Контакт

Свет

Човек заразен од птичји грип по контакт со крава, реагираат експертите: „Внимателно ја следиме ситуацијата“

Објавено пред

Помалку од една недела откако болните говеда во американските сојузни држави Тексас и Канзас беа позитивни на птичји грип, официјални лица од државата Тексас објавија дека едно лице се заразило со вирусот кога дошло во близок контакт со заразени крави.

dobivaj vesti na viber

Ова е втор случај на птичји грип Х5Н1 во САД, а последниот беше пред две години. Според експертите, ризикот за луѓето е сè уште низок, а тестовите и анализите се во тек, пишува „Њујорк тајмс“.

Птичјиот грип спаѓа во групата вируси на грипот, кои примарно се приспособени на птиците. Х5Н1 првпат беше идентификуван во 1996 година кај гуски во Кина, а кај луѓето во Хонг Конг една година подоцна.

Оваа година извештаите за крави заразени од птичји грип почнаа да се појавуваат во Тексас и Ново Мексико. Најмалку едно лице во Тексас е дијагностицирано со птичји грип по сомневање за контакт со заразени крави, соопштија во понеделник државните власти.

Постојат разни начини на кои вирусот можел да го најде својот пат до добитокот. Експертите наведуваат дека, најверојатно, заразени диви птици ја контаминирале храната или водата што ја консумирала стоката. Засега нема знаци дека вирусот доволно напреднал за лесно да се шири меѓу луѓето, рекоа федералните власти.

Примарниот симптом на пациентот бил конјунктивитис, а тој сега се лекува со антивирусни лекови и добро закрепнува, велат од Центарот за контрола и превенција на болестите.

Министерството за земјоделство ги објави првите случаи на стада во Тексас и Канзас минатата недела, а неколку дена подоцна и во стадо во Мичиген. Прелиминарното тестирање сугерира дека кравите во Ново Мексико и Ајдахо исто така може да бидат заразени.

Центрите за контрола и превенција на болестите соработуваат со државните здравствени оддели за да ги следат луѓето кои можеби биле во контакт со заразени птици и животни, соопшти Центарот во понеделникот.

Тие исто така ги повикуваат луѓето да избегнуваат изложеност на болни или мртви птици и животни и потенцијално заразени материјали. Прашањето што се поставува е дека за самото ширење на болеста можно е кравите сами да го добијат вирусот, особено ако заедничката храна или вода се контаминирани.

Сепак, загрижува можноста вирусот да се шири од крава на крава. Научниците наведуваат дека не би биле изненадени доколку нема степен на пренос од крава на крава бидејќи, како што вели Грегори Греј, епидемиолог за заразни болести на медицинскиот оддел при Универзитетот во Тексас, не гледа друг начин на ширење на вирусот толку бргу, пренесува „Јутарњи лист“.

Преносот на вирусот од крава на крава лесно може да доведе до поголеми, подолготрајни епидемии. Исто така, ќе му даде на вирусот повеќе можности да се приспособи на своите домаќини зголемувајќи го ризикот да мутира и да стане опасен за луѓето.

Научниците и другите експерти будно ја следат ситуацијата и засега се чини дека нема способност ефективно да се шири меѓу луѓето.

Свет

(Видео) Торнада и бури ги погодија САД: затворени училишта, превртени автомобили…

Објавено пред

Силни бури и торнада ги опустошија југот и средниот запад на САД, при што загинаа најмалку седум лица. Беа урнати далноводи и дрвја, уништени се домови и превртени се автомобили во неколку сојузни држави, пишува „Гардијан“.

dobivaj vesti na viber

Невремето, придружено со серија торнада, предизвика најмалку седум смртни случаи во Тенеси и во Мисури, а се очекува бројот на жртвите да расте. Една од идентификуваните жртви е 68-годишниот Гери Мур, началник на пожарникарите од округот Кејп Жирардо, Мисури. Заедно со загинатите, повредени се најмалку дванаесет лица.

Белата куќа го одобри барањето на Тенеси за прогласување вонредна состојба бидејќи зголемените поплави му се закануваат и на главниот град Нешвил. Индијана исто така прогласи вонредна состојба. Властите активираа 50 припадници на Националната гарда поради моќното невреме што погоди 41 округ во државата.

„Во вакви моменти јас сум им неверојатно благодарен на војниците што се на терен и ги чуваат граѓаните на Индијана безбедни“, рече гувернерот Мајк Браун. Бурата се движи кон исток откога остави повеќе од 213.000 дома без струја – од Тексас до Охајо.

Националната метеоролошка служба издаде предупредување за висок ризик од пороен дожд за делови од Арканзас, Тенеси и Кентаки, каде што се очекуваат големи поплави во следните два дена. Десетици предупредувања за торнадо и предупредувања за силни грмотевици беа издадени во Арканзас, Илиноис, Индијана, Мисури и во Мисисипи прексиноќа. „Ова е животозагрозувачка ситуација, веднаш побарајте засолниште“, се предупредени граѓаните.

Во Мисури, според полициските соопштенија, загинало најмалку едно лице, а извештаи за голема материјална штета доаѓаат од неколку држави. Во Лејк Сити, Арканзас, куќи се срамнети со земјата, откорнати се дрвја и превртени се автомобили.

Во делови на Тенеси на жителите им беше наредено да не ги користат патиштата поради големи количества отпад. Неколку училишни области ги затворија училиштата или најавија премин на онлајн-настава поради очекуваното невреме, јавува „Ведр ченл“.

Гувернерот на Тенеси, Бил Ли, вчера ги обиколи погодените области и рече дека е премногу рано да се даде конечна бројка на загинати бидејќи потрагата сè уште е во тек. Ретко предупредување за торнадо беше издадено прексиноќа во областа околу Блитвил, Арканзас, кога беше откриено дека торнадото исфрлило остатоци до височина до 7.600 метри.

„Можам да кажам дека ситуацијата во тие области, особено наутро кога ќе се раздени, ќе биде навистина страшна“, рече метеорологот на Националната метеоролошка служба, Чели Амин, за „Асошиетед прес“.

Прикажи повеќе...

Свет

(Видео) Авион се урна покрај автопат во САД, има загинати

Објавено пред

Има сомнежи дека две лица загинале во мал авион што се урнал во јужниот дел на американската сојузна држава Луизијана, соопштија властите.

dobivaj vesti na viber

Авионот вчера околу 20 часот и 30 минути по локално време, паднал во мочурлив простор во близина на автопатот, а причината за уривањето ја утврдуваат Националниот одбор за безбедност на транспортот и Федералната управа за авијација, пренесува АП.

До утрото, официјалните лица стигнаа до урнатините, а голем дел од авионот со двете лица бил под вода.

Официјален претставник на канцеларијата на шерифот ги потврди медиумските извештаи за Асошиетед прес дека и двете лица се претпоставува дека се мртви.

Прикажи повеќе...

Свет

Венс за падот на берзата: Беше тоа само еден лош ден, ќе имаме бум

Објавено пред

Американскиот потпретседател Џеј Ди Венс изјави за Newsmax дека вчерашниот пад на берзата, најголем од 2020 година, е само еден лош ден.

dobivaj vesti na viber

„Но, долго време ќе имаме бум на берзата, бидејќи повторно инвестираме во САД“, рече тој.

Потпретседателот нагласи дека владата сака Волстрит да работи успешно: „Но она што ни е најважно се американските работници и американските мали бизниси. Тие се оние кои ќе имаат најголема корист од овие политики“.

Венс, исто така, рече дека воведените царини можеле да бидат многу повисоки, но дека Трамп се обидува да испрати порака дека САД ќе бидат донекаде попустливи.

Прикажи повеќе...

Најново

Македонија6 минути

Од први април му откажаа бубрезите, 40 отсто од телото му беше со изгореници, Таравари потврди дека во Литванија почина управителот на дискотеката „Пулс“

инистерот за здравство Арбен Таравари утрово потврди дека на повредите од пожарот во Кочани во Литванија, каде што беше на...

Македонија1 час

Уште една жртва од пожарот во Кочани, почина управителот на дискотеката „Пулс“

По неколкунеделно лекување, почина Александар Карадакоски, управител на „ММММ кафе“ ДООЕЛ, која управувала и со дискотеката „Пулс“, во која животот...

Македонија2 часа

ДУИ: Дали новиот општествен договор е антипод на Охридскиот договор и почеток на реформатирање на уставниот модел на државата?

„Како е можно лидерска средба за таканаречен „нов општествен договор“ да се одржи меѓу првопласираната и третопласираната партија на изборите?...

Македонија2 часа

„Во буџетот обезбедивме 17 милијарди денари за зголемување на пензиите и за здравствено осигурување на пензионерите“, велат од Владата

„Грижата за пензионерите е приоритет на Владата. Пензионерите, конечно, го добија заслуженото. Линеарното зголемување на пензиите за 5.000 денари на...

Македонија2 часа

(Фото) Голем одрон на регионалниот пат Струмица – Костурино – Валандово

„Голем одрон на регионалниот пат Струмица-Костурино-Валандово“, извести градоначалникот на Струмица, Костадин Костадинов преку социјалните мрежи. Тој ги повика граѓаните да...

Свет3 часа

Венс за падот на берзата: Беше тоа само еден лош ден, ќе имаме бум

Американскиот потпретседател Џеј Ди Венс изјави за Newsmax дека вчерашниот пад на берзата, најголем од 2020 година, е само еден...

Свет3 часа

Данската премиерка за Америка: „Не можете да анектирате друга земја, дури и со аргументот за меѓународна безбедност“

Премиерката на Данска Мете Фредериксен вчера повторно ги отфрли повиците на американскиот претседател Доналд Трамп за анексија на Гренланд. Трамп...

Свет4 часа

Трамп: Случајот против Марин Ле Пен е лов на вештерки

Американскиот претседател Доналд Трамп денеска и понуди поддршка на лидерката на француската екстремна десница, Марин Ле Пен, откако судот во...

Свет4 часа

Историска одлука: Уставниот суд го смени претседателот на Јужна Кореја

Уставниот суд на Јужна Кореја одлучи да го смени претседателот Јун Сук Јеол, потврдувајќи го неговото отповикување во парламентот поради...

Свет4 часа

Трамп: Маск може да остане колку сака, но ќе се врати во своите компании

Американскиот претседател Доналд Трамп доцна синоќа повторно го поддржа својот советник, милијардерот Илон Маск, поради критиките за неговиот план за...

Македонија13 часа

„Стабилна е здравствената состојба на осумтемина македонски пациенти“: Сиљановска-Давкова ги посети во Софија

Претседателката Гордана Сиљановска-Давкова објави дека ја посетила болницата „Пирогов“ во Софија каде што се згрижени повредените во трагичниот пожар во...

Македонија19 часа

(Видео) Мицкоски и Филипче договориле формирање на работни групи

Премиерот Христијан Мицкоски и лидерот на СДСМ, Венко Филипче, на состанокот во Владата договориле формирање на работни групи за спроведување...

Македонија21 час

Најниската плата во здравството се искачи на 27.000 денари, толку ќе земаат чистачите

Со линеарното зголемување од 2.500 денари најниската плата во здравство изнесува нешто над 27.000 денари, соопшти денес директорот на Фондот...

Македонија21 час

(Видео) Токсично загадување на Крива Река, водата да не се употребува ни за наводнување, порача градоначалникот Митковски

Врз основа на анализата направена од Институтот за јавно здравје на барање на риболовното друштво „Мрена“, водата во Крива Река...

Македонија22 часа

Семејствата на жртвите oд модуларната болница повикаа да се обнови истрагата, а германското вештачење да биде клучен доказ

Семејствата на жртвите од пожарот во модуларната болница во Тетово побараа Обвинителството да ја обнови истрагата. На прес-конференција пред Основниот...

Македонија23 часа

Тошковски не кажа како службена тајна завршила кај обезбедувачот на премиерот за да не ја осуети истрагата

Министерот за внатрешни работи Панче Тошковски и утрово порача дека неселективно ќе се бори против криминалците и кога тие доаѓаат...

Македонија23 часа

Се гони и таткото на возачот што ја усмрти Фросина: му го давал возилото, а знаел дека нема возачка дозвола

Обвинителството поднесе обвинение и за таткото на Васил Јованов, кој ја усмрти Фросина Кулакова прегазувајќи ја на 29 јануари на...

Македонија24 часа

Активистите бараат итно да се спречи изградбата на хотел на „Горица 3“: „Се гради противзаконски“

Активистите на граѓанската иницијатива „Охрид СОС“ и еколошкото здружение на граѓаните „Фронт 21/42“ преку отворено писмо побараа од надлежните институци...

Македонија1 ден

Трамп воведе царина од 33 отсто за Македонија, највисока во регионот за Србија

Помеѓу повеќето од 180-те земји и територии погодени од одлуката на американскиот претседател Доналд Трамп за реципрочна царина се и...

Свет1 ден

Бројот на загинати во Мјанмар се искачи на 3.003, несезонските дождови ги отежнуваат спасувачките напори

Бројот на жртвите од разорниот земјотрес во Мјанмар надмина 3.000, а стотици сè уште се водат за исчезнати бидејќи се...