Свет
Цијанид пронајден на чашите во луксузен хотел во Бангкок, во кој гостите биле отруени
Тројца мажи и три жени се пронајдени мртви во луксузна хотелска соба во центарот на Бангкок и, како што е откриено, полицијата верува дека причината за смртта е труење со цијанид, чии траги биле пронајдени на чаши и чајник.
Телата биле откриени од персоналот во соба на петтиот кат на хотелот „Гранд Хајат“ откако гостите не се одјавиле од хотелот по повеќе од 24 часа, изјави полицискиот комесар на Бангкок, Тити Саенгсаванг, според Си-ен-ен.
„Скај њуз“ пишува дека четири тела се пронајдени во дневната соба, а две во спалната соба.
Како што претходно беше најавено, полицијата соопшти дека нема ништо што укажува на грабеж и дека на телата нема траги на физичко насилство, туку дека во просторијата се пронајдени чаши со траги од бел прашок и недопрена храна, која била нарачана порано, па полицијата се сомнева и на труење.
Полицискиот генерал-полковник и началник на форензичкиот оддел, Траиронг Пивпан, на прес-конференцијата изјави дека убиствата ги извршил еден од гостите.
„Кога персоналот донел чаши и две шишиња топла вода, млеко и чајници, некои од случајните минувачи полеале цијанид“, рече тој.
Првите резултати од обдукцијата се очекуваат утре.
Властите во моментот трагаат по седмото лице, кое било еден од гостите на хотелот и сега е можно осомничено.
Познато е дека меѓу жртвите има и двајца американски државјани.
Американскиот Стејт департмент соопшти дека е запознаен со случајот и дека се истражува.
„Секогаш кога американски државјанин ќе умре во странска земја, локалните власти се одговорни за утврдување на причината за смртта. Ние често соработуваме со локалните власти кога станува збор за смртта на американските граѓани, така што тоа ќе биде случај и сега“, изјави портпаролот на Стејт департментот, Метју Милер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Крај на драмата во Шпанија: мажот што ги избоде родителите пренесен во болница
Четириесетгодишен маж, кој се забарикадирал во населбата Сан Адријан во Билбао, откако ги избоде родителите, се фрли од балконот. По падот бил префрлен во затворската болница.
Двете постари лица, родители на дотичниот маж, рано попладне биле пренесени на лекување, пренесе Ел Мундо.
Според шпанскиот портал, мажот за кој се претпоставува дека е на психолошки третман, а кој ги нападнал родителите, а потоа скокнал од балкон, утрово доживеал необична несреќа кога со своето возило паднал од четврти кат на паркингот на аеродромот во Лоиу.
Автомобилот бил пронајден уништен, но возачот исчезнал без трага до моментот на нападот.
Свет
Папата ги критикуваше Харис и Трамп, на католиците им порача: Мора да го изберете помалото зло
Папата Франциско го критикуваше поранешниот американски претседател Доналд Трамп за неговиот план да депортира милиони имигранти и американската потпретседателка Камала Харис за поддршката на правата за абортус.
На прашањето за американските претседателски избори на летот од Сингапур до Рим, папата Франциско рече дека неприфаќањето мигранти е „тежок“ грев, а абортусот го спореди со „убиство“.
Тој рече дека американските католици ќе мора „да го изберат помалото зло“ на изборите во ноември.
Франциско им зборуваше на новинарите по исцрпувачката 12-дневна турнеја низ Југоисточна Азија и Океанија. Иако Папата не ги спомна Трамп и Харис по име, тој посебно се осврна на нивната политика. И покрај тоа што ги критикуваше двајцата кандидати, тој рече дека католиците треба да гласаат на изборите.
„Треба да го изберете помалото зло. Кој е помалото зло? Таа дама или тој господин? Не знам. Секој со совест (мора) да размислува и да го направи тоа“, рече 87-годишниот папа Франциско.
Тој претходно ја критикуваше антиимигрантската реторика на Трамп. Во 2016 година, Папата рече дека Трамп „не е христијанин“ во своите ставови.
А денеска рече дека политиките на двајцата кандидати е „против животот“.
„Без разлика дали е тој што протерува мигранти или тој што убива деца. И двајцата се против животот“, рече папата Франциско.
Регион
(Фото) Грчки нуркачи го чистеа морето кај Солун, пронајдоа „цел возен парк“
Тим од 20 нуркачи волонтери го чистеа брегот кај Солун и извлекоа неочекуван „улов“ од водата: цела флота возила, наведуваат на страницата Никана.гр.
„Дваесет нуркачи волонтери, со помош на други членови на тимот и механизација, го чистеа брегот кај Солун на потегот од Белата кула до првото пристаниште. Како што можете да видите на сликите, „фатен е“ цел арсенал на превозни средства“, скутери, велосипеди, па дури и помали мотори. Им честитаме на волонтерите и секако ги поддржуваме ваквите акции кои придонесуваат за почиста морска средина“, беше наведено заедно со фотографии од местото на настанот.
Многумина беа шокирани, на луѓето не им е јасно како и зошто сето ова се нашло на морското дно, а објавата брзо стана вирална како предупредување за околината.