Поранешниот директор на изборниот штаб на сегашниот американски претседател Доналд Трамп, Кори Левандовски, изјави во неделата дека администрацијата на поранешниот претседател Барак Обама ги прислушувала разговорите меѓу тогашниот сенатор и сегашен министер за правда Џеф Сешнс и рускиот амбасадор во Вашингтон, Сергеј Кисјак, ден откако самиот Трамп објави дека има сознанија дека Обама го прислушувал неговиот изборен штаб сместен во неговата кула во Њујорк.

„Она што можеме да го кажеме е дека во времето на претходната администрација тие навистина ги прислушувале разговорите меѓу тогашниот сенатор Џеф Сешнс и рускиот амбасадор, кој тој бил во зградата на Сенатот“, изјави Кори Левандовски во интервјуто за телевизиската мрежа Fox News.

Поранешниот шеф на изборниот штаб на Доналд Трамп, искана дека станува збор за два разговора меѓу американскиот сенатор и рускиот амбасадор, од кои едниот бил воден за време на конвенцијата на Републиканската партија, а вториот во зградата на Сенатот.

Левандовски, исто така, изрази загриженост во врска поради податоците дека администрацијата на Обама „би можела да ги прислушува разговорите во Trump Tower“, штабот на републиканскиот кандидат. „Доколку тоа е вистина, тогаш се поставува прашањето кои други разговори тие ги прислушувале“, додаде.

Претходно во саботата Кевин Луис, портпаролот на демократот Обама негираше дека администрацијата на претседателот од Демократската партија. „Ниту претседателот Барак Обама ниту кој и да е друг функционер на Белата куќа никогаш не наредиле следење на кој и да е американски државјанин“, беше наведено во кусата писмена изјава за медиумите.

Овие напади врз Обама доаѓаат откако на удар од демократите е Трамп поради контактите меѓу неговите блиски соработници со рускиот амбасадор во Вашингтон за време на кампањата и во текот на трансферот на власта.

Дневниот весник The Washington Post, како и претходно во случајот на Мајкл Флин, во средата објави дека Сешнс, додека бил сенатор, минатата година во својата канцеларија одржал два состанока со амбасадорот Кислјак во моментот додеа, според американските разузнавачи, наводната руска кибернетичка кампања насочена на поткопување на американските избори била на врвот.

Џеф Сешнс, многу близок соработник на Трамп, кој меѓу првите му даде поддршка во текот на кампањата, од демократите е обвинет дека ги криел своите контакти во јули и септември со рускиот амбасадор во Вашингтон, кога под заклетва беше сослушуван од сенатската комисија како кандидат за член на новата администрација.

Лидерите на демократите во Сенатот, Ненси Пелоси и Шумер побараа оставка од Сешнс, кој одговори дека со рускиот дипломат не зборувал на темата за американските избори. На сослушувањето во Сенатот во јануари запрашан како ќе реагира доколку се потврдат извештаи за контакти на администрацијата на Трамп со руските власти, одговорил дека не знаел за вакви активности и „немал комуникација со Русите“.

Сешнс подоцна објави дека самиот се иззема од сите одлуки и истраги на неговото министерство поврзани со кампањата за претседателските избори во 2016 година на коишто победи републиканскиот кандидат Доналд Трамп.

Демократите заклучија дека Сешнс лажел под заклетва, бидејќи веќе се сретнал со рускиот амбасадор. Министерството за правда и Белата куќа, пак, објавија дека Сешнс се видел со Кислјак како сенатор и член на комисијата за вооружени сили, а не како член на изборниот или транзитниот тим на Трампи оти поради тоа неговата изјава пред сенатската комисија е вистините./крај/мф/сн