исчезнала Медлин. Волтерс рече дека иако тој и другите обвинители не веруваат дека имаат доволно докази за формално да го обвинат Брикнер во случајот Меккен, нивните напори ќе продолжат.
Свет
Нетанјаху стигна во Белата куќа, Трамп уверен дека ќе има мир во Газа

Израелскиот премиер Бенјамин Нетанјаху денеска пристигна во Белата куќа, каде што беше пречекан од американскиот претседател Доналд Трамп, јави Би-Би-Си.
За време на кратката средба пред новинарите, на прашање дали верува дека наскоро ќе биде постигнат мир во Газа, Трамп одговори: „Да, многу сум уверен.“
Двајцата лидери потоа се упатија на затворен состанок во Овалната соба, каде што се очекува да разговараат за нов мировен предлог од 21 точка. Подоцна е најавен заеднички ручек и прес-конференција, на која ќе бидат соопштени повеќе детали од разговорите.
Свет
Емиратите го притискаат Нетанјаху да го прифати планoт на Трамп за Газа

Обединетите Арапски Емирати го повикаа израелскиот премиер Бенјамин Нетанјаху да ја поддржи мировната иницијатива на американскиот претседател Доналд Трамп за Газа и да се откаже од плановите за анексија на Западниот Брег, јави „Ројтерс“ повикувајќи се на дипломатски извори.
Емиратите, кои ги нормализираа односите со Израел во рамки на Абрахамските договори, предупредија дека евентуална анексија би ја блокирала можноста за понатамошна нормализација со водечките арапски и муслимански држави, вклучително и Саудиска Арабија и Индонезија.
Ставот на Абу Даби му бил пренесен на Нетанјаху од шефот на дипломатијата на Емиратите, шеик Абдулах бин Зајед, на средба во Њујорк за време на Генералното собрание на ОН.
Во меѓувреме, Нетанјаху престојува во Вашингтон, каде што денеска има средби со Трамп. Се очекува двајцата лидери да разговараат за нов мировен предлог од 21 точка за Газа, а подоцна е најавена и заедничка прес-конференција.