Свет
Шефовите на ЕУ му честитаа на Трамп

Лидерите на институциите на Европската Унија му ја честитаа победата на Доналд Трамп на претседателските избори.
„Европската Унија и САД се трајно поврзани и имаат историска врска. Како сојузници и пријатели, ЕУ со нетрпение очекува да ја продолжиме нашата конструктивна соработка“, рече претседателот на Европскиот совет, Шарл Мишел, во пораката на социјалната мрежа Х.
Тој додаде дека ЕУ ќе го продолжи својот курс во согласност со стратешката програма како силен, обединет, конкурентен и суверен партнер и дека ќе го брани мултилатералниот систем заснован на правила.
Претседателката на Комисијата, Урсула фон дер Лајен, во својата порака вели дека „ЕУ и САД се повеќе од сојузници“.
„Ние сме поврзани со вистинско партнерство меѓу нашите народи, кое обединува 800 милиони граѓани. Затоа работиме заедно на силна трансатлантска програма, која носи резултати“, нагласува Фон дер Лајен.
„Европа е подготвена да работи заедно за да ги реши невидените геополитички предизвици и да ја одржи трансатлантската врска силна, вкоренета во нашите заеднички вредности на слобода, човекови права, демократија и отворени пазари“, рече претседателот на Европскиот парламент, Роберт Мецола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Американскиот сенатор Греам: Го молам Ватикан да размисли Трамп да биде папа

Американскиот сенатор Линдзи Греам, републиканец од Јужна Каролина, во објава на „Икс“ напиша дека Трамп треба да биде новиот папа.
„Бев возбуден кога слушнав дека претседателот Трамп е отворен за идејата да стане следниот папа. Навистина би бил кандидат во сенка, но би ја замолил конклавата и католичките верници да бидат со отворен ум за оваа можност! Првата комбинација папа-претседател на САД има многу предности. Ние го следиме белиот чад… Трамп MMXXVIII!“, напиша тој на „Икс“.
Доналд Трамп вчера изјави дека би сакал да биде папа. „Би сакал да бидам папа. Тоа би бил мојот прв избор“, му рече американскиот претседател на новинар кој го праша за конклавата.
Тој продолжи нагласувајќи дека нема фаворит, но посочи дека Тимоти Долан, надбискупот на Њујорк, би можел да биде добар избор. „Не знам. Немам фаворит. Но, морам да кажам дека имаме кардинал од место наречено Њујорк кој е многу добар, па ќе видиме што ќе се случи“, рече Трамп.
Греам е познат по значајните промени во политичките ставови, особено во врска со Доналд Трамп и надворешната политика.
Европа
Осумнаесет општински службеници во Истанбул завршија во затвор

Турски суд затвори 18 службеници на градската власт во Истанбул поради обвиненија за корупција, продолжувајќи ја репресијата против опозицијата, поради која беше затворен и градоначалникот Екрем Имамоглу.
Имамоглу, главен политички ривал на претседателот Таип Ердоган и водечки на анкетите, беше затворен во март во очекување на судење по обвиненијата за корупција. Тој се соочува и со обвиненија за помагање на терористичка група.
Градоначалникот ги негираше сите обвиненија, а неговото апсење ги предизвика најголемите протести во Турција во последната деценија, економски превирања и обвинувања за политизирано судство. Владата ги отфрла овие тврдења и вели дека судството е независно.
НТВ објави дека 34 од 52 лица приведени за време на викендот биле ослободени со кауција. Турските медиуми пред четири дена објавија дека властите привеле десетици вработени во општина Истанбул како дел од правните истраги насочени кон Имамоглу, проширувајќи ја репресијата против опозицијата што започна кон крајот на минатата година.
Меѓу приведените се генералниот секретар, началникот на кабинетот на Имамоглу и претседателот и заменик-претседателот на Управата за водоснабдување и канализација.
Европа
Шведската полиција уапси осомничен за пукањето во кое загинаа три лица

Шведската полиција објави дека привела осомничено лице по пукањето во кое загинаа три лица во градот Упсала во вторникот.
Лицето е осомничено за убиство и е едно од неколкуте лица што се испрашуваат како дел од истрагата, изјавија полицајци за новинарите.
Пукањето се случило во фризерски салон во Упсала, додадоа тие.
Полицијата соопшти дека инцидентот се смета за изолиран и не е поврзан со големите прослави на Валпургиската ноќ, што се очекуваат во Упсала в среда.