Свет
Шjи и неговата сопруга беа домаќини на Емануел и Брижит Макрон

Кинескиот претседател Шји Џјинпинг и неговата сопруга Пенг Лијуан се сретнаа со францускиот претседател Емануел Макрон и неговата сопруга Брижит Макрон во Шангај.
Двете претседателски двојки го прошетаа паркот „Ју Jуен“, пренесува кинеското радио „Интернешнл“.
„Мојата сопруга и јас го избравме паркот ‘ Ју Јуен’ “да бидеме домаќини на вас и вашата сопруга за да можете да уживате во убавината на кинеските паркови и традиционалната кинеска култура. Различни култури можат да коегзистираат во хармонија. Како претставници на источните и западните цивилизации, Кина и Франција мора да се почитуваат меѓусебно, но и да разменуваат и да учат една од друга“, рече Шји по тој повод.
Макрон рече дека Франција го поздравува и со нетрпение го очекува кинеското отворање, истакнувајќи дека Франција е посветена на зајакнување на меѓународната соработка и градење отворена светска економија заради заеднички интерес.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Намалено предупредувањето за Хаваите

Предупредувањето за цунами за Хаваите е намалено, објави Тихоокеанскиот центар за предупредување од цунами.
Ова значи дека постои можност за силни бранови, мали поплави и силни струи, но не се очекува големо цунами.
„Евакуираните можат да се вратат дома“, рече гувернерот на Хаваи, Џош Грин.
На луѓето им се советува да возат полека и да бидат безбедни, а воедно да внимаваат на поплави во некои области.
Свет
Земјотрес во Русија на 30 јули предизвика цунами во Америка на 29 јули

Силен земјотрес со јачина од 8,8 степени според Рихтеровата скала го погоди полуостровот Камчатка на рускиот далечен исток во среда наутро во 11:24 по локално време. Наскоро, четири бранови цунами го погодија Северо-Курилск во руската Сахалинска област.
Сепак, до моментот кога првите бранови на цунамито стигнаа до Хаваите неколку часа подоцна, според локалното време таму, беше вторник вечер.
Тоа е затоа што брановите, во календарска смисла, се вратија „во минатото“.
Додека се движеле на исток, брановите oд цунамито ја преминале Меѓународната датумска линија, невидлива граница што го дели Тихиот Океан и разграничува еден ден од следниот.
Фото: Цунами во Русија по потресот
Свет
Земјотресoт во Камчатка силен како 15.800 атомски бомби фрлени врз Хирошима

Земјотрес со јачина од 8,8 степени, како оној во Камчатка, ослободува огромна количина на енергија.
За споредба, атомската бомба фрлена врз Хирошима ослободи околу 15 килотони енергија од ТНТ (тоа се околу 6,3 × 10¹³ џули).
Земјотрес со јачина од 8,8 степени ослободува приближно 1×10¹⁸ џули енергија.
Ако го поделиме тоа: 6,3×10131×1018≈15.873
Значи, земјотресот со јачина од 8,8 степени бил приближно 15.800 пати посилен (во однос на ослободената енергија) од атомската бомба фрлена врз Хирошима.