Свет
(Видео) Хорор во Калифорнија: Родители ги измачувале своите 10 деца
Полицијата затекнала вистински хорор во семеен дом во северна Калифорнија, каде десет деца биле измачувани и чувани во ужасни услови. Уапсени се родителите на децата – Џонатан Ален и Ина Роџерс поради мачење на своите деца, кои ги чувале во неподносливи услови. Децата не само што живееле во ѓубре туку и биле жртви на физичко и емотивно насилство.
Истрагата почнала на 31 март, кога полицијата вратила дома 12-годишно дете, кое било пријавено за исчезнато. Детето било пронајдено како спие во грмушки во дворот на куќата во близина. Кога влегле во куќата на Ина Роџерс полицајците затекнале девет деца, на возраст од 4 месеци до 11 години, во нехигиенски и небезбедни услови. Децата ги одвеле во социјална служба во областа Солано. Ина Роџерс, мајка на децата, била уапсена во текот на вечерта на 21 март, поради занемарување на децата. Уапсен бил и 29-годишниот Џонатан Ален, татко на повеќето деца. Тој е обвинет за тортура и злоупотреба на децата.
Властите првпат излегоа со детали за вознемирувачките услови во кои живееле децата, а соседите се шокирани дека таму воопшто имало 10 деца. Постари деца раскажале како ги малтретирале нивните родители, дека имаат убодни рани, изгореници, модринки и прострелни рани добиени од воздушен пиштол и пушка. Изјавите на децата доведоа до апсење на Ален, кој на суд рече дека не е виновен, но судијата му одреди кауција од 5 милиони долари.
Според обвинителката, злоупотребата е направена од садистички причини. Врз основа на она што го изјавиле децата, таа верува дека во овој случај имало мачење.
Ина Роџерс е пуштена од затвор со кауција од 10 000 долари и на репортерите им дозволила да влезат во куќата. Рекла дека таа и сопругот се од уништени семејства и дека сакале големо семејство. Таа работи ноќна смена како ЕКГ-техничар, а Ален прави тетоважи. Децата наводно учеле дома.
Таа вели дека првпат била трудна на 16 години, дека има 11 биолошки деца, а осум од нив се на Ален. Вели дека децата спиеле во иста спална, оти така сакале и затоа се многу блиски. Останатите четири спални соби се користени за друго, како играње и медитација. Вели дека нивната куќа била валкана и во неред затоа што ја превртеле барајќи го 12-годишниот син.
NEW DETAILS: Fairfield police describe home where 10 children were found: "Garbage and spoiled food on the floor. Animal and human feces and a large amount of debris…" https://t.co/B8siHrN41d pic.twitter.com/PSlxjs3rJp
— KRON4 News (@kron4news) May 15, 2018
Соседите велат дека не знаеле колку точно деца живеат во куќата затоа што постојано ги држеле скриени од погледи. Семејството се доселило пред една година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.