Регион
Ципрас: Подобро да не даваш ветувања ако не си во позиција да ги исполниш

„Подобро да не даваш ветувања ако не си во позиција да ги исполниш“, вели експремиерот на Грција, Алексис Ципрас, во интервју за „Евроактив“. Тој ова го рече во врска со европската перспектива на земјите од регионот и позицијата на ЕУ за Западен Балкан.
„Одлуката на Европската Унија на самитот ја потврдува некредибилноста на Европа кон оние земји што направија многу важни чекори и континуирано се одложува перспективата за датум за пристапни преговори. Подобро да не даваш ветувања ако не си во позиција да ги исполниш“, рече Ципрас.
За кандидатурата на Украина, смета дека овој статус не значи ништо и земјата може да остане да чека со години.
„Мислам дека ова е уште еден пример за неспособноста на Европската Унија во целина да носи колективни одлуки со стратешки фокус. И мислам дека веќе плаќа за тоа и ќе го плати во иднина“, рече Ципрас, меѓу другото.
За ЕУ-перспективата на регионот, Ципрас вели дека „сигурно договорот од Преспа не беше бадијала бидејќи е договор што ги врати Западен Балкан на патека на стабилност и нашиот регион во перспектива на мир и соработка далеку од влијанијата на третите сили во регионот, како што се Турција и Русија, кои имаа големо влијание на регионот“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Невреме во Црна Гора: Сè беше забелено

Невремето што денес ја погоди околината на Колашин во Црна Гора донесе неочекувани сцени за првиот дел од август, сè е покриено како со бела покривка, пишуваат медиумите во регионот.
Сепак, според написите, не станува збор за снег, туку за град што падна низ целата област.
Според проценките, на некои места слојот на град достигнува и до 15 сантиметри.
Овој августовски пејзаж е вистинска реткост во овој дел и не се памети во поновата историја, пренесуваат медиумите.
Дел од скијачките патеки исто така беше покриен со град, а невремето предизвика значителни штети на планинските патишта, што претставува дополнителен предизвик за локалните жители и туристите.
Фото: принтскрин
Регион
Петгодишниот брат ја застрелал малолетната сестра со пушка: децата си играле во семејната куќа во БиХ

Викендов се случил инцидент во БиХ кога петгодишен брат ја застрелал својата малолетна сестра (4) за време на игра.
Обвинителството потврди за Hercegovina.info дека дежурниот обвинител, Јосип Аничиќ, бил информиран за инцидентот и наредил да се спроведе истрага на местото на инцидентот.
– Според моментално достапните информации, братот (5) и сестрата (4) си играле во семејната куќа кога дошло до пукање од воздушна пушка – изјави портпаролката на обвинителството, Петруњела Матијевиќ, за Hercegovina.info, пренесува Srpskainfo.
Таа додаде дека полицајците, по наредба на обвинителот, се во фаза на испрашување на сведоците, со цел да утврдат како пушката се нашла на дофат на децата и кој ја оставил таму.
Според информации на медиумите во регионот, девојчето е добро и стабилно и без сериозни последици.
Фото: Принтскрин
Регион
Поранешниот хрватски премиер, Иво Санадер, излезе од затвор

Иво Санадер, поранешен лидер на ХДЗ и премиер на Хрватска, е ослободен од затвор пред да ја отслужи целата казна. Санадер беше условно ослободен од затворот Липовица откако отслужи две третини од казната, објавија хрватските медиуми.
Како што објасни адвокатот Драган Црнковиќ, исполнети се сите законски услови за поранешниот премиер да биде ослободен. Тој рече дека покрај неговата возраст, една од причините наведени во барањето за ослободување е неговата здравствена состојба, но тоа не се главните причини, забележува тој, туку и фактот дека тој го почитува член 59 од Кривичниот законик. Тој истакнува дека на 15 август 2023 година отслужил половина од казната.
Ќе биде должен да се јавува во полиција секој месец и нема да му биде дозволено да го менува местото на живеење и привременото живеалиште.
На прашањето на новинарите дали тоа значи дека ќе има ограничено движење, тој одговори негативно.
„Не знам, може да го запали автомобилот, да оди во Сплит. Само ако има намера трајно да го промени местото на живеење и живеалиштето, мора да добие дозвола“, објасни адвокатот Црнковиќ.
Фото: ЕПА