Свет
Шпанија го преместува системот за противвоздушна одбрана НАСАМС во Литванија како заштита на самитот на НАТО

Шпанската војска го преместува системот за воздушна одбрана стациониран во Летонија во соседна Литванија за да помогне во заштитата на самитот на НАТО таму следната недела, објави шпанската амбасада во Вилнус.
„Можеме да потврдиме дека Шпанија придонесува за безбедноста на самитот на НАТО во Вилнус со единицата за воздушна одбрана НАСАМС“, изјавија од амбасадата за новинската агенција БНС.
Самитот на НАТО ќе се одржи во Вилнус на 11 и 12 јули. Германија ги премести единиците за воздушна одбрана „Патриот“ во Литванија за да помогне во заштитата на самитот.
NASAMS (Национален напреден ракетен систем „земја-воздух“) беше заеднички развиен од Норвешка и Соединетите Американски Држави. Тој е дизајниран да се бори против воздушните напади со беспилотни летала, проектили или авиони.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Се трга по авион кој се урна во Чиле

Мал авион што превезувал пациент се урна недалеку од главниот град на Чиле, соопштија локалните власти.
Во авионот од типот „пајпер“ имало шест лица.
Контактот со авионот бил изгубен на 40 километри западно од главниот град Сантијаго, додека превезувал пациент до северната граница на Чиле.
Покрената е потрага во која учествуваат екипи на воздухопловните сили, полицијата и противпожарната бригада.
Авионот паднал на непристапен терен, на голема височина.
Свет
Претседателот на Сирија: Водиме индиректни преговори со Израел, сакаме да ја смириме ситуацијата

Сирискиот претседател, Ахмед ал Шара, изјави дека неговата влада води индиректни преговори со Израел за да ги запре израелските напади врз Сирија, пишува „Си-Ен-Ен“.
„Има индиректни преговори, преку посредници, со цел да се смири и да се ограничи ситуацијата, за работите да не стигнат до точка кога двете страни ќе ја изгубат контролата“, рече Ал Шара на прес-конференција во Париз, каде што се сретна со францускиот претседател Емануел Макрон.
„Се обидуваме да разговараме со сите земји кои се во контакт со израелската страна за да извршиме притисок врз нив да престанат да се мешаат во сириските работи“, додаде тој.
Ал Шара рече дека целта е Израел да го почитува Договорот за одвојување од 1974 година, постигнат од Обединетите нации со Сирија и да се повлече на границата дефинирана со тој договор за да дозволи враќање на мировниците на ОН. Таа граница ја дели Сирија од Израел и окупираната Голанска Висорамнина, која Израел ја зазеде од Сирија во војната во 1967 година.
По падот на режимот на поранешниот претседател Башар ал Асад во декември, Израел зазеде повеќе територии во Сирија и изврши неколку напади за да спречи обнова на воениот капацитет и да ги искорени милитантните групи за кои вели дека може да ја загрозат нејзината безбедност.
Влегувањето на Израел на сириска територија првично беше опишано како привремено, но официјални лица подоцна објавија дека армијата ќе остане во Сирија на неодредено време.
Израел прогласи безбедна зона на југот на Сирија за заштита на Друзите, а вчера израелската полиција објави дека нивната гранична полиција за прв пат дејствува внатре во Сирија.
„Израелските интервенции го прекршија договорот од 1974 година. Откако пристигнавме во Дамаск, јасно им ставивме до знаење на сите релевантни страни дека Сирија е посветена на почитување на тој договор“, рече Ал Шара.
Ројтерс вчера објави дека Обединетите Арапски Емирати воспоставиле таен канал за преговори меѓу Израел и Сирија, повикувајќи се на неименувани извори. Се вели дека разговорите се фокусирани на безбедносни и разузнавачки прашања и градење доверба. Ал Шара ги посети ОАЕ минатиот месец.
Како што јави Си-Ен-Ен, Лана Нусеибех, помошник-министер за надворешни работи на ОАЕ за политички прашања, негираше дека нејзината земја посредува во преговорите меѓу Израел и Сирија. „Тврдењето дека ОАЕ „посредува во тајните преговори“ меѓу Сирија и Израел е целосно лажно. ОАЕ не се дел од таквите разговори“, рече таа.
Европа
Две години по крунисувањето, објавени се официјални портрети на кралот Чарлс и Камила

Две години по историската церемонија, објавени се официјалните портрети на крунисувањето на кралот Чарлс и неговата сопруга, кралицата Камила.
Портретите ги откриле самите крал и кралица, за време на посетата на Националната галерија во Лондон.
Портретите ќе бидат изложени таму еден месец, по што ќе бидат префрлени во Бакингемската палата, се вели во официјалното соопштение од палатата.