Свет
Шкотска ја зголемува минималната цена на алкохолот 30 отсто поради смртните случаи
Властите во Шкотска ќе ја зголемат минималната цена на алкохолните пијалоци како дел од мерките кои треба да го намалат бројот на хоспитализации и смртни случаи поврзани со консумирање алкохол, пишува „The Guardian“.
Владата во Единбург наскоро треба да даде зелено светло за зголемување на цената од 50 на 65 пени по единица, што треба да стапи на сила на почетокот на мај оваа година.
Јавното здравство Шкотска минатата година соопшти дека шемата за минимална цена на алкохолот, воведена пред шест години, резултирала со пад од 13,5 отсто на смртните случаи поврзани со алкохол.
Сепак, во последните три години, бројот на смртни случаи поради консумирање алкохолни пијалоци повторно е зголемен за 25 отсто, додека бројот на оние кои користеле помош за откажување од алкохол е намален за 40 отсто во последната деценија.
Според новата одлука, минималната цена на стандардното шише виски во Шкотска ќе се зголеми од 14 на 18,20 фунти, а вотката на 16,90 фунти.
„Повеќе од 20 луѓе неделно во Шкотска умираат поради злоупотреба на алкохол и поради тоа мораме да преземеме некои чекори“, изјави Вили Рени, поранешен претседател на шкотските либералдемократи.
Дејвид Ричардсон од синдикатот на трговци за алкохолни пијалоци не се согласува со него.
„Со овие мерки ќе ги казниме огромното мнозинство луѓе кои пијат одговорно“.
Шкотските лабуристи ја поддржуваат политиката, но повикаа на дополнителен данок на алкохол за трговците на мало за да го оданочуваат незаработениот профит што го прават од минималните цени, при што приходите одат директно во NHS и напорите за справување со зависноста.
Истражувањето на шкотскиот институт „Фрејзер од Аландер“, објавено во понеделникот, проценува дека трговците на мало остваруваат околу 30 милиони фунти годишно дополнителен профит со задржување на разликата помеѓу минималната цена и големопродажната цена на пијалоците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Мапа) Украина мора да се повлече 15 километри на Запад, Бердичи е опколен
Украина се подготвува да ги повлече војниците од Бердичи, јавуваат српските медиуми.
На вооружените сили на Украина во Бердичи им се заканува опкружување по неодамнешната загуба на Новобахмутовка и Соловјов, а според некои воени блогери се очекува повлекување до 15 километри на запад.
Ним им се заканува загуба и на Нетајлов, Карловка, Умански, Новокалинов, Керамик, Архангелски…
По падот на Авдијивка во февруари, Украина одржа линија на одбрана во близина на Бердичи. За време на безмилосните борби во претходните два и пол месеци на тој дел од линијата на фронтот, беа изгубени и неколку американски тенкови Абрамс, обидувајќи се да го запрат напредувањето на руските трупи.
Воениот блогер Рибар наведува дека руските војници напредуваат и кај Новокалинов.
– Напаѓачките групи ја пробија одбраната на украинските формации во центарот на селото во правец на Керамик. Моментално се консолидираат позициите во центарот на селото. Имајќи го предвид налетот од Очеретин во правец на Архангелск, не може да се исклучи дека во блиска иднина вооружените сили на Русија ќе можат целосно да го окупираат Керамик – вели Рибар.
Според него, Русите успеале да ги истуркаат противниците од Семјеновка.
– Остатоците од пешадијата на вооружените сили на Украина под оган на артилерија и беспилотни летала се повлекоа од северната периферија на селото на запад кон Новопокровски. Под контрола на вооружените сили на Русија делумно беа и шумските појаси кај Семјоновка. Борбите во моментов се водат на најзападната периферија на Бердици. Малку е веројатно дека непријателот ќе може долго да држи позиции поради неговото повлекување од Семјеновка. Следната линија на напад на Вооружените сили на Русија најверојатно ќе бидат шумските појаси на делницата Новопокровско – Новоселовка Перваја каде што сега украинските формации динамично градат одбрана – вели Рибар.
Украинскиот телеграмски канал DeepState потврди дека руските војници ги зазеле Семјоновка и Соловиев и дека се водат борби за Керамик.
Свет
Евакуација на аеродромот во Москва поради дојава за бомба
Еден од катовите на зградата на аеродромот Внуково во Москва е евакуиран поради закана за бомба, соопшти полицијата.
„Едниот кат е евакуиран. Во тек е проверка и контрола“, се наведува во соопштението и се додава дека евакуацијата не влијаела на функционирањето на аеродромот.
Евакуиран е седмиот кат од зградата на управата на аеродромот.
Неименуван извор изјавил за агенцијата ТАСС дека евакуацијата уследила по закана за бомба.
– Се проверуваат сите простории и канцеларии – изјавил овој извор.
Свет
Хутите истрелаа три проектили на два брода во Црвеното Море: оштетен британски танкер
Американската војска објави дека јеменските бунтовници Хути лансирале три противбродски балистички ракети врз два брода во Црвеното Море, при што лесно е оштетен британски танкер за нафта.
Американската централна команда (CENCOM) преку соопштение на платформата „Х“ соопшти дека е оштетен танкерот со нафта „МВ Андромеда Стар“, како и дека проектил паднал во близина на друг брод „МВ Маиша“, но не го оштетил.
Хутите од ноември минатата година напаѓаат комерцијални бродови во Црвеното Море и Аденскиот Залив со ракети и беспилотни летала како знак на, како што велат, поддршката на палестинската милитантна група Хамас во конфликтот со Израел во Појасот Газа.