Свет
Чарлс Трети бара менаџер на градина, платата е 46.000 евра годишно

Кралот Чарлс Трети бара менаџер на градината во Бакингемската палата, кој ќе биде платен 40.000 фунти или нешто повеќе од 46.000 евра годишно.
Познато е дека кралот е страстен љубител на природата, екологијата, руралниот живот и на градинарството. Иако многумина мислеа дека приказната за разговорот на Чарлс со растенијата е само озборување за да се прикаже како ексцентричен англиски џентлмен, тој навистина беше. Додека сè уште беше принц од Велс, двапати го спомна во интервјуа за медиумите, првиот пат во 1986 година и повторно во 2012 година, пишува „Јутарњи“.
„Застанувам и разговарам со нив, навистина. Многу е важно да разговарате со растенијата и тие да одговорат“, рече тој.
Затоа во огласот бараат некој што „страсно сака растенија“ да работи 39 часа неделно.
Во огласот на кралската веб-страница се вели:
„Како менаџер на градината, вие ќе бидете одговорни за одржување и презентирање на градините на Бакингемската палата на исклучителни стандарди. Ќе бидете горди кога ќе видите илјадници луѓе како уживаат во нив на забавите во градината“.
Работниот распоред на градинарот ќе вклучува одржување на тревникот и грижа за живата ограда и за цвеќињата, особено розите. На кандидатите им беше кажано и дека ќе бидат исклучително важни во идното обликување на кралските градини, гласи огласот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Руски научници развија ново соединение за борба против ракот

Експерти од Државниот универзитет во Мари и Федералниот истражувачки центар „Уфа“ при Руската академија на науките развија ново хемиско соединение што би можело да стане основа за создавање иновативни лекови против тумори, објави Министерството за наука и образование на Русија.
Ова соединение дејствува селективно на туморските клетки, речиси без да ги оштети здравите клетки, а неговата молекуларна структура комбинира фенотијазинска и трифенилфосфониумска група.
Благодарение на оваа комбинација соединението ја таргетира слабата точка на туморските клетки – митохондриите и ја нарушува нивната работа, објавува „РИА новости“.
„Резултатите од истражувањето покажаа дека новото соединение ефикасно го потиснува растот на разни малигни клетки, вклучувајќи рак на црниот дроб, аденокарцином на белите дробови, колоректален карцином и леукемија. Активноста се манифестира дури и при ниски концентрации, што го прави соединението особено ветувачко за развој на лекови“, рече Константин Белослудцев, доктор по биолошки науки и проректор за иновации на Државниот универзитет во Мари, објавува „Танјуг“.
Како дополнителна предност, Белослудцев ја истакна едноставноста на синтезата на соединението, што овозможува негово производство во доволни количини за претклинички и клинички испитувања. Овие студии се спроведени во рамките на програмата „Приоритет 2030“, пренесува медиумот.
Свет
Стаб: Се надевам дека кај Трамп набргу ќе го снема трпението за Путин

Финскиот претседател Александар Стаб денес изјави дека се надева дека трпението на американскиот претседател Доналд Трамп со рускиот претседател Владимир Путин наскоро ќе исчезне и додаде дека европските земји ќе продолжат да се залагаат за траен мир во Украина.
Според него, единствениот начин да се принуди Путин да ја заврши војната во Украина е преку неговите сојузници, со проценка дека оние кои можат да го убедат рускиот претседател да постигне примирје се на Истокот, објавува „ Ile“.
Финскиот претседател, исто така, рече дека го предупредил Трамп дека Путин користи „типични руски тактики на одложување“ за да избегне средба со украинскиот претседател Володимир Зеленски.
Фото: принтскрин
Свет
Мерц: Германија нема да ја признае палестинската држава на Генералното собрание на ОН

Германскиот канцелар Фридрих Мерц денес изјави дека Германија нема да се придружи на иницијативата на западните сојузници за признавање на палестинската држава на Генералното собрание на Обединетите нации следниот месец.
Мерц го објави ова на заедничка прес-конференција со канадскиот премиер Марк Карни, кој минатиот месец изјави дека Канада планира да ја признае државата Палестина на Генералното собрание по слични најави од Франција и Велика Британија, пренесува „Ројтерс“.
„Ставот на федералната влада е јасен во врска со евентуалното признавање на државата Палестина. Канада го знае тоа. Ние нема да се придружиме на оваа иницијатива. Не гледаме дека условите се исполнети“, рече Мерц.
Фото: принтскрин