Свет
Човек жив изеден од бубачки во затвор: „Ќелијата во која беше сместен не беше погодна ниту за животно“

Човек кој починал во затворската ќелија во Атланта бил „жив изеден од инсекти и бубачки“, тврди адвокатот на семејството.
Лашаун Томпсон бил казнет за ситен прекршок и сместен во психијатриското крило на затворот во округот Фултон, откако официјалните лица го прогласија за ментално болен. Тој не беше осуден за делото.
Адвокатот на семејството објави фотографии на кои се гледа телото на г-дин Томпсон преполно со бубачки и повика на кривична истрага.
„Томпсон беше пронајден мртов во валкана затворска ќелија откако беше жив изеден од инсекти и бубачки. Затворската ќелија во која бил сместен не била погодна за болно животно. Тој не го заслужи ова“, изјави адвокатот на новинарите и изјави дека судскиот процес е во тек.
A 35-year-old man died inside of a filthy Georgia jail cell after being “eaten alive” by insects and bed bugs. He was held in this disgusting cell for 3 months.
Allegedly jail staffers noticed that he was “deteriorating” but did nothing to help him. pic.twitter.com/A188iAhfj6
— Daily Loud (@DailyLoud) April 14, 2023
Според извештајот на медицинскиот преглед на округот Фултон, починатиот Томпсон бил пронајден во неговата затворска ќелија на 19 септември 2022 година- три месеци по неговото апсење – и бил прогласен за мртов по напорите на локалната полиција и медицинскиот персонал да го реанимираат.
Адвокатот вели дека затворските досиеја покажуваат дека затворските службеници и медицинскиот персонал забележале дека состојбата на Томпсон се влошува, но не направиле ништо за да му пружат помош или на друг начин да му помогнат, пренесува Би-Би-Си.
Во извештајот на лекарот беше наведено дека во неговата ќелија во психијатриското одделение имало „тешка наезда од бубачки“, но се вели дека на телото на Томпсон нема очигледни знаци на траума, па затоа во извештајот е наведена причината за смртта како неутврдена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Кина ги укинува царините за увоз на етан од САД

Кина ја укина царината од 125 проценти за увоз на етан од Соединетите Американски Држави, која беше воведена претходно овој месец, дознава Ројтерс од два извори запознаени со ситуацијата.
Оваа одлука ќе го намали притисокот врз кинеските компании кои увезуваат американски етан за потребите на петрохемиската индустрија и ќе овозможи понатамошен пласман на овој природен гас, според Ројтерс.
Меѓу кинеските увозници на етан се „Сателит Кемикал“, „СП Кемикалс“, „Синопек“, „Санџијанг Фајн Кемикал“ и „Ванхуа Кемикал Груп“, додека клучните американски извозници се „Ентерпрајз Продактс Партнерс“ и „Енерџи Трансфер“.
Според американската Администрација за енергетски информации (EIA), Кина купува речиси половина од целиот извоз на етан од САД.
Кина претходно овој месец ги зголеми царините за увоз на американски производи, вклучувајќи го и етанот, на 125 проценти како одговор на одлуката на американскиот претседател Доналд Трамп да воведе дополнителни царини за кинески стоки.
Изворите велат дека царинската давачка за етан е укината во последните неколку дена.
Европа
(Видео) Пукање во Шведска, најмалку тројца убиени

Најмалку три лица се убиени во пукотница во фризерски салон во градот Упсала, потврди шведската полиција. Полицијата соопшти дека добила повеќе пријави од граѓани кои пријавиле истрели во близина на плоштадот Ваксала во центарот на градот.
Пукањето се случило во пресрет на Валпургиската ноќ, традиционален пролетен фестивал кој привлекува голем број луѓе на улиците секоја година. Според полицијата, неколку лица биле пронајдени со повреди што укажуваат на прострелни рани.
Shocking news from Uppsala-Sweden
Multiple fatalities in a shooting at Vaksala Square. Police confirm several injured, TV4 reports more victims deceased. Serious incident unfolding. #UppsalaShooting pic.twitter.com/nGPTd05Tmw— Niyak Ghorbani (نیاک) (@GhorbaniiNiyak) April 29, 2025
Шведските медиуми јавуваат дека маскираниот убиец избегал со електричен скутер и дека е во тек голема потрага, вклучувајќи го и учеството на полициски хеликоптер.
Голем дел од областа е ограден, а истрагата е во тек. Портпаролот на полицијата, Магнус Јансон Кларин, за локалните медиуми изјави дека добиле повеќе пријави за истрели во областа.
Идентитетите на жртвите и напаѓачот засега не се познати, ниту пак мотивот за нападот.
Европа
Пациент во Полска уби лекар среде болница, бил незадоволен од третманот

Пациент во болница во Полска, незадоволен од начинот на кој бил лекуван таму, избодел лекар кој подоцна им подлегнал на повредите, соопшти денес Министерството за здравство. Полицијата извести дека осомничениот утрината упаднал на Одделот за ортопедија на Универзитетската болница во Краков и влегол во ординацијата каде што биле докторот и неговиот пациент.
Мажот неколку пати со остар предмет го избодел лекарот, ортопедски хирург, во стомакот. Иако повеќе од 20 колеги и медицински сестри веднаш се обиделе да му пружат помош на докторот, тој им подлегнал на тешките повреди.
Обезбедувањето на болницата го совладало напаѓачот, а потоа тој е приведен.
Директорот на болницата, Марцин Једриховски, за новинската агенција ПАП изјави дека пациентот нападнал лекар во болницата каде што претходно бил лекуван бидејќи не бил задоволен од третманот, а претходно поднел жалба против болницата до омбудсманот за права на пациентите.
Сепак, инспекцијата не открила никакви грешки во методот на лекување. Полската министерка за здравство Изабела Лешчина изјави дека е згрозена од нападот.