Европа
Шефот на украинската дипломатија: Направивме значаен чекор кон Европската унија

Украина направи значаен чекор кон членство во Европската унија со ратификување на Римскиот статут на Меѓународниот кривичен суд.
Овој потег доаѓа по долгогодишно двоумење, и покрај тоа што Украина го потпиша статутот во 2000 година и сега стана 125-та членка на Меѓународниот кривичен суд. Ратификацијата е клучна затоа што гарантира дека Украина може да процесуира воени злосторства и злосторства против човештвото, особено во контекст на конфликтот со Русија.
Today, the Ukrainian Parliament ratified the Rome Statute. Ukraine has become the 125th member of the International Criminal Court @IntlCrimCourt.
This has been a long journey full of challenges, myths, and fears. None of them have been true. And today, we are finally there,…
— Dmytro Kuleba (@DmytroKuleba) August 21, 2024
Министерот за надворешни работи Дмитро Кулеба нагласи дека ратификацијата ја покажува посветеноста на Украина за зајакнување на меѓународната правда и обезбедување одговорност за злосторствата извршени за време на руската агресија. Кулеба исто така нагласи дека овој чекор дополнително ја приближува Украина до полноправно членство во Европската унија, бидејќи ратификацијата на Римскиот статут е еден од условите за влез во ЕУ.
Ратификацијата има конкретни правни и политички импликации, бидејќи Украина сега може да го зајакне својот правен систем во согласност со меѓународните стандарди промовирани од ЕУ. Овој потег беше поздравен од домашните и меѓународните набљудувачи, кои го гледаат како јасен показател за посветеноста на Украина за владеење на правото и европската интеграција.
Накратко, ратификацијата на Римскиот статут од страна на Украина означува клучен чекор во нејзините аспирации за членство во Европската унија и посилна соработка со Меѓународниот кривичен суд во обезбедувањето правда за злосторствата извршени за време на конфликтот со Русија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Ковчегот на папата Франциско затворен, погребот в сабота наутро

Од средата наутро, кога телото на покојниот папа Франциско беше пренесено во базиликата „Свети Петар“, низ неа поминаа 150.000 луѓе од целиот свет. Ковчегот на папата беше затворен вечерва, а погребот ќе се одржи в сабота наутро.
Пред церемонијата на запечатување, во ковчегот на папата беа поставени 12 монети, по една за секоја година од неговиот понтификат, како и краток запис и извештај за неговото папство. Церемонијата ја водеше кардиналот Кевин Фарел, камерлегно на Светата Римска црква.
Реки верници доаѓаат во Рим за да присуствуваат на утрешниот погреб на папата Франциско, а се очекува и пристигнување на бројни делегации од целиот свет.
Во Рим се воведени строги безбедносни мерки, со илјадници волонтери и полицајци, систем против дронови, снајперисти на покривите и борбени авиони подготвени за полетување.
Европа
Жена во Шпанија ја продала новородената ќерка за 2.000 евра на двојка која не можела да има деца

Шпанската полиција уапси 37-годишна жена која ја продала својата новородена ќерка на пар кој се лекува од неплодност, јавува АФП.
Полицијата соопшти дека жената била уапсена минатиот месец во Мостолес, јужно предградие на Мадрид. Брачен пар осомничен за купување дете и двајца нивни роднини беа уапсени во јужниот град Кордоба.
Според прелиминарната истрага, жената се согласила да им ја предаде својата новородена ќерка на двојката за 2.000 евра. Сепак, по породувањето, таа се предомислила и побарала да ѝ го вратат детето.
Двојката, според АФП, одбила да го врати бебето освен ако жената не им го врати платениот износ, плус дополнителни 1.000 евра за покривање на трошоците што тврделе дека ги направиле во текот на месецот што го поминале со неа во Кордоба пред да се роди детето.
Полицијата започна истрага откако една жена поднесе жалба тврдејќи дека семејство во Кордоба го „киднапирало“ нејзиното новородено бебе. Детето е предадено во центар за заштита на деца во Кордоба. Полицијата, исто така, објави дека властите ѝ одзеле уште шест деца на жената во 2022 година поради занемарување.
Европа
Зеленски: Подготвени сме да разговараме за територија, но само под еден услов

Украинскиот претседател Володимир Зеленски изјави денес дека Украина ќе биде подготвена да разговара за територијални прашања како дел од мировните преговори, но само откако Русија ќе се согласи на целосен и безусловен прекин на огнот.
„Целосно и безусловно примирје отвора можност да се разговара за сè“, изјави Зеленски пред новинарите во Киев.
Тој ја коментираше и изјавата на американскиот претседател Доналд Трамп, кој во интервју за „Тајм“ изјави дека „Крим ќе остане со Русија“.
„Она што го кажува претседателот Трамп е вистина. Се согласувам со него дека денес немаме доволно оружје за да ја вратиме контролата врз Кримскиот Полуостров“, рече Зеленски.
Да потсетиме дека украинските претставници претходно решително ја отфрлија можноста за какви било територијални отстапки во замена за мир со Русија.