Свет
Шок-откритие на француските медиуми: телохранителите на Бајден, Путин, Макрон, Трамп, Меланија вмешани во сè…
Светските лидери, вклучително и претседателите на Франција, Соединетите Американски Држави и Русија, се изложени на ризик бидејќи нивниот безбедносен персонал може лесно да се следи поради фанатичното користење фитнес-апликации, се вели во ексклузивен текст од францускиот „Ле Монд“, а пренесуваат и други медиуми.
Членовите на американската тајна служба, одговорни за безбедноста на претседателот и кандидатите за претседател, како и безбедносните службеници на Емануел Макрон и телохранителите на претседателот Путин, отворено споделуваат мапи од своите активности за трчање и возење велосипед со другите корисници на апликацијата „Страва“, поврзани со нивните паметни часовници и телефони, објави „Ле Монд“.
Во истрагата почната по загриженоста за количеството геолоцирани податоци споделени од корисниците на „Страва“, најпопуларната спортска апликација, весникот објави дека лесно ги идентификувал локациите на безбедносниот персонал додека ги следат нивните штитеници од целиот светот.
Овде беа вклучени агенти што работеа на местата на два обида за атентат врз Доналд Трамп, републиканскиот претседателски кандидат, и оние што го штитат Путин, кои наводно трчаат во близина на две куќи за кои рускиот претседател секогаш негира дека се негови.
Податоците открија хотели и места за собирање, кои често се непознати за јавноста.
Истиот метод на собирање податоци би можел да се користи за одредување на локациите на поранешната и на сегашната прва дама, Меланија Трамп и Џил Бајден.
И покрај наредбите од нивните претпоставени да не ги откриваат нивните локации на апликацијата, која има 120 милиони корисници, воениот и полицискиот персонал се приватно спортски ентузијасти и „не размислуваат да ги заштитат своите активности, туку да ги објавуваат“, пишува „Ле Монд“: „Телохранителите на Макрон несвесно ги споделуваат своите локации на интернет, приватни и официјални“.
„Со групирање анонимни податоци ‘Страва’ го открива присуството на воени бази во светот, честопати прикажувајќи ги нивниот распоред и маршрутите што ги поминува воениот персонал во или околу нив“, пишува „Ле Монд“.
Американската тајна служба остана воздржана во врска со откритијата на францускиот весник. На персоналот му е забрането да користи лични уреди на должност, но „не забрануваме користење на социјалните мрежи надвор од работното време“, велат тие.
Исто така, се наведува: „Вклучениот персонал е известен и ние ќе ги разгледаме овие информации за да утврдиме дали е потребна дополнителна обука или насоки“.
Тимот на Макрон рече дека проблемите што ги истакна „Ле Монд“ се „многу мали и на кој било начин не влијаат врз безбедноста на претседателот“. Весникот го следеше Макрон преку апликацијата „Страва“ на неговите службеници за заштита во хотел во одморалиштето Хонфлер во Нормандија на приватно патување за викенд, што не беше наведено во дневниот распоред на претседателот.
„Страва“ извести дека нејзините корисници лесно може да се откажат од споделување на нивните податоци.
„Очекуваме луѓето што работат во чувствителни професии да ги користат достапните опции за приватност“, се вели во соопштението.
Минатиот јули за убиството на капетанот на подморницата на руската морнарица во Краснодар беше обвинета неговата употреба на „Страва“ од каналите на „Телеграм“ поврзани со руските власти. Станислав Рики (42) бил застрелан и убиен додека џогирал во руски град.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Вулкан на Хаваи започна да исфрла лава
Денес, Американскиот геолошки завод ја регистрираше ерупцијата на лава од отворот во кратерот на вулканот Килауеа на Хаваи.
Растопената карпа останува во рамките на Националниот парк Хавајски вулкани и не претставува закана за домовите или инфраструктурата, според соопштението, објавува „Јуронјуз“.
Eruzione di lava al vulcano Kilauea alle Hawaii https://t.co/uXMUCk20n0
— BusallettaInfo (@sulsitodisimone) November 9, 2025
Килауеа исфрла лава во редовни интервали од крајот на минатата година, а научниците забележуваат дека магмата го следи истиот подземен пат до површината.
Вулканот се наоѓа на островот Хаваи, околу 320 километри јужно од главниот град Хонолулу.
Фото: принтскрин
Свет
Кина ги укина специјалните пристанишни такси за американските бродови
Кина ги укина специјалните пристанишни такси за бродовите од САД за една година, како одговор на сличен потег од Вашингтон, објави денес кинеското Министерство за транспорт.
Според соопштението на кинеското Министерство за транспорт, собирањето специјални пристанишни такси „ќе биде суспендирано за една година“ од 10 ноември, истовремено со суспендирањето на спроведувањето на релевантните мерки од страна на САД против Кина, како дел од спроведувањето на консензусот постигнат на економските и трговските консултации меѓу Кина и САД во Куала Лумпур во 2025 година, се наведува во соопштението.
На 17 април, американските власти воведоа специјални пристанишни такси за бродовите поврзани со Кина, а како одговор, Кина почна да наплаќа специјални пристанишни такси за американските бродови на 14 октомври.
Овој данок се применуваше на бродови во сопственост или управувани од американски компании, како и на бродови што пловат под американско знаме или се изградени во САД, пренесува Танјуг.
Во понеделникот стапија во сила низа кинески одлуки, со кои се укинаа дополнителните царински давачки за американска стока и извозните контроли за одредени американски компании.
Овие одлуки следеа по неколку рунди кинеско-американски трговски и економски консултации во Куала Лумпур, како и по состанокот меѓу кинескиот претседател Шји Џјинпинг и американскиот претседател Доналд Трамп, што се одржа на 30 октомври во Бусан, Јужна Кореја.
Фото: принтскрин
Свет
Брисел го обвинува Трамп за поткопување на позицијата на Европа
Европската унија изјави дека е потребна „одлучувачка акција“ во врска со постапките на американскиот претседател Доналд Трамп, кои, според европските преговарачи, ја ослабуваат позицијата на земјите од ЕУ во меѓународните разговори за климатските промени, објави порталот „Политико“, повикувајќи се на извори од Брисел.
„Американците повеќе не се во можност да ги одбијат нападите врз преговарачката позиција на богатите земји, што ја става Европската унија во непријатна позиција. Во Белем, на Конференцијата на ОН за климатски промени, апсолутно е потребно да му се даде решителен одговор на Трамп“, се наведува во соопштението на европските претставници.
Трамп неодамна изјави дека „ја добил војната против измамата за климатските промени“, откако основачот на Мајкрософт, Бил Гејтс, призна дека погрешил во своите претходни проценки за влијанието на човекот врз глобалното затоплување.
На крајот на јануари, американскиот претседател потпиша извршна наредба со која повторно ги повлекува САД од Парискиот договор за климата. Тој договор беше усвоен на 12 декември 2015 година, по 21-та конференција на ОН за климатските промени во Париз. За време на првиот мандат на Трамп, Америка веќе официјално се повлече од овој договор еднаш – на 4 ноември 2019 година.
Европските претставници стравуваат дека новото повлекување на САД од глобалните рамки за климата би можело да ги поткопа заедничките напори во борбата против климатските промени и да го ослаби кредибилитетот на Западот во претстојните преговори со земјите во развој.
Фото: принтскрин
Турција сака безбеден премин за 200 цивили заробени во тунелите во Газа
Турција се обидува да обезбеди сигурен премин за околу 200 цивили заробени во тунелите во Газа, откако го олесни враќањето...
Сенатот постигна договор: заврши најдолгата блокада на буџетот во историјата на САД
Американските сенатори постигнаа привремен договор со кој ќе се стави крај на буџетската парализа што блокираше некои јавни услуги рекордни...
(Видео) Зеленски: За разлика од целиот свет, јас не се плашам од Трамп
Украинскиот претседател Володимир Зеленски изјави дека, за разлика од многу западни лидери, не се плаши од Доналд Трамп и ги...
(Видео) Супертајфун ги погоди Филипините: бројот на жртви расте, еден милион луѓе принудени да се евакуираат
Супертајфунот Фунг-вонг ги погоди Филипините вчера, при што загинаа две лица, а еден милион луѓе беа принудени да се евакуираат...
(Видео) Нов напад врз Крим: погоден важен руски складишен објект за нафта
Украинските војници во неделата нападнаа руско складиште за нафта во близина на селото Гвардејское на окупираниот украински полуостров Крим, објави...
(Видео) Судир на возови во Словачка, десетици повредени
Два воза се судрија ноќеска во Словачка откако едниот се удрил во задниот дел на другиот, при што се повредени...
Ѓорѓиевски: За два дена од Скопје се исчисти над четири и пол илјади тони отпад, скопјани имаат човек на кој може да се потпрат
Над четири и пол илјади тони отпад или четири до пет пати повеќе од секој вообичаен викенд што се собирало...
Пијан возач од Турција направи хаос во Аеродром
Полицијата објави фотографија од сообраќајката што се случила синоќа на улицата Матеја Матевски во Аеродром, кога возач на „БМВ 5“...
Ѓорѓиевски со предупредување до граѓаните, ќе се казнува секој што ќе фрла отпад
Градоначалникот на Град Скопје, Орце Ѓорѓиевски, објави дека акцијата за чистење „72 часа“ се одвива одлично, со цел градот да...
Таткото на едно од девојчињата загинати со „Пулс“ објави видео од нејзиното последно излегување од дома
Александар Наунов, таткото на трагично загинатата Надица, една од 63-те жртви во пожарот во дискотеката „Пулс“ во Кочани, сподели видео...
Јаневска: Следната година нема „прогледување низ прсти“ ако директорите не нарачаат учебници на време
Директорите на училиштата треба многу сериозно да си ја сфатат работата дека се должни да ги почитуваат законите и да...
„Супорт Кочани“ собра 11 милиони денари од донации за настраданите од „Пулс“, државата им наплати 1 милион денари данок
Околу 11 милиони денари се распоредени од заедничката сметка за донации од граѓанската иницијатива „Супорт Кочани“. Од граѓанската иницијатива велат...
Родителите на починатите во „Пулс“ со порака до судиите: Не дозволувајте болката и гневот да станат уште поголеми
Во Кочани денеска родителите на жртвите од пожарот во дискотоеката „Пулс“ одржаа нов „Марш за ангелите“, упатувајќи порака до правосудните...
Грабнале жена, ја тепале, па откако се онесвестила, ја силувале во напуштен објект во Струга
Две лица од дебарско се осомничени дека на 6 ноември околу 19 часот грабнале 30-годишна жена која потоа едниот од...
Остатоци од човечко тело најдени во кавадаречко Сопот
Во ОВР – Кавадарци било пријавено дека во атар на кавадаречкото село Сопот биле пронајдени остатоци од човечко тело, информираа...
Полицијата ги најде децата кои тепаа малолетник во Струмица и го снимаа за на Тик Ток
Случајот во кој четворица малолетници насилно се однесувале кон малолетник во Струмица, а потоа настанот го објавиле на социјалната мрежа...
Таен ринг за борби со кучиња разоткриен во битолско, заработувале од мачење животни
Грчки државјанин сопственик на куче, пит бул, косовски државјанин сопственик на куче од расата американски стафорд, како и двајца македонски...
(Фото) Русите пак ја нападнаа Украина, има загинати
Украина пријави нов руски напад врз нејзината енергетска инфраструктура во текот на ноќта, во кој едно лице загина, а неколку...
Руската воздушна одбрана соборила 79 украински дронови
Руската воздушна одбрана соборила 79 украински дронови во текот на ноќта, соопшти руското Министерство за одбрана. – Во текот на...
САД ги укинаа санкциите против сирискиот претседател
САД денес ги укинаа санкциите врз сирискиот претседател Ахмед ал-Шариа, само неколку дена пред неговата средба со американскиот претседател Доналд...
