Свет
Шојгу: Руската офанзива е намерно бавна, не сакаме да убиваме цивили

Забавувањето на офанзивата за време на специјалната воена операција во Украина е свесна одлука, условена од желбата да се минимизираат цивилните жртви, изјави денеска рускиот министер за одбрана Сергеј Шојгу.
На состанокот на министрите за одбрана на Организацијата за соработка Сангаи во Ташкент, Шојгу рече дека Русија строго се придржува до нормите на хуманитарното право за време на „специјалната операција“ во Украина, пренесува РИА Новости.
– Се изведуваат удари со високо прецизно оружје врз воената инфраструктура на вооружените сили на Украина – командни пунктови, аеродроми, магацини, утврдени објекти, објекти на воено-индустрискиот комплекс. Во исто време, се прави сè за да се избегнат цивилни жртви. Секако дека го забавува темпото на офанзивата, но на тоа одиме свесно – истакна Шојгу.
Тој ги обвини украинските единици дека користат, како што рече, „тактика на изгорена земја, флагрантно кршејќи ги меѓународните норми и се однесуваат како терористи“.
Шојгу тврди дека украинските сили користат станбени области, училишта, болници, градинки како позиции за пукање, ставаат тенкови и артилерија во нив, а населението го користат како жив штит, пренесе Блиц.рс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ и Путин ќе се сретнат во Кина

За време на посетата на Кина, претседателот на Руската Федерација, Владимир Путин, ќе се сретне со претседателот на Србија, Александар Вучиќ, изјави за медиумите помошникот на рускиот претседател, Јуриј Ушаков.
Путин ќе биде во Кина од 31 август до 3 септември, а ќе присуствува и на церемониите по повод 80-годишнината од крајот на Втората светска војна, како и на неколку билатерални средби.
Свет
Песков: Путин верува дека секоја средба со Зеленски мора да биде добро подготвена

Русија не го отфрла предлогот претседателот Владимир Путин да се сретне со украинскиот претседател Володимир Зеленски, но таа мора да се базира на претходно договорени услови.
„Путин верува дека секоја средба на највисоко ниво мора да биде добро подготвена и да ги потврди резултатите постигнати на професионално ниво“, изјави денес портпаролот на Кремљ, Дмитриј Песков.
„Во моментов, дипломатското ниво не е многу активно“, продолжи Песков. Тој се осврна на вчерашната изјава на Фридрих Мерц кога германскиот канцелар рече дека повеќе не очекува средба меѓу Путин и Зеленски.
Претседателот на САД, Доналд Трамп, минатата недела за време на состанокот во Белата куќа со Зеленски и европските лидери сугерираше дека таква средба би можела да се одржи во следните две недели.
„Нашиот интерес и подготвеност за такви преговори остануваат“, рече Песков пред патувањето на Путин во Кина задутре.
Портпаролот на Кремљ рече дека Русија ги доставила сите свои барања за прекин на конфликтот во писмена форма. Москва, исто така, бара Киев да ги предаде анектираните територии на Русија.
Свет
Турција ги прекинува сите комерцијални и економски врски со Израел

Турција одлучи целосно да ги прекине сите комерцијални и економски врски со Израел и да го затвори својот воздушен простор за израелски авиони, изјави денес турскиот министер за надворешни работи Хакан Фидан.
Според „Џерусалем пост“, економските последици од овој потег сè уште не се познати, но заобиколувањата поради затворениот воздушен простор би можеле да го продолжат времето на патување на летовите од Израел до земји како Грузија и Азербејџан за речиси два часа.
„Турција веќе објави прекин на економските односи со Израел во минатото, но врските продолжија“, изјави израелски функционер за „Џерусалем пост“.
Овој потег следува по извештаите дека турските пристанишни власти почнале неформално да бараат од агентите за превоз да обезбедат писма со кои потврдуваат дека бродовите не се поврзани со Израел и не превезуваат воена или опасна стока наменета за таа земја.
Според извештаите од извори од бродарството, пристанишната канцеларија усно им наложила на пристанишните агенти да обезбедат писмени гаранции, но не е издадено официјално писмо во врска со ова. Овој потег е продолжение на мерките на Турција против Израел откако минатата година ја прекина трговијата со таа земја поради војната во Појасот Газа, чија годишна вредност изнесуваше околу 6 милијарди евра.