Државното биро за истраги во Украина објави видео од службеник на пензискиот фонд како лежи на кревет над куп готовина, а тој и неговата мајка подоцна беа уапсени со речиси 6 милиони долари во готовина.

Државното биро за истраги (СБИ) објави дека агенти извршиле рација во канцеларијата на шефот на Регионалниот центар за медицинска и социјална заштита Хмелницки, како дел од истрагата за фалсификување на лажни потврди за попреченост кои им дозволуваат на мажите да избегнуваат воена служба.

Агентите пронајдоа 100.000 долари во канцеларијата заедно со списоци на мажи со фиктивна попреченост. Во понатамошниот претрес на имотот на мајката и синот се пронајдени повеќе од 5,2 милиони долари, 300.000 евра и повеќе од 5 милиони украински гривни.

Наводно, станува збор за членови на партијата Слуга на народот, чиј лидер е актуелниот претседател на државата, Володимир Зеленски.

Украинските сили во последните часови нападнаа неколку цели во Русија со беспилотни летала.

Експлозиите се слушнале недалеку од селото Октјабрскиј во Краснодарската територија. Руските власти известија дека избувнал пожар во магацин. Тие изјавија дека според првите информации нема жртви и дека пожарникарите успеале да го локализираат пожарот на површина од 1.600 метри квадратни.

Генералштабот на украинските вооружени сили соопшти дека е погоден магацин во кој имало ирански беспилотни летала Шахед, кои Русија ги користи за секојдневни напади врз Украина. Техеран испрати илјадници гореспоменатите беспилотни летала во Москва, па Русија ги лансира речиси секојдневно на цели во Украина.

Shaheds detonation 💥🔥 pic.twitter.com/KZvMRsamoA

— MAKS 24 🇺🇦👀 (@Maks_NAFO_FELLA) October 9, 2024

Украинците тврдат дека во погодениот магацин имало околу 400 дронови. Според соопштението, нападот го извршиле украинската морнарица и единиците на Службата за безбедност на Украина (СБУ). Генералштабот тврди дека биле снимени серија последователни детонации.

„Забележан е точен удар на целта. Уништувањето на магацинот на беспилотните летала Шахед значително ќе ја намали способноста на руските окупатори да ги тероризираат цивилите во украинските градови и села“, додаваат од Генералштабот.

THIS IS AWESOME 👏👏👏 pic.twitter.com/e0LolAEAvc

— MAKS 24 🇺🇦👀 (@Maks_NAFO_FELLA) October 9, 2024

Со беспилотни летала беше нападнат и воениот аеродром Ханска во реонот на истоименото село во Адигеја, руска република во Северен Кавказ. Пожар бил пријавен во близина на воен аеродром по ноќен напад, според системот за следење на пожарот на НАСА.

Adygea update pic.twitter.com/xM3pQkor0v

— IgorGirkin (@GirkinGirkin) October 10, 2024

Локалното население ги слушнало беспилотните летала, но локалните власти се уште не ги објавиле последиците на нападот. Рускиот канал на Телеграм, Астра тврди дека споменатиот воен аеродром е дом на рускиот 272-ри авијациски полк.

Илегалната миграција води до раст на антисемитизмот, насилство врз жените и ширење на хомофобијата во Европската Унија, изјави унгарскиот премиер Виктор Орбан за време на презентацијата на унгарското претседателство во Европскиот парламент.

„Европската Унија мора да се промени и денес сакам да ве убедам во тоа“, ја почна Орбан презентацијата на унгарското претседателство со Европската Унија, кое трае до крајот на годината, и предупреди дека Европа се соочува со можеби најсериозниот момент во својата модерна историја.

Тој во својот говор не ја спомна Украина осврнувајќи се на таа земја дури по реакциите на парламентарците велејќи дека Европа е на пат кон пораз во војната во Украина и дека води погрешна политика кон тој конфликт. „Мораме да зборуваме за примирје и да имаме поинаква стратегија или сите ќе изгубиме“, рече тој.

„Ние не сме членка на ЕУ поради тоа што таа е, туку поради тоа што може да биде“, нагласи Орбан, а еден ден откога на прес-конференција рече дека ќе ја прослави победата на Доналд Трамп на изборите во САД со неколку шишиња шампањ, тој го заврши својот говор со парафраза на својот слоган: „Да ја направиме Европа повторно голема“.

Parte del Parlamento Europeo canta el Bella Ciao después de la intervención de Viktor Orbán en Estrasburgo.
Metsola: “Esto no es Eurovisión” ni La Casa de Papel, “respeten la dignidad de esta casa” pic.twitter.com/b8oh6monTT

— Beatriz Navarro (@beanavarro) October 9, 2024

Претставниците на левицата го пречекаа неговиот говор пеејќи ја антифашистичката песна „Бела, чао“, на што реагира претседателката на Европскиот парламент, Роберта Мецола, предупредувајќи ги дека не се на Евровизија.