Свет
„Хјуман рајтс воч“: Нагло влошување на човековите права во Либан
 
																								
												
												
											Човековите права во Либан бележат најдрастично влошување во последните неколку децении, покажа најнов извештај на „Хјуман рајтс воч“ (ХРВ).
Стапката на сиромаштија на земјата се зголеми двојно во 2020 година како резултат на невидената економска криза, пандемијата на коронавирус и експлозијата на пристаништето во Бејрут на 4 август.
„Со секој изминат ден, животот на граѓаните, мигрантите и бегалците во Либан станува сè понеподнослив“, велу Аја Мајзуб, истражувач на ХРВ за Либан.
Колапсот на валутата на Либан, надополнет со рапидното зголемување на цените на храната и стоките, ја десеткуваше можноста на луѓето да си ги дозволат основни потреби, вклучувајќи храна, засолниште и здравствена заштита, се вели во извештајот.
Утврдено е дека маргинализираните заедници, вклучително и семејствата со ниски примања, лицата со попреченост, мигрантите, бегалците и ЛГБТК-лицата, биле непропорционално погодени од пандемијата. Утврдено е дека 88 отсто од сириските бегалци во Либан живеат во екстремна сиромаштија.
ХРВ обвинува многу проблеми се предизвикани од владата на Либан, која, како што тврди извештајот, не успеала да развие навремен, робустен или координиран план за помош за проблемите на земјата.
„Политичката елита сè уште се договара околу тоа како да се подели смалениот плен за да се збогати додека ја осиромашува земјата“, рече Мајзуб.
Владата не им ги исплатила на болниците средствата што им ги должи, со што се намалува можноста на медицинскиот персонал да одговори на пандемијата на коронавирус. Неисплаќањето на болниците и падот на валутата во земјата ги спречи медицинските центри да увезат доволно лекови за да ги задоволат потребите на населението.
Либанските власти, се додава во извештајот, не успеаја да ги заштитат жените и девојчињата од насилство и од дискриминација. Владата, исто така, потфрли во својата обврска да ги заштити домашните мигрантски работници, кои во Либан се повеќе од 250.000.
Новиот договор за работници-мигранти, кој би го заменил долгокритикуваниот систем „кафала“, беше суспендиран на крајот на октомври. Новиот договор ќе ги кодифицираше правата на странските работници, кои се исклучени од законите за работни односи во Либан.
Судот соопшти дека е донесена одлука за запирање на планираното спроведување на договорот затоа што може да му нанесе огромна штета на секторот за регрутирање работници.
ХРВ исто така ги осуди либанските власти за нивната прекумерна употреба на сила против антивладините демонстранти и континуираните напади врз слободата на говорот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
 
																	
																															Свет
По 48 години бегство, пензионер уапсен во Италија поради убиство во Египет
 
														По речиси половина век бегство, италијанската полиција уапси 71-годишен Австриец осомничен за убиство извршено во Египет во 1977 година, објави австрискиот портал „Кроне“.
Тој, тогаш 23-годишен, заедно со својот татко учествувал во спор околу земјиште што завршил со пукање и убиство на познаник пред нивната куќа. По злосторството избегал во Австрија, каде добил државјанство, додека египетски суд го осудил во отсуство на пет години затвор за нанесување тешки телесни повреди со смртна последица.
За него со години постоела меѓународна потерница на Интерпол. Минатата недела бил препознаен во хотел во италијанскиот град Савона, откако се пријавил со својата патна исправа. Откако првично успеал да побегне, неколку дена подоцна се вратил во истиот хотел, каде полицијата му поставила заседа и го уапсила.
Сега се наоѓа во затворот Мараси во Џенова и чека да биде испорачан во Египет.
Свет
Обединетите Нации: Нуклеарните тестови никогаш не треба да се дозволат под никакви околности
 
														Нуклеарните тестови никогаш не треба да бидат дозволени под никакви околности, изјави портпаролот на генералниот секретар на ОН, Антонио Гутереш, цитиран од АФП.
Ставот на светската организација доаѓа откако американскиот претседател Доналд Трамп објави дека САД ќе продолжат со тестирање на ново нуклеарно оружје.
„Генералниот секретар постојано изјавуваше дека моменталните нуклеарни ризици се веќе алармантно високи. Мора да се избегнува секоја акција што би можела да доведе до погрешна пресметка или ескалација со катастрофални последици“, нагласи портпаролот.
„Не смееме да го заборавиме катастрофалното наследство од повеќе од 2.000 нуклеарни тестови спроведени во текот на изминатите 80 години. Нуклеарните тестови никогаш не треба да бидат дозволени под никакви околности“, додаде тој.
Претседателот на Соединетите Американски Држави, Доналд Трамп, претходно објави дека издал наредба до Пентагон веднаш да продолжи со тестирањето на нуклеарно оружје.
Трамп ја оправда својата наредба велејќи дека другите нуклеарни сили одамна ги продолжиле тестирањата на своето оружје.
Русија, која има најголем нуклеарен арсенал – неколку стотици боеви глави повеќе од САД – и Кина реагираа со претпазлива критика на изјавата на Трамп.
Пекинг не тестирал нуклеарно оружје од 1996 година, Америка од 1992 година, а Русија од 1990 година.
Свет
Ќерката на поранешниот перуански претседател обвинета за перење пари, се кандидира за претседател
 
														Кеико Фуџимори, ќерка на починатиот поранешен перуански претседател Алберто Фуџимори, денес изјави дека ќе се кандидира за претседател на априлските избори во Перу, неколку дена откако уставниот суд на земјата ги отфрли обвиненијата против неа за перење пари.
Поранешната конгресменка Фуџимори се кандидираше на последните три претседателски избори во Перу, завршувајќи втора на секој од нив.
Ова ќе биде првата кампања на Кеико Фуџимори откако нејзиниот татко почина во септември 2024 година, неколку месеци откако беше ослободен од затвор со хуманитарна помилување. Тој отслужи 16 години од 25-годишната казна за кршење на човековите права за време на неговата администрација од 1990 до 2000 година.
Уставниот суд на Перу минатата недела ја отфрли истрагата против Кеико Фуџимори за наводно нелегално финансирање на кампањата во 2011 и 2016 година, пресудувајќи дека обвиненијата за перење пари се додадени во кривичниот законик на Перу во ноември 2016 година и не можат да се применуваат ретроактивно.
Кеико Фуџимори помина речиси 17 месеци во притвор за време на истрагата, соопшти судот.
Во јануари, судот го поништи претходното судење и го врати случајот на истрага. Обвинителите побараа казна од 35 години затвор, тврдејќи дека партијата и соработниците на Кеико Фуџимори добиле до 17 милиони долари од извори, вклучувајќи ја бразилската компанија Одебрехт (сега Новонор) и перуанската финансиска холдинг компанија Кредикорп.
фото: принтскрин


 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											