Свет
Центри за лекување ебола во ДР Конго уништени во напади
Медицинските установи што ги лекуваат жртвите од еболата во Демократска Република Конго ја надградуваат безбедноста по нападите неделава, кои ги принудија пациентите на евакуации и доведоа до затворање два центра за лекување, објави Светската здравствена организација
„По најновиот напад на Бутембо, СЗО и партнерите работат на осигурување на безбедноста на пациентите и на персоналот. Пациентите се префрлени во транзитниот центар на Катва, што СЗО го проширува за да ги смести и лекува овие дополнителни пациенти“, се вели во соопштението.
„Лекари без граници“ и СЗО објавија дека целиот персонал бил неповреден по нападот на 24 февруари во Катва и нападот од 27 февруари во Бутембо.
Во меѓувреме, СЗО објави 77 нови случаи на ебола во изминатите три недели, главно во Катва и Бутембо, примарни здравствени зони за оваа болест, со изолирани случаи во седум други здравствени зони во источниот дел на земјата.
Од 26 февруари во регионот имало 879 случаи на ебола, од кои 499 или 57 отсто биле жени, а 264 или 30 отсто биле деца на возраст под 18 години.
Најголемата епидемија на ебола, во која умреа повеќе од 11.000 луѓе во западноафриканските нации Гвинеја, Либерија и Сиера Леоне, се случи помеѓу декември 2013 и април 2016 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
ИДФ: Петмина израелски војници загинаа, седум се ранети во „пријателски оган“
Петмина израелски војници беа убиени, а седум други беа ранети, од кои тројца потешко, вчера во Џабалија во северниот дел на Газа, кога израелски тенк испука гранати врз нив, по погрешни проценки дека се работи за непријателски сили, соопшти израелската армија.
Според прелиминарната истрага на ИДФ, тенк кој дејствувал заедно со падобранци во кампот Џабалија истрелал две гранати врз зграда во која биле сместени војници во 19 часот по локално време, пишува Тајмс оф Израел.
Тенковите сили пристигнаа во областа во раните утрински часови во средата, а неколку часа подоцна, падобранци пристигнаа во областа и зазедоа позиции во зградата.
Свет
Словачкиот премиер Роберт Фицо повеќе не е во животна опасност, изјави вицепремиерот
Словачкиот премиер Роберт Фицо повеќе не е во животна опасност откако вчера беше застрелан повеќекратно во обид за атентат, изјави вицепремиерот.
Томаш Тараба за Би-Би-Си изјави дека операцијата на Фицо поминала „добро“ и дека на крајот се очекува да преживее.
Претходно министерот за одбрана изјави дека Фицо „се бори за живот“ откако беше тешко повреден во нападот во градот Хандлова.
Осомничениот е уапсен на местото на престрелката.
Министерот за внатрешни работи, Матус Сутај Естока, го опиша како политички мотивиран обид за атентат.
По пукањето, Фицо итно бил пренесен во болница и поминал неколку часа на операција „борејќи се за својот живот“, рече министерот за одбрана Роберт Калинак, кој зборуваше на прес-конференција пред болницата во која Фицо се лекуваше.
Оттогаш нема официјално ажурирање за состојбата на премиерот, но неговиот заменик изјави за Би-Би-Си дека г-дин Фицо „во моментов не е во животна опасност“.
„Колку што знам, операцијата помина добро и претпоставувам дека на крајот ќе преживее“, изјави Тараба.
Тараба додаде дека премиерот бил застрелан „од непосредна близина“ и дека „еден куршум поминал низ стомакот, а другиот го погодил зглобот“.
Свет
Атентат на Роберт Фицо: Министерот за полиција бара свикување на Советот за безбедност на Словачка
Словачкиот министер за внатрешни работи Матус Шутај Ешток денеска ќе побара од вицепремиерот Томаш Тараба да го свика Советот за безбедност на Словачка, по атентатот на премиерот Роберт Фицо.
Министерот за внатрешни работи информираше дека ќе ја зајакне заштитата на политичарите и одредени медиуми, пренесува словачки та3.
Министерот ова го изјави на прес-конференција во болницата каде Фицо беше опериран по вчерашниот атентат во градот Хандлови, во кој беше тешко повреден кога 71-годишниот напаѓач го удри со неколку истрели од непосредна близина.