Свет
Хамас уапси 45 израелски „шпиони и соработници“ во Газа поврзани со осуетениот напад на ИДФ
Десетици Палестинци, за кои се вели дека биле регрутирани од страна на Израел, биле уапсени од раководството на Хамас во Појасот Газа по тајната мисија на ИДФ на територијата во ноември, која доведе до сериозни вооружени престрелки и напнатост, пренесува РТ.
„Безбедносните служби успеаја да уапсат 45 агенти по безбедносниот инцидент источно од Кан Јунис во ноември минатата година и тие се под истрага”, рече портпаролот на Министерството за внатрешни работи на Хамас, Ијад ал-Бозам, без да посочи дали притворените лица имале каква било директна улога во израелскиот упад во јужниот дел на Појасот Газа на 11 ноември.
Уапсените израелски „агенти“ наводно биле регрутирани од Израел преку телефон и преку социјалните мрежи, често со употреба на уцени.
„Иако Хамас успеа да уапси многу шпиони во текот на годините, Израелците и понатаму ги ангажираат палестинските агенти да им помогнат да извршат злосторства против нашиот народ”, рече портпаролот на Хамас, апелирајќи до оние кои се уценети од ИДФ да се предадат.
Осуетената мисија на ИДФ во Кан Јунис, во која беа убиени командант на Хамас и израелски полковник, првично доведе до престрелка меѓу израелските војници и оперативци на Хамас, но брзо ескалираше во прекугранична битка, оценета како најинтензивна од 2014.
Во својата „одмазда”, Хамас и Движењето на исламистичкиот џихад во Палестина лансираа повеќе од 400 ракети и проектили во јужниот дел на Израел, што го натера ИДФ да реагира со напад врз повеќе од 150 цели во палестинската енклава. Напнатиот дводневен судир доведе до оставка на министерот за одбрана, Авигдор Либерман, кој одби да го прифати договорот за прекин на огнот со посредство на Египет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бакингемската палата ја објави здравствената состојба на кралот Чарлс: познато кога ќе се врати на должностите
Кралот Чарлс ќе продолжи со јавните ангажмани следната недела откако е постигнат охрабрувачки напредок во лекувањето на ракот, објави Бакингемската палата.
За кралот тоа нема да биде целосно враќање на официјалните ангажмани, но палатата испраќа позитивни сигнали, јавува Би-Би-Си.
Следниот вторник кралот ќе започне со симболично патување во центар за лекување рак, пренесува медиумот.
Неговите летни планови вклучуваат државна посета, каде што ќе биде домаќин на императорот и царицата на Јапонија.
Во наредните недели, соопштија од палатата, тој ќе преземе неколку надворешни ангажмани.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.
Свет
Мигранти плаќале 18.000 евра за превоз преку Ла Манш, биле сексуално експлоатирани
Виетнамска криминална мрежа беше пресечена со акција на полициите на Франција и Англија, со поддршка на Европол.
Оваа група шверцувала мигранти преку Ла Манш и организирала нивна сексуална и трудова експлоатација како и перење пари.
Главниот организатор, идентификуван како десна рака на водачот на оваа банда, го организирал шверцот, додека друг нивни соучесник бил задолжен за собирање пари и организирање на транспортот на мигрантите, кои плаќале од 15.000 до 18.000 евра за превоз преку каналот , соопшти Европол.
На пат од Полска за Франција, некои од мигрантите шверцувале метамфетамин во парискиот регион, снабдувајќи ги азиските групи за шверц на дрога со седиште во областа во замена за намалена цена на патувањето.
Уапсени се 16 членови на оваа група и одземени се разновидна луксузна стока, 100.000 евра во кеш и уште 298.000 евра на банкарски сметки.