Свет
Ја отворил вратата на авионот зашто бил под стрес – мажот зборувал со полицијата по инцидентот

Јужнокорејската полиција денеска побара налог за апсење на патникот кој ја отвори вратата на авионот на Asian Airlines неколку минути пред да слета во Јужна Кореја.
Патникот и рекол на полицијата дека ја отворил вратата на авионот неколку минути пред да слета во Јужна Кореја бидејќи се чувствувал непријатно и сакал брзо да излезе од авионот.
Патникот кажа дека бил под стрес откако неодамна ја загубил работата, објави денеска Јонхап, повикувајќи се на полициски извор.
#INCIDENT | Asiana Airlines flight OZ8124 to Daegu, South Korea was involved in an incident when an emergency exit was apparently opened by a passenger prior to landing.
Video: Yonhap News AgencyRead more at AviationSource!https://t.co/dpkbRUuDDA#AsianaAirlines #Daegu… pic.twitter.com/w3acG9UR0X
— AviationSource (@AvSourceNews) May 26, 2023
Маж на околу триесет години бил приведен кога авионот слетал во петокот.
Тој ја отворил вратата од авионот кога леталото било на околу 213 метри од земјата, предизвикувајќи паника меѓу патниците.
Девет патници беа пренесени во болница поради проблеми со дишењето, а сите беа пуштени по околу два часа, изјави претставник на противпожарната служба.
Официјалните лица го објавија само името на патникот кој го предизвика инцидентот како Ли.
На телевизиско видео, за кое се вели дека е снимено од патник, се прикажани моментите пред слетувањето, со отворени врати на авионот и со патници седнати на своите места.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Уапсена е мајката која го оставила бебето во Белград: било заврзано во кеса

По наредба на Вишото јавно обвинителство во Белград, полицијата ја уапси А.С. (2006), мајка за која постои сомнение дека го оставила своето седумдневно бебе покрај контејнер во Земун, пренесува „Блиц“.
Жената според медиумот е обвинета за обид за тешко убиство.
Бебето го пронашол случаен минувач околу 8:20 часот утрово. Било завиткано во крпи и врзано во кеса.
Според Маја Миладиновиќ, жената што го пронашла бебето, новороденчето тивко плачело, дека нејзиниот крик звучел како „мјаукање“.
– Го шетав кучето како секое утро по улицата Дунавска во Земун кога забележав дека нешто се движи зад контејнерот. Мислев дека лази, но кога се приближив видов дека е бебе. Бебето едвај дишеше и беше сино – вели таа.
Според неа, бебето било завиткано во пешкир.
Како што објави „Блиц“, детето било оставено зад контејнерот, меѓу грмушки и на куп ѓубре.
Екипата за итни случаи го транспортирала бебето во породилиштето во Земун, пишува Танјуг.
Фото: принтскрин
Свет
Русија: Предлозите на Западот за Украина се опасни, нè водат во конфликт со НАТО

Русија изјави дека западните предлози за безбедносни гаранции за Украина би го зголемиле ризикот од конфликт меѓу Москва и НАТО претворајќи го Киев во стратешки провокатор на границите на Русија.
Европските сојузници на Украина работат на изготвување сет гаранции за Украина што би можеле да бидат дел од потенцијален мировен договор и би биле дизајнирани да го заштитат Киев од евентуален иден руски напад.
Украинскиот претседател Володимир Зеленски во четвртокот изјави дека очекува рамката за безбедносните гаранции да биде утврдена уште следната недела.
„Безбедносните гаранции мора да се базираат на постигнување заедничко разбирање што ги зема предвид безбедносните интереси на Русија“, изјави портпаролката на руското Министерство за надворешни работи, Марија Захарова.
Таа на брифинг за медиумите во Москва изјави дека сегашните предлози се „еднострани и јасно дизајнирани да ја содржат Русија“.
„Овој сет предлози го крши принципот на неделива безбедност и му ја доделува на Киев улогата на стратешки провокатор на границите на Русија зголемувајќи го ризикот НАТО да се вклучи во вооружен конфликт со нашата земја“, додаде таа.
Москва претходно изјави дека не ѝ се допаѓаат европските предлози и дека нема да прифати никакво присуство на трупи на НАТО на украинска територија.
Фото: принтскрин
Регион
Министерството за внатрешни работи на Србија: Дачиќ примил плик со три куршуми во него

Српското Министерство за внатрешни работи соопшти дека вчера во зградата на владата на Република Србија е пронајден плик адресиран до вицепремиерот и министер за внатрешни работи, Ивица Дачиќ, во кој имало три куршуми.
Сомнителната пратка е откриена вчера за време на безбедносна проверка на рендгенски уред при сортирање пошта. Истрагата утврдила дека пликот бил предаден два дена претходно во филијалата на поштата на Србија во Пожаревац.
Полицијата го идентификувала и го пронашла лицето што го доставило пакетот, а истрагата за сите околности на настанот е во тек.
Министерството соопшти дека ги презема сите законски пропишани мерки и дејства со цел да се заштити безбедноста на граѓаните и на институциите.
Фото: принтскрин