Свет
Четвртина од новите случаи на коронавирус во Италија се странци
 
																								
												
												
											Италијанскиот министер за регионални работи, Франческо Боча, ненамерно откри дека речиси четвртина од новите случаи на коронавирус во Италија се од странско потекло по изјавата дека 75 отсто од случаите биле Италијанци заразени од Италијанци, пренесува „Ил џирнаке“.
Министерот Боча ги откри информациите додека се обидуваше да ги смири Италијанците загрижени дека неодамнешниот бран мигранти, кој од Северна Африка може да ја рашири болеста и да доведе до нов бран на појава на коронавирус.
„75 отсто од позитивните случаи се Италијанци заразени од други Италијанци. Што се однесува до позитивните странци кои се спасени на море, сите се подложени на тестови и брисови и многу од нив веднаш заминуваат“, рече Боча посочувајќи дека преостанатите 25 отсто се странци или Италијанци заразени од странци.
Во последните неколку недели бројот на нови пристигнувања на мигранти во Јужна Италија се зголеми, пред сè, во Сицилија и на островот Лампедуза, каде што беше објавено дека пристигнува во просек по еден мигрантски брод на час.
Во Центарот за мигранти на островот, кој има капацтет за 95 лица, во моментот живеат 950 лица, а градоначалникот на Лампедуза, Тото Мартело, прашува зошто владата не прогласи вонредна состојба.
Минатата недела повеќе 130 мигранти, кои биле испратени во северна Италија, биле позитивни на коронавирусот по тестирањето во Центарот за прием на мигранти во Тревизо. Неколку центри за мигранти се ставени во карантин по откривањето позитивни случаи, но многу мигранти направиле обиди да избегаат, дел од нив успешно.
Во неделата, во мигрантски центар во Удине, избувнаа немири кога мигрантите насилно протестираа против карантинот наметнат во центарот. Протестите продолжија во понеделникот, при што мигрантите палеа душеци и фрлаа камења врз пожарникарите, кои се обидоа да ги изгаснат пожарите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
 
																	
																															Свет
По 48 години бегство, пензионер уапсен во Италија поради убиство во Египет
 
														По речиси половина век бегство, италијанската полиција уапси 71-годишен Австриец осомничен за убиство извршено во Египет во 1977 година, објави австрискиот портал „Кроне“.
Тој, тогаш 23-годишен, заедно со својот татко учествувал во спор околу земјиште што завршил со пукање и убиство на познаник пред нивната куќа. По злосторството избегал во Австрија, каде добил државјанство, додека египетски суд го осудил во отсуство на пет години затвор за нанесување тешки телесни повреди со смртна последица.
За него со години постоела меѓународна потерница на Интерпол. Минатата недела бил препознаен во хотел во италијанскиот град Савона, откако се пријавил со својата патна исправа. Откако првично успеал да побегне, неколку дена подоцна се вратил во истиот хотел, каде полицијата му поставила заседа и го уапсила.
Сега се наоѓа во затворот Мараси во Џенова и чека да биде испорачан во Египет.
Свет
Обединетите Нации: Нуклеарните тестови никогаш не треба да се дозволат под никакви околности
 
														Нуклеарните тестови никогаш не треба да бидат дозволени под никакви околности, изјави портпаролот на генералниот секретар на ОН, Антонио Гутереш, цитиран од АФП.
Ставот на светската организација доаѓа откако американскиот претседател Доналд Трамп објави дека САД ќе продолжат со тестирање на ново нуклеарно оружје.
„Генералниот секретар постојано изјавуваше дека моменталните нуклеарни ризици се веќе алармантно високи. Мора да се избегнува секоја акција што би можела да доведе до погрешна пресметка или ескалација со катастрофални последици“, нагласи портпаролот.
„Не смееме да го заборавиме катастрофалното наследство од повеќе од 2.000 нуклеарни тестови спроведени во текот на изминатите 80 години. Нуклеарните тестови никогаш не треба да бидат дозволени под никакви околности“, додаде тој.
Претседателот на Соединетите Американски Држави, Доналд Трамп, претходно објави дека издал наредба до Пентагон веднаш да продолжи со тестирањето на нуклеарно оружје.
Трамп ја оправда својата наредба велејќи дека другите нуклеарни сили одамна ги продолжиле тестирањата на своето оружје.
Русија, која има најголем нуклеарен арсенал – неколку стотици боеви глави повеќе од САД – и Кина реагираа со претпазлива критика на изјавата на Трамп.
Пекинг не тестирал нуклеарно оружје од 1996 година, Америка од 1992 година, а Русија од 1990 година.
Свет
Ќерката на поранешниот перуански претседател обвинета за перење пари, се кандидира за претседател
 
														Кеико Фуџимори, ќерка на починатиот поранешен перуански претседател Алберто Фуџимори, денес изјави дека ќе се кандидира за претседател на априлските избори во Перу, неколку дена откако уставниот суд на земјата ги отфрли обвиненијата против неа за перење пари.
Поранешната конгресменка Фуџимори се кандидираше на последните три претседателски избори во Перу, завршувајќи втора на секој од нив.
Ова ќе биде првата кампања на Кеико Фуџимори откако нејзиниот татко почина во септември 2024 година, неколку месеци откако беше ослободен од затвор со хуманитарна помилување. Тој отслужи 16 години од 25-годишната казна за кршење на човековите права за време на неговата администрација од 1990 до 2000 година.
Уставниот суд на Перу минатата недела ја отфрли истрагата против Кеико Фуџимори за наводно нелегално финансирање на кампањата во 2011 и 2016 година, пресудувајќи дека обвиненијата за перење пари се додадени во кривичниот законик на Перу во ноември 2016 година и не можат да се применуваат ретроактивно.
Кеико Фуџимори помина речиси 17 месеци во притвор за време на истрагата, соопшти судот.
Во јануари, судот го поништи претходното судење и го врати случајот на истрага. Обвинителите побараа казна од 35 години затвор, тврдејќи дека партијата и соработниците на Кеико Фуџимори добиле до 17 милиони долари од извори, вклучувајќи ја бразилската компанија Одебрехт (сега Новонор) и перуанската финансиска холдинг компанија Кредикорп.
фото: принтскрин


 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											