Свет
Швајцарија се подготвува да ги олабави мерките
Швајцарската влада подготви два сета мерки против кoрoнa, кои треба да важат од 17 февруари, а дали попуштањата на мерките ќе биде делумно или целосно, ќе зависи од моменталната епидемиолошка состојба во земјата.
Засега ситуацијата е таква што просечниот број на нови случаи на дневна основа минатата недела бил поголем од 33.000 нови случаи, иако реалната бројка е веројатно малку поголема.
Главен критериум за олеснување на мерките ќе биде степенот на оптоварување на здравствениот систем, односно пополнувањето на капацитетот за интензивна нега. Во некои кантони зафатеноста е помала, во некои повисока, но со оглед на прилично големиот број новозаразени, интензивната нега не е толку оптоварена, па затоа треба да се претпостави дека мерките постепено ќе се укинуваат.
Во Швајцарија 68 отсто од населението се вакцинирани со две дози, додека 40 отсто ја примиле третата доза од вакцината против коронавирус.
Сега, во оваа алпска земја важи правилото 2Г, што значи дека во затворени простории, како ресторани, хотели, барови, можат да влезат само вакцинаторите и оние кои го прележале коронавирусот.
Инаку, секој што ќе влезе во Швајцарија мора најмалку 48 часа пред да влезе во земјата да пополни електронски формулар, кој неминовно ќе биде проверен од граничните власти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.
Свет
Расте бројот на загинати во израелскиот напад на Бејрут, меѓу загинатите има деца
Бројот на загинати од израелскиот напад врз јужните предградија на Бејрут, жариште на проиранското движење Хезболах, се искачи на 31, соопштија денеска властите.
„Меѓу загинатите има три деца и седум жени“, изјави либанскиот министер за здравство Фирас Абијад на прес-конференција, додавајќи дека најмалку 68 лица се повредени во петочниот штрајк.
Претходно, Министерството објави дека загинале најмалку 12 лица.
Во меѓувреме, бројот на жртви од координираните експлозии со електронски уреди во Либан на почетокот на оваа недела се зголеми од 37 на 39, соопшти Министерството за здравство.