Свет
Шолц: Мировниот договор меѓу Москва и Киев е единствениот начин за укинување на санкциите против Русија

Германскиот канцелар Олаф Шолц денеска изјави дека мировниот договор меѓу Москва и Киев е единствениот начин за укинување на санкциите против Русија
– Русија во одреден момент треба да разбере дека единствената можност да ги укинеме санкциите е да склучи договор со Украина, изјави Шолц во интервјуто објавено на информативниот портал Т-онлајн.
Тој уште еднаш апелираше до Русија да ги повлече своите трупи од Украина.
– Што се однесува до сè друго, постои јасен принцип: Украина ги решава сите прашања. „Не можеме да преговараме во име на Украина, на еден или друг начин“, додаде Шолц, пренесе ТАСС.
Германскиот канцелар додаде дека не ги забележал напорите на Москва да го промени ставот за прашањето за Украина, за време на неодамнешниот телефонски разговор со рускиот претседател Владимир Путин.
– Не, Москва не постигна ниту една од целите споменати на почетокот, рече Шолц.
Тој посочи дека „НАТО не само што не замина, туку го зголеми присуството на својата источна гранка, додавајќи дека Алијансата ќе стане уште посилна кога ќе влезат Финска и Шведска.
Шолц оцени дека ефектите од санкциите се силни и како резултат на тоа, додаде тој, „руската економија ќе биде силно погодена, додека потенцијалот за развој во моментов е многу ограничен“.
Шефот на германската влада вели дека Германија и нејзините партнери ќе продолжат да го снабдуваат Киев со оружје и дека ќе ги зајакнат санкциите против Русија.
– Да, ќе продолжиме со тоа, бидејќи нашата цел е обидот на Русија за инвазија да пропадне, нагласи тој.
Шолц и Путин вчера разговарале за ситуацијата во Украина, а разговорот бил воден на иницијатива на германската страна, соопшти прес-службата на Кремљ.
Лидерите на двете земји се согласија да ја продолжат дискусијата преку различни канали, пренесуваат светските агенции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Не сум сигурен дека ќе влезам во рајот, но на многумина им го разубавив животот

Американскиот претседател Доналд Трамп изјави дека не е сигурен дека ќе може да влезе во рајот, но додаде дека на многумина им го направил животот подобар.
Изјавата ја даде во претседателскиот авион Air Force One. За време на летот, еден од новинарите што го придружуваа 79-годишниот претседател го праша за неговите претходни коментари кои ги дал во контекст на преговорите за мировниот договор во војната меѓу Русија и Украина.
Трамп уште во август, во емисијата „Fox and Friends“, изјави: „Ако можам да спасам 7.000 луѓе неделно, мислам дека тоа е прилично добро – сакам да се обидам да влезам во рајот, ако е можно. Слушам дека не ми оди добро. Навистина сум на дното на листата. Но ако успеам да влезам во рајот, ова ќе биде една од причините“
На прашањето дали неговите шанси се подобриле по договорот меѓу Израел и Хамас, Трамп сега одговори: „Малку се шегувам. Мислам дека ништо нема да ме одведе во рајот. Можеби не сум предодреден за тоа. Можеби сум во рајот токму сега, додека летаме со Air Force One,“ рече Трамп.
Тој повторно ја обвини администрацијата на Џо Бајден за неспособност и додаде дека војната во Украина никогаш немаше да се случи доколку изборите во 2020 година не биле наместени.
Свет
Египетскиот претседател до Израелците: Претворете го овој историски момент во нов почеток

Египетскиот претседател Абдел Фатах ал-Сиси ги повика Израелците моментот на потпишување на мировниот договор за Газа да го претворат во нов почеток за поправеден и помирен живот во регионот.
„Погледнете кон подобра иднина за нашите деца,“ рече Сиси по потпишувањето на договорот во Шарм ел-Шеик.
На самитот присуствуваа Доналд Трамп и бројни меѓународни претставници. Обраќајќи му се на Трамп, Сиси додаде: „Господине претседателе, нека војната во Газа биде последната војна на Блискиот Исток.“
Свет
(Видео) Снимката кога Хамас ги разделува и киднапира го обиколи светот – сега повторно се заедно

Авинатан Ор (32) беше киднапиран заедно со својата девојка Ноа Аргамани на музичкиот фестивал кога Хамас го нападна Израел. Ноа беше спасена во израелска воена операција во јуни 2024 година. Во март оваа година, семејството на Авинатан добило знак дека тој сè уште е жив.
Денес, Авинатан Ор е ослободен и конечно се врати кај своето семејство во воената база Реим, на југот на Израел. Израелската војска објави трогателни снимки од неговата средба со родителите, Јарон и Дица.
„Толку многу се надевав дека ќе добијам прилика да ви кажам дека ве сакам и да ве видам уште еднаш во овој живот,“ рекол Ор по ослободувањето.
Former hostage Noa Argamani reunited with her boyfriend, Avinatan Or, after his release from Gaza.
The couple were kidnapped from the Nova Festival on Oct 7th 2023.
She was freed in a rescue operation in 2024.
Avinatan was released today after 2 years in captivity. pic.twitter.com/uWQM7dS5y3
— Oli London (@OliLondonTV) October 13, 2025
Видеото што го објави израелската војска го прикажува емотивниот момент кога Ор ја прегрнува својата девојка, Ноа Аргамани.
Двајцата беа киднапирани на музичкиот фестивал „Нова“ за време на нападите на Хамас на 7 октомври 2023 година. Снимката од киднапирањето, на која се гледа како Ноа ја одвезуваат на мотор, додека Авинатан го присилуваат да оди со рацете на грб, го обиколи целиот свет.
Ноа Аргамани беше спасена во јуни 2024 година, а на почетокот на овој месец се присети на последниот момент со својот партнер.
„Авинатан ми недостига сè повеќе со секој ден,“ изјави тогаш. „Се држам до надежта, секој ден, дека оваа ноќна мора наскоро ќе заврши и дека конечно ќе го живееме животот за кој сонувавме.“