Многу луѓе во и околу италијанскиот град Неапол ја поминаа ноќта на улиците или во своите автомобили поради земјотресот. Италијанските сеизмолози известија дека земјотресот со јачина од 4,4 степени според Рихтеровата скала се случил во 01:25 часот по локално време на исклучително мала длабочина од три километри.

Во делови од Неапол имаше прекин на струја. Во блискиот град Поцуоли, недалеку од епицентарот на земјотресот, едно повредено лице е извлечено од делумно урната куќа. Неапол се наоѓа во Флегрските полиња, вулкански басен што ја прави областа во јужна Италија подложна на земјотреси.

A 4.4 magnitude earthquake destroyed homes in Naples, #Italy. #Naples #Italy #terremoto #earthquake #Sismo #deprem pic.twitter.com/PjTZvtkJGf

— Chaudhary Parvez (@ChaudharyParvez) March 13, 2025

Најсилниот земјотрес беше проследен со најмалку два послаби последователни потреси. Беа видени луѓе како ги напуштаат своите домови и се собираат на улиците на Неапол, стравувајќи од дополнителни земјотреси. Подоцна се појавија фотографии на кои се гледа оштетена куќа и автомобил со скршено ветробранско стакло.

A 4.4 magnitude earthquake destroyed homes in Naples, #Italy. #Naples #Italy #terremoto #earthquake #Sismo #deprem #CampiFlegrei #Napoli #terremoto #Napoles
#Pozzuoli pic.twitter.com/i5uXq5H0LA

— Chaudhary Parvez (@ChaudharyParvez) March 13, 2025

Формиран е координативен центар за спасување за проценка на штетите. Неколку училишта денеска ќе останат затворени за да може да се проверат стабилноста на зградите, објави весникот „Кориере дела сера“.

Откако во понеделникот двајца британски функционери беа протерани од Русија, Обединетото Кралство им ја укина акредитацијата на руски дипломат и неговата сопруга и тие сега ќе мора да ја напуштат земјата, јавува Би-би-си.

Во последниот од серијата реципрочни потези, британското Министерство за надворешни работи соопшти дека презема „итна реципрочна акција“ откако Москва обвини британски дипломат и неговата сопруга за шпионажа.

Министерството за надворешни работи во соопштение ја обвини Русија дека ги фабрикува наводите „за да го оправда зголеменото вознемирување на британските дипломати“ и „активно се обидува да принуди затворање на британската амбасада во Москва“.

Рускиот амбасадор во Обединетото Кралство Андреј Келин вчера бил повикан кај висок претставник на Министерството за надворешни работи, се вели во соопштението.

Службеникот „јасно стави до знаење дека Обединетото Кралство нема да толерира заплашување на персоналот на британската амбасада и нивните семејства“ и дека поради тоа се одзема акредитацијата на рускиот дипломат и неговата сопруга. Акредитацијата е признавање на дипломатскиот статус од страна на владата.

Британското Министерство за надворешни работи ја обвини Москва дека спроведува „сè поагресивна и координирана кампања за вознемирување на британските дипломати“ и „ширење злонамерни и целосно неосновани наводи за нивната работа“ во текот на 12 месеци, јавува Би-Би-Си.

Во соопштението се вели дека Русија се обидува да ја принуди британската амбасада во Москва да се затвори и дека Русија „не се грижи за опасниот ескалирачки ефект од ова“.

Британската влада верува во „одржување дипломатски канали за комуникација“ со Русија, „и покрај екстремно тешките билатерални односи предизвикани од нелегалната инвазија на Русија на Украина и нејзината долготрајна кампања на непријателски дејствија против Обединетото Кралство“, се додава во соопштението.

Рускиот претседател Владимир Путин постави задача конечно да ги порази украинските вооружени сили во регионот Курск во најкус можен рок, пренесува руската државна новинска агенција Тасс.

„Навистина, наша задача во блиска иднина, во најкус можен рок, е конечно да го победиме непријателот кој се вкопал на територијата на регионот Курск и врши воени операции овде“, рече рускиот претседател на состанокот што го одржа во една од командните пунктови во пограничната област.

While dressed in a military uniform, Vladimir Putin met with CGS Valery Gerasimov at a command post to discuss the situation in Kursk. Also photographed were generals Alexander Lapin, Sergey Rudskoy, and Yevgeny Nikiforov. https://t.co/4mHwc8MPyEhttps://t.co/CdJ23gEP53 pic.twitter.com/XvfjAHA42G

— Rob Lee (@RALee85) March 12, 2025

Путин предложи и создавање безбедносна зона долж државната граница.

Тој ги нарече терористи противниците во областа Курск и рече дека затворениците треба да се третираат во согласност со тој статус.

„Странските платеници не подлежат на Конвенцијата за воени затвореници“, нагласи Путин, додавајќи дека кон затворениците треба да се постапува хумано, и покрај нивниот статус.

„Уверен сум дека сите борбени мисии со кои се соочуваат нашите единици ќе бидат исполнети“, заклучи Путин.

Командантот на рускиот Генералштаб, Валериј Герасимов, му рекол на Путин дека руските сили ослободиле повеќе од 1.100 км² во пограничната област Курск и дека во последните пет дена се ослободени 24 населени места и 259 км² територија. Тој исто така рече дека во некои правци руските сили ја преминале границата и влегле во украинскиот регион Суми.

Тој исто така изјави дека „украинските сили во регионот Курск се опколени и изолирани“ и дека „во тек е нивно систематско уништување“. Тој исто така тврдеше дека 430 украински војници им се предале на руските сили.

Русите претходно објавија дека за еден ден ослободиле пет населени места.

Во руска контрола вчера е вратен и центарот на Суџа.

Масовниот напад на украинските вооружени сили врз регионот Курск започна на 6 август 2024 година.