Свет
Шинзо Абе побара помош за киднапираните Јапонци во Северна Кореја
Јапонскиот премиер, Шинзо Абе, денеска изјави дека од лидерите на вишеградската четворка – четири земји од Централна Европа, побарал помош за долгиот спор со Северна Кореја за киднапирањата на јапонските граѓани пред неколку децении.
Абе рече дека бара разбирање и поддршка за тоа прашање кое е многу важно за Јапонија, објави АП.
Јапонија вели дека Северна Кореја во текот на 70-тите и 80-тите години киднапирала најмалку 17 јапонски државјани, со цел да ги обучат агентите на јапонскиот јазик и култура за да да шпионираат за Јужна Кореја.
Пјонгјанг призна дека киднапирале 13 лица.
Двете земји немаат официјални дипломатски односи.
Абе денеска се сретна со премиерите на Словачка, Чешка и на Полска и со унгарскиот министер за финансии.
Земјите сочинуваат група позната како вишеградска четворка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шојгу: Русија никогаш не планирала да ги нападне земјите на НАТО
Русија никогаш не планирала да ги нападне земјите на НАТО, изјави рускиот министер за одбрана Сергеј Шојгу.
„Руската Федерација никогаш не била закана за НАТО. Ние немаме ниту геополитички ниту воени интереси да ги нападнеме земјите од блокот, ние едноставно го штитиме нашиот народ на нашите историски територии“, рече Шојгу на состанокот на министрите за одбрана на земјите-членки на Шангајската организација за соработка (SCO) во главниот град на Казахстан, Астана.
Шојгу нагласи дека Русија секогаш вложувала максимални напори за одржување на стратешката стабилност и рамнотежа на силите во светот, пренесува Интерфакс.
Свет
Трамп: Подготвен сум да го обновам конзервативниот сојуз со Орбан
Поранешниот американски претседател и републикански претседателски кандидат Доналд Трамп изјави дека е подготвен да го обнови конзервативниот сојуз со унгарскиот премиер Виктор Орбан.
Во видео пораката Трамп изјави дека со нетрпение очекува блиска соработка со Орбан кога, како што наведе, повторно ќе положи заклетва како 47-ми претседател на САД, пренесе АП.
Во својата порака Трамп го нарече Орбан голем човек и истакна дека додека бил претседател на САД, работел со него на подобрување на вредностите и интересите на САД и Унгарија.
Свет
Блинкен пристигнува во Израел, седми пат од почетокот на војната
Американскиот државен секретар во вторник ќе го посети Израел, седми пат по нападот на палестински Хамас на 7 октомври врз јужен Израел и војната што следеше со израелскиот одговор во Појасот Газа.
Јавниот сервис Кан објави дека Блинкен ќе дојде во Израел за да разговара за најавената операција на израелската армија во Рафах, како и за напорите да се обезбеди пауза во борбите и да се ослободат повеќе од 100 заложници кои ги држеше Хамас.
Блинкен моментално е во посета на Кина.