Свет
Холандија ја прекина вакцинацијата со „астразенека“ на лица помлади од 60 години по смртта на една жена
Властите во Холандија денес ја прекинаа вакцинацијата со вакцината на „Астразенека“ на лица помлади од 60 години, по смртта на една жена откако била вакцинирана со вакцината, пишува „Ројтерс“.
Како резултат на таа одлука, околу 10.000 закажани термини за вакцинација ќе бидат откажани.
„Во Холандија, една жена почина откако беше вакцинирана со ‘астразенека’, таа имаше комбинација на белодробна емболија и мал број на тромбоцити“, објави денеска Центарот за несакани ефекти „Лареб“.
Досега во Холандија, откако биле вакцинирани со „астразенека“, вкупно пет жени на возраст од 25 до 65 години имале тромбоза и низок број на тромбоцити.
Според Центарот „Лареб“ има пет случаи на дадени 400.000 дози вакцини. До тромбоза и низок број на тромбоцити дошло помеѓу 7 и 10 дена по вакцинацијата.
Тромбозата е болест на васкуларниот систем при која доаѓа до згрутчување на крвта и формирање тромб. Белодробна емболија е формирање на тромб во белите дробови.
„Лареб“ наведува дека три жени, вклучувајќи ја и онаа која починала, имале пулмонална емболија, четвртата имала мозочно крвавење, а петтата имала тромбоза на абдоминалната вена.
Симптомите кај сите пет жени наликувале на тромбоцитопенија (ХИТ), односно прекумерна реакција на имунолошкиот систем при која телото произведува антитела против сопствените тромбоцити.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Човек кој пловел во Мексиканскиот залив држејќи се за ладилник е спасен
Американската крајбрежна стража спасила маж кој се држел за ладилник додека пловел на околу 50 километри од брегот. Спасувачите се симнаа од хеликоптерот и допливаа до човекот кој клечеше на врвот на ладилникот во Мексиканскиот залив.
Мажот бил пренесен во општата болница во Тампа, каде му била укажана лекарска помош.
#Breaking An @USCG Air Station Miami 65 helicopter crew rescued a man clinging to a cooler approximately 30 mi. off Longboat Key.
The man was taken to Tampa General Hospital for medical care.
Sector St. Pete lost communications w/ the man at approx. 6:45 p.m., Wed. #SAR pic.twitter.com/64wSHuRAeH
— USCGSoutheast (@USCGSoutheast) October 10, 2024
„Тој го преживеа она што е кошмарно сценарио дури и за најискусниот морнар“, изјави поручник Дејна Грејди од американската крајбрежна стража.
„За да се разбере сериозноста на условите за ураганот, важно е да се каже дека проценуваме дека доживеал ветрови од 120 до 145 километри на час“, изјави таа.
Човекот го поправал својот брод во 3 часот наутро во средата, но се соочил со силни ветрови на враќање кон пристаништето. Условите брзо се влошија како што се приближуваше ураганот. Крајбрежната стража му нареди на човекот да облече спасувачки појас, но подоцна комуникацијата била изгубена.
Свет
Господине Трамп, најдете си живот – Бајден лут поради коментарите на експретседателот за ураганот на Флорида
Американскиот претседател, Џо Бајден, одржа брифинг за новинарите за ураганот Милтон.
Тој рече дека обновата на погодената област ќе чини неколку милијарди долари и ќе трае долго.
Американскиот претседател се осврна и на коментарите на експретседателот на САД, Доналд Трамп, кој рече дека погодените од ураганот ќе добијат само 750 долари помош, нарекувајќи ги „бизарни“.
Запрашан дали разговарал со Трамп, Бајден одговори: „Се шегуваш?“, а потоа му понуди совет на републиканскиот претседателски кандидат.
„Господине Трамп, најдете си живот за себе. Помогнете им на овие луѓе“, изјави Бајден од Вашингтон.
Свет
Расте бројот на мртви од ураганот на Флорида
Бројот на загинати во ураганот на Флорида, САД, се искачи на 11 лица, јавува „Ен-би-си њуз“.
Последната жртва е возач на автомобил врз којшто паднало дрво во округот Цитрус.
Претходно, два смртни случаи беа пријавени во округот Пинелас, три во округот Волузија и пет во округот Сент Луси, од кои четири беа предизвикани од торнада.