Свет
Во ударот на тајфунот во Јапонија загинаа 70-ина лица, 15 се исчезнати
Јапонските спасувачи се обидуваат да пронајдат најмалку 15 лица кои сè уште се водат како исчезнати по ударот на тајфунот во кој загинаа најмалку 68 луѓе во таа островска земја и кој парализира неколку области погодени од поплави.
Властите продолжуваат да ја проценуваат штетата на тајфунот Хагибис кога се излеаја 47 реки на 66 места, а јапонското Министерство за инфраструктура предупредува дека процената е невозможна во делови каде што водата сè уште не се повлекла.
Најмоќниот тајфун што ја зафати Јапонија во последните децении исто така предизвика околу 150 лизгања на земјиштето, како и прекини на електричната енергија и на водата во разни делови на земјата, јавува новинската агенција „Кјодо“.
Поплавени се 10.000 дома и властите ги предупредуваат граѓаните да се заштитат од инфекција.
Бројот на домаќинства без електрична енергија се намали од 520.000 на 34.000, а бројот на оние без вода достигна 133.000.
Премиерот Шинзо Абе на состанокот на работната група за катастрофи изјави дека владата ќе искористи резервни средства за обнова.
„Постои итна потреба да им се обезбеди соодветна поддршка на жртвите. Исто така, можно е последиците од тајфунот врз животот и економските активности да бидат уште поголеми“, рече Абе.
Министерот за одбрана, Таро Коно, ќе повика уште 200 припадници на резервните сили да ги олеснат напорите за спасување и да дистрибуираат вода во погодените области.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Почина бебето кое беше извадено од утробата на мртвата мајка во Газа
Почина бебето кое во неделата со царски рез во Газа беше спасено од утробата на мртвата мајка, пишува Би-Би-Си.
Бебето е родено по итен царски рез извршен врз трудница која била убиена во израелски напад врз градот Рафа во Газа.
Освен мајката на Сабрин Ал Сакани, меѓу загинатите се и таткото на новороденото девојче и нејзината тригодишна сестра Малак.
Бебето при раѓањето тежело 1,4 килограми, а се родило во триесеттата недела од бременоста на мајката. Веднаш по царскиот рез беше сместено во инкубатор во болницата во Рафа заедно со уште едно бебе.
Но, девојчето после неколку дена почнало да има сериозни здравствени проблеми. Лекарите го реанимирале, но сепак починало вчера.
16 деца биле убиени за време на два воздушни напади на Рафа минатиот викенд, при бомбардирање на комплекс од станбени згради.
Израелските одбранбени сили (ИДФ) соопштија дека цел биле борците и инфраструктурата на Хамас и воените комплекси.
Свет
Британските разузнавачи: Русите се’ побрзо напредуваат во Украина
По заземањето на источноукраинскиот град Авдијевка, руските трупи напредуваат побрзо во областа, објави денеска британското Министерство за одбрана во своето секојдневно известување.
„Руските копнени сили навлегоа и создадоа тесен коридор на украинска територија со цел да влезат во градот Очеретин, приближно 15 километри северно од центарот на Авдијивка“, пишува на профилот на Министерството за одбрана.
Оцеретин во областа Доњецк имал околу 3.500 жители пред почетокот на војната.
И по заземањето на Авдијивка во средината на февруари, Русите се уште сметаат дека освојувањето на таа област е една од клучните операции, оценува британското Министерство за одбрана.
„Иако претрпуваат големи загуби, многу е веројатно дека руските копнени сили се во позиција континуирано да ги гаѓаат украинските позиции во областа и дека презеле контрола врз неколку помали населби“, додаваат тие.
Украина се брани од руската инвазија повеќе од две години. Британското Министерство за одбрана редовно објавува информации за напредокот на војната. Москва го обвинува Лондон за ширење дезинформации.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.