Свет
ЦИА: Иран сака да ја убие американската амбасадорка во Јужна Африка

Иран размислува за обид за атентат врз американската амбасадорка во Јужна Африка како претпочитан метод на Иран за одмазда за убиството на генералот Касем Сулејмани во јануари, пренесува „Политико“ цитирајќи повеќе извори на разузнавачки служби на САД и документот на ЦИА за глобални закани.
Иако во тоа време Техеран возврати со истрелување ракети врз базите на американската армија во Ирак, американските жртви беа мали, а повеќето израелски и американски разузнавачки служби тогаш изјавија дека веројатно ќе има нови обиди за одмазда.
„Политико“ вели дека американските власти биле свесни за општата закана против амбасадорката Лана Маркс (66) од пролетта. Маркс положи заклетва како амбасадор на САД минатиот октомври. Но, разузнавачките информации за заканата кон неа станаа поконкретни во последните неколку недели, се вели во извештајот, истакнувајќи дека иранската амбасада во Преторија е вклучена во заговорот.
Овој заговор сè уште не е конкретизиран, а Техеран разгледува и други опции за одмазда, стои во извештајот.
Директивата на разузнавачката заедница позната како Duty to Warm бара од американските разузнавачки агенции да ја известат потенцијалната жртва ако разузнавачките информации укажуваат дека нејзиниот живот може да биде во опасност. Ако се таргетирани претставници на американската влада, во нивните брифинзи и безбедносно планирање се додаваат и веродостојни закани. Маркс е информирана, а заканата е внесена во Светскиот разузнавачки преглед на ЦИА.
Иран со децении оперира со тајни мрежи во Јужна Африка, а „Ал џезира“ и „Гардијан“ известуваа за неговата тајна мрежа во 2015 година.
Изворите на „Политико“ велат дека Маркс може да биде цел и поради нејзината наводна блискост со Трамп и поради намалените безбедносни мерки во споредба со Европа, иако Иран таму извршуваше операции во минатото. Нападот на европска почва во овој момент може да ја поткопа и поддршката на ЕУ за позицијата на Иран во нуклеарниот ќор-сокак со САД.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Поради гладување 90.000 жени и деца итно имаат потреба од медицинска интервенција во Газа

Секој трет жител на Појасот Газа со денови не добива храна, предупреди Светската програма за храна (WFP) на Обединетите нации. Во последното соопштение се наведува дека 90.000 жени и деца итно имаат потреба од медицинска интервенција поради тешка неухранетост.
Според Министерството за здравство во Газа, само вчера починале уште девет лица од глад, со што бројот на жртви од неухранетост од почетокот на конфликтот достигна 122.
Израел, кој го контролира влезот на сите залихи во Газа, повторува дека не постои блокада и ја обвинува Хамас за лошата распределба на ресурсите.
Меѓународната заедница, вклучувајќи ги Германија, Франција и Велика Британија, побара итно олеснување на влезот на помошта, а генералниот секретар на ОН Антонио Гутереш остро ја осуди „рамнодушноста и недостигот на човечност“ во глобалниот одговор на кризата.
Регион
Големи пожари беснеат на најмалку пет различни локација во Грција

Во источниот дел на областа Атика, поширокиот регоион на Атина, во северна Грција, на островите Евија и Китира, како и во јужниот дел на Пелопонез, попладнево се активни големи пожари, а од бројот 112 за итни случаи беа испратени низа пораки до жителите на зафатените области.
Во пожарот во централна Евија, изгореа две противпожарни возило, а четворица пожарникари со полесни повреди на рацете и очите и со респираторни проблеми биле префрлени во болница.
Во сите пожари, беа превентивно евакуирани жителите на населените места во непосредна близина на огнената стихија, откако од бројот 112 за итни случаи беа испратени соодветни пораки.
За Атика, Евија и за дел од Пелопонез за денеска имаше предупредување за екстремно голема опасност од пожари, категорија пет, што воедно е и највисоката категорија во прогнозите за опасност од пожари на Министерството за цивилна заштита и климатски кризи на Грција.
Свет
Најмалку 25 лица загинаа во текот на ноќта во нови напади на израелската армија врз Појасот Газа

Најмалку 25 лица загинаа во текот на ноќта во нови напади на израелската армија врз Појасот Газа, во време кога мировните преговори се во застој.
Според здравствени извори, голем дел од жртвите се убиени додека чекале хуманитарна помош во близина на граничниот премин Зиким со Израел. Меѓу загинатите има и четири лица од иста семејна зграда во градот Газа.
Организацијата на Обединетите нации предупреди на ризик од масовна глад во енклавата, и покрај тврдењата на Израел дека не ги блокира доставите на помош. Според ОН, големиот дел од помошта не може да стигне до населението поради воени блокади и грабежи.
Преговорите за прекин на огнот меѓу Израел и Хамас се прекинати, откако американските и израелските преговарачи се повлекоа од Катар. Израелскиот премиер Бенјамин Нетанјаху најави дека се разгледуваат „алтернативни опции“, додека Хамас смета дека повлекувањето било тактика на притисок.