Свет
Шефицата на УНИЦЕФ го осуди силувањето од Хамас, Израел жестоко ја искритикува
Израел ја критикуваше шефицата на агенцијата за деца на ОН откако таа го осуди сексуалното насилство извршено од милитантите на Хамас врз жените за време на нападот на 7 октомври. Израелските власти велат дека реакцијата на Кетрин Расел, извршната директорка на УНИЦЕФ е недоволна и дека тоа е резултат на меѓународен притисок.
The accounts of sexual violence on 7 October in Israel are horrific.
Survivors must be heard, supported, and provided with care. Allegations must be fully investigated.
We condemn gender-based violence and all forms of violence against women and girls.
— Catherine Russell (@unicefchief) December 6, 2023
Расел денеска на социјалните мрежи напиша дека „изјавите за сексуално насилство се ужасни“. „Преживеаните треба да бидат слушнати, поддржани и згрижени. Нивните приказни мора целосно да се истражат. Ние го осудуваме родовото насилство и сите форми на насилство врз жените и девојчињата“, рече таа.
Лиор Хајат, портпарол на израелското Министерство за надворешни работи, рече дека оваа изјава е недоволна и дека доаѓа предоцна. „Беа потребни речиси два месеци УНИЦЕФ да зборува за израелските жртви… И само по меѓународна кампања и притисок“, рече Хајат, пренесува „Гардијан“.
„Фактот што Расел не ја споменува терористичката организација Хамас е уште еден начин да се затворат очите пред нејзините злосторства. Со тоа што не го спомна Хамас, таа ги легитимираше нивните постапки“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Непознат маж се обидел насилно да влезе во пилотската кабина на авионот на аеродромот Гардермоен во Осло
Непознат маж се обидел насилно да влезе во пилотската кабина на авионот на „Норвешка Ер“ на аеродромот Гардермоен во Осло, кој требало да полета на летот DI1990 за Сплит во 6.50 часот, а кога не успеал, се заклучил во тоалетот во задниот дел од авионот, објави хрватски Дневник.
Норвешката полиција подоцна го идентификуваше лицето како 23-годишен хрватски државјанин.
Мотивите за овој чин засега не се познати.
Авионот бил полн со патници кои главно патувале во централна Далмација на одмор. Повеќето од нив не забележале дека се случува нешто необично, дури ни оние што седеле напред.
„Авионот веќе полета и додека се движеше кон делот од пистата, наеднаш застана. Првото известување до пилотот било дека има технички проблеми и дека мора да застанат. Полицајците влегле во предниот дел и по краток разговор се упатиле назад каде што се заклучил. Во авионот имало тепачка, сите сакале да видат што се случува, па не било јасно дали полициските сили влегле во тоалетот или патникот сам се предал. Секако, тројца полицајци му ставиле лисици и преку пистата го одвеле до аеродромската зграда“, изјави еден од патниците кој со сопругата патувал за Водице, Хрватска.
Како што подоцна соопшти полицијата, патникот не бил во алкохолизирана состојба или под дејство на други опијати. Засега не е познато кои биле неговите крајни намери.
По завршувањето на сите формалности, новиот лет за Сплит пристигна околу 9 часот.
Компанијата им се извини на сите патници за доцнењето од два часа.
Свет
Седум бебиња загинаа во голем пожар во болница во источниот дел на Њу Делхи
Седум бебиња загинаа во голем пожар во болница во источниот дел на Њу Делхи, а пет се спасени и префрлени во друга болница, соопштија денеска локалните власти.
Сопственикот на болницата за бебиња во која избувна пожарот во саботата е во бегство, соопшти полицијата.
Како што пренесе Тајмс оф Индија, пожарот е ставен под контрола, а истрагата за причините за несреќата е во тек.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.